ମଧ୍ୟପ୍ରାଚ୍ୟରେ ବଢୁଥିବା ଆଞ୍ଚଳିକ ଉତ୍ତେଜନା ମଧ୍ୟରେ ଇରାନ ସଂସଦର ବାଚସ୍ପତିମହମ୍ମଦ ବାଘେର ଗାଲିବାଫଆମେରିକା ବିରୋଧରେ କଡ଼ା ମନ୍ତବ୍ୟ ଦେଇଛନ୍ତି। ସେ ଆମେରିକା ଉପରେ ଦ୍ୱିପାକ୍ଷିକ ଚୁକ୍ତିର ବାରମ୍ବାର ଉଲ୍ଲଂଘନ କରିଥିବା ଅଭିଯୋଗ ଆଣିବା ସହ ତେହେରାନ ଉପରେ ଚାପ ସୃଷ୍ଟି କରିବାର ନୀତିକୁ କଡ଼ା ସମାଲୋଚନା କରିଛନ୍ତି।
ସୋସିଆଲ ମିଡିଆ ପ୍ଲାଟଫର୍ମXରେ ପୋଷ୍ଟ କରି ଗାଲିବାଫ କହିଛନ୍ତି ଯେ, ଆମେରିକା ପକ୍ଷରୁ ଏକାଧିକ ଦ୍ୱିପାକ୍ଷିକ ପ୍ରତିଶ୍ରୁତି ଓ ଚୁକ୍ତିର ଉଲ୍ଲଂଘନ କରାଯାଇଛି, ଯାହା ଦୁଇ ଦେଶ ମଧ୍ୟରେ କୂଟନୈତିକ ସମ୍ପର୍କକୁ ଆହୁରି ଜଟିଳ କରିଛି।
ଗାଲିବାଫଙ୍କ ଅଭିଯୋଗ ଅନୁଯାୟୀ, ଆମେରିକା ହର୍ମୁଜ୍ ଅଞ୍ଚଳରେ ଇରାନର ସ୍ୱାର୍ଥ ପ୍ରତି ବାଧା ସୃଷ୍ଟି କରିବା, ଲଗାତାର ସାମରିକ ଧମକ ଦେବା, ତେଲ ଉପରେ ପୁଣି କଟକଣା ଲାଗୁ କରିବା, ଦକ୍ଷିଣ ଇରାନ ଉପରେ ଆକ୍ରମଣ ଏବଂ ଲେବାନନରେ ଜାରି ଥିବା ଜାୟୋନିଷ୍ଟ ଆକ୍ରମଣକୁ ସମର୍ଥନ କରିବା ଭଳି କାର୍ଯ୍ୟ ମାଧ୍ୟମରେ ପରିସ୍ଥିତିକୁ ଅଧିକ ଜଟିଳ କରୁଛି।
ୱାସିଂଟନର କଠୋର ଆଭିମୁଖ୍ୟ ଉପରେ ପ୍ରତିକ୍ରିୟା ରଖି ଗାଲିବାଫ କହିଛନ୍ତି ଯେ, ସାମରିକ କିମ୍ବା ଆର୍ଥିକ ଚାପ ଦେଇ ଇରାନକୁ ନିଜ ନୀତିରୁ ପଛକୁ ହଟାଇବା ସମ୍ଭବ ନୁହେଁ।
ସେ କହିଛନ୍ତି,"ଦାଦାଗିରି ଏବଂ ବଟି ଆଦାୟର ଯୁଗ ଶେଷ ହୋଇଯାଇଛି। ଇରାନ ଏଭଳି ଚାପକୁ କେବେ ବି ଗ୍ରହଣ କରିବ ନାହିଁ।"
ଗାଲିବାଫଙ୍କ ଏହି ବୟାନ ଏପରି ସମୟରେ ଆସିଛି, ଯେତେବେଳେ ମଧ୍ୟପ୍ରାଚ୍ୟରେ ସୁରକ୍ଷା ଓ କୂଟନୈତିକ ପରିସ୍ଥିତିକୁ ନେଇ ଅନ୍ତର୍ଜାତୀୟ ସ୍ତରରେ ଚିନ୍ତା ବଢ଼ୁଛି
ଭୁବନେଶ୍ୱର:ଓଡ଼ିଶାରେ ଆଗାମୀ ୫ ଦିନ ପାଗ ଅସ୍ଥିର ରହିବା ସମ...
ଭୁବନେଶ୍ୱର: ଓଡ଼ିଶାରେ ପୁଣି ଏକ ବଡ଼ ବର୍ଷା ସମ୍ଭାବନା। ଆସ...
ପଶ୍ଚିମ ଏସିଆରେ ଯୁଦ୍ଧ ଓ ଭୂ-ରାଜନୈତିକ ଉତ୍ତେଜନା କାରଣରୁ...
ଦେଶରେ ଚିନି ଦରରେ ତୀବ୍ର ବୃଦ୍ଧିକୁ ନେଇ ସରକାର ହୋର୍ଡିଂ ର...
ଭାରତରେ ଚିପ୍ସ, ମିଠା ପାନୀୟ ଓ ଅନ୍ୟାନ୍ୟ ପ୍ୟାକେଜ୍ଡ ଖାଦ୍...
ନୂଆଦିଲ୍ଲୀ:ଭାରତୀୟ ବାୟୁସେନା (IAF) ନିଜର ପରିବହନ ବିମାନ...
ଭାରତର ଡିଜିଟାଲ୍ ପେମେଣ୍ଟ ବ୍ୟବସ୍ଥା UPI (Unified Payme...
ଉତ୍ତରପ୍ରଦେଶରେ ବନ୍ୟା ପରିସ୍ଥିତି ଯୋଗୁଁ ୧୩ଟି ଜିଲ୍ଲାର ୧...
ଗ୍ରୀନଲ୍ୟାଣ୍ଡରେ ଜଳବାୟୁ ପରିବର୍ତ୍ତନର ଆଉ ଏକ ବଡ଼ ପ୍ରଭାବ...
