ଓଡ଼ିଶା ରାଜନୀତିରେ ରବିବାର ଏକ ବଡ଼ ରାଜନୈତିକ ପରିବର୍ତ୍ତନ ଦେଖିବାକୁ ମିଳିଛି। କଳାହାଣ୍ଡି ଜିଲ୍ଲା ପରିଷଦ ଅଧ୍ୟକ୍ଷପୁଷ୍ପେନ୍ଦ୍ର ସିଂହଦେଓବିଜୁ ଜନତା ଦଳ (ବିଜେଡି) ଛାଡ଼ି ଭାରତୀୟ ଜନତା ପାର୍ଟି (ବିଜେପି)ରେ ଯୋଗ ଦେଇଛନ୍ତି।

ଭୁବନେଶ୍ୱର ସ୍ଥିତ ବିଜେପି ରାଜ୍ୟ କାର୍ଯ୍ୟାଳୟରେ ଆୟୋଜିତ ମିଶ୍ରଣ ପର୍ବରେ ବିଜେପିର ରାଜ୍ୟ ସଭାପତିମନମୋହନ ସାମଲଓ ସାଂସଦମାଳବିକା ଦେବୀଙ୍କ ଉପସ୍ଥିତିରେ ସେ ଆନୁଷ୍ଠାନିକ ଭାବେ ପଦ୍ମ ଶିବିରରେ ସାମିଲ ହୋଇଥିଲେ।

ପୁଷ୍ପେନ୍ଦ୍ର ସିଂହଦେଓଙ୍କ ସହ କଳାହାଣ୍ଡି ଜିଲ୍ଲାର୭ ଜଣ ଜିଲ୍ଲା ପରିଷଦ ସଦସ୍ୟମଧ୍ୟ ବିଜେପିରେ ଯୋଗ ଦେଇଛନ୍ତି। ସେହିପରି ନୂଆପଡ଼ା ଜିଲ୍ଲାର୩ ଜଣ ଜିଲ୍ଲା ପରିଷଦ ସଦସ୍ୟ—ମୁରଲୀଧର ଭୋଇ, ଉମା ଠାକୁର ଏବଂ ମାଲ୍ୟବନ୍ତ ସୁନା—ମଧ୍ୟ ବିଜେଡି ଛାଡ଼ି ବିଜେପିରେ ସାମିଲ ହୋଇଛନ୍ତି।

ଏହାଛଡ଼ାକୋମନା ବ୍ଲକ ବିଜେଡି ସଭାପତି କ୍ଷମା ସିଂ ନିଆଲମଧ୍ୟ ବିଜେପିରେ ଯୋଗ ଦେଇଥିବା ଜଣାପଡ଼ିଛି।

ଏହି ମିଶ୍ରଣ ପର୍ବରେ ସାଂସଦବିଭୁ ତରାଇ, ରାଜ୍ୟସଭା ସାଂସଦସୁଜିତ କୁମାର, ନୂଆପଡ଼ା ବିଧାୟକଜୟ ଢୋଲକିଆ, ବିଧାୟକସୁଧୀର ପାଟ୍ଟଯୋଶୀଓ ପୂର୍ବତନ ସାଂସଦଅର୍କକେଶରୀ ସିଂଦେଓପ୍ରମୁଖ ଉପସ୍ଥିତ ଥିଲେ।

ରାଜନୈତିକ ବିଶ୍ଳେଷକଙ୍କ ମତରେ, ସ୍ଥାନୀୟ ସ୍ତରରେ ଏହି ମିଶ୍ରଣ ବିଜେଡି ପାଇଁ ଏକ ବଡ଼ ଝଟକା ହୋଇପାରେ ଏବଂ କଳାହାଣ୍ଡି ଓ ନୂଆପଡ଼ା ଜିଲ୍ଲାର ରାଜନୈତିକ ସମୀକରଣ ଉପରେ ଏହାର ପ୍ରଭାବ ପଡ଼ିପାରେ।