୨୦୧୬ ମସିହାରେ ପତ୍ନୀଙ୍କ ମୃତଦେହକୁ କାନ୍ଧରେ ବୋହି ପ୍ରାୟ ୧୦ କିଲୋମିଟର ଚାଲି ଦେଶବ୍ୟାପୀ ଚର୍ଚ୍ଚାରେ ଆସିଥିବା କଳାହାଣ୍ଡିର ଦାନା ମାଝୀ ଏବେ ନିଜ ଜୀବନ କାହାଣୀକୁ ନେଇ ନିର୍ମିତ ଏକ ସର୍ଟ ଫିଲ୍ମକୁ ବିରୋଧ କରି ପୁଲିସର ଦ୍ୱାରସ୍ଥ ହୋଇଛନ୍ତି।
ସୋମବାର ସେ ବଲାଙ୍ଗିର ଜିଲ୍ଲାର ପାଟଣାଗଡ଼ ଥାନାରେ ସମ୍ବଲପୁରର ପ୍ରଯୋଜକ ମନୋଜ ବାଗ୍ଙ୍କ ବିରୋଧରେ ଲିଖିତ ଅଭିଯୋଗ ଦାଖଲ କରିଛନ୍ତି।
ଦାନା ମାଝୀଙ୍କ ଅଭିଯୋଗ ଅନୁଯାୟୀ, ‘ଲାଶ’ ନାମକ ସର୍ଟ ଫିଲ୍ମଟି ତାଙ୍କ ଜୀବନର ସେହି ହୃଦୟବିଦାରକ ଘଟଣାରୁ ପ୍ରେରିତ। କିନ୍ତୁ ଫିଲ୍ମ ନିର୍ମାଣ ପୂର୍ବରୁ ତାଙ୍କଠାରୁ କୌଣସି ପ୍ରକାର ଅନୁମତି କିମ୍ବା ସହମତି ନିଆଯାଇନଥିଲା।
ସେ ଅଭିଯୋଗ କରିଛନ୍ତି ଯେ, ତାଙ୍କ ବ୍ୟକ୍ତିଗତ ଜୀବନ କାହାଣୀକୁ ବିନା ଅନୁମତିରେ ବ୍ୟବହାର କରାଯାଇଥିବାରୁ ସେ ପ୍ରଯୋଜକଙ୍କ ବିରୋଧରେ ଉପଯୁକ୍ତ ଆଇନଗତ କାର୍ଯ୍ୟାନୁଷ୍ଠାନ ଦାବି କରିଛନ୍ତି।
୨୦୧୬ ମସିହାରେ କଳାହାଣ୍ଡି ଜିଲ୍ଲାରେ ଦାନା ମାଝୀଙ୍କ ପତ୍ନୀଙ୍କ ମୃତ୍ୟୁ ପରେ ହସ୍ପିଟାଲରୁ ଶବବାହୀ ଗାଡ଼ି ମିଳିନଥିବା ଅଭିଯୋଗ ହୋଇଥିଲା। ଫଳରେ ସେ ପତ୍ନୀଙ୍କ ମୃତଦେହକୁ କାନ୍ଧରେ ବୋହି ପ୍ରାୟ ୧୦ କିଲୋମିଟର ଚାଲିଥିଲେ।
ଏହି ଘଟଣାର ଚିତ୍ର ଓ ଖବର ଦେଶବ୍ୟାପୀ ପ୍ରସାରିତ ହେବା ପରେ ସାରା ଦେଶରେ ତୀବ୍ର ପ୍ରତିକ୍ରିୟା ସୃଷ୍ଟି ହୋଇଥିଲା। ଗ୍ରାମାଞ୍ଚଳର ସ୍ୱାସ୍ଥ୍ୟସେବା, ଶବବାହୀ ଗାଡ଼ିର ଅଭାବ ଏବଂ ସାମାଜିକ କଲ୍ୟାଣ ବ୍ୟବସ୍ଥାକୁ ନେଇ ବ୍ୟାପକ ଆଲୋଚନା ହୋଇଥିଲା।
ଏବେ ସେହି ଘଟଣାକୁ ଆଧାର କରି ନିର୍ମିତ ସର୍ଟ ଫିଲ୍ମକୁ ନେଇ ଦାନା ମାଝୀଙ୍କ ଅଭିଯୋଗ ପରେ ଏହି ମାମଲା ପୁଣିଥରେ ଚର୍ଚ୍ଚାର କେନ୍ଦ୍ରବିନ୍ଦୁକୁ ଆସିଛି।
ନୟାଗଡ଼ ବିଜେଡି ବିଧାୟକଅରୁଣ କୁମାର ସାହୁଙ୍କ ପାଇଁ ସୋମବାର...
ଇରାନର ଆଭ୍ୟନ୍ତରୀଣ ରାଜନୀତିରେ ଏବେ ଏକ ବଡ଼ ଧରଣର ବିବାଦ ଦ...
ସାଉଦି ଆରବର ଯୁବ ପ୍ରିନ୍ସ ଅବ୍ଦୁଲ୍ଲା ବିନ୍ ଫହଦ ବିନ୍ ଅବଦ...
ମଧ୍ୟପ୍ରାଚ୍ୟରେ ବଢ଼ୁଥିବା ସଂଘର୍ଷ ଓ ସାମୁଦ୍ରିକ ସୁରକ୍ଷାକ...
ଓଡ଼ିଶା ରାଜନୀତିରେ ରବିବାର ଏକ ବଡ଼ ରାଜନୈତିକ ପରିବର୍ତ୍ତନ...
କେନ୍ଦ୍ର ଶିକ୍ଷାମନ୍ତ୍ରୀଧର୍ମେନ୍ଦ୍ର ପ୍ରଧାନଙ୍କ ଇସ୍ତଫାପର...
ଲଗାତାର ବର୍ଷା ଓ ନଦୀରେ ଜଳସ୍ତର ବୃଦ୍ଧି ପାଇବା ଫଳରେସୁବର୍...
ମଧ୍ୟପ୍ରାଚ୍ୟରେ ଚାଲିଥିବା ଉତ୍ତେଜନା ମଧ୍ୟରେ ଆମେରିକା ଇରା...
ବଙ୍ଗୋପସାଗରରେ ସୃଷ୍ଟି ହୋଇଥିବା ଡିପ୍ରେସନ ପ୍ରଭାବରେ ଓଡ଼ି...
ଲଗାତାର ବର୍ଷା ଯୋଗୁଁ ରାଜଧାନୀଭୁବନେଶ୍ୱରଓକଟକସମେତ ଓଡ଼ିଶା...
ଓଡ଼ିଶାରେ ପୁଣି ଏକଲଘୁଚାପସକ୍ରିୟ ହେବାକୁ ଯାଉଥିବାରୁ ଆଗାମ...
କେନ୍ଦ୍ର ଶିକ୍ଷାମନ୍ତ୍ରୀ ପଦରୁ ଧର୍ମେନ୍ଦ୍ର ପ୍ରଧାନ ପୂର୍ବ...
