ଲଗାତାର ବର୍ଷା ଓ ନଦୀରେ ଜଳସ୍ତର ବୃଦ୍ଧି ପାଇବା ଫଳରେସୁବର୍ଣ୍ଣପୁର ଜିଲ୍ଲାର ବିଭିନ୍ନ ଅଞ୍ଚଳରେ ଜନଜୀବନ ଅସ୍ତବ୍ୟସ୍ତ ହୋଇପଡ଼ିଛି। ବନ୍ୟାଜଳ ପୋଲ ଓ ରାସ୍ତା ଉପରେ ପ୍ରବାହିତ ହେଉଥିବାରୁ ଅନେକ ସ୍ଥାନରେ ଯୋଗାଯୋଗ ବିଚ୍ଛିନ୍ନ ହୋଇଛି।

ବିନିକା ସହରର ଗୁଲାପଦା ତଳିଆ ପୋଲ ଉପରେ ପ୍ରାୟ୨ ଫୁଟ୍ ଉଚ୍ଚର ବନ୍ୟାଜଳପ୍ରବାହିତ ହେଉଛି। ଏହା ଫଳରେ ବିନିକା ସହ ଗୁଲାପଦା ଓ ଝରାପଡା ଭଳି ନିକଟସ୍ଥ ଗାଁଗୁଡ଼ିକର ସଡ଼କ ଯୋଗାଯୋଗ ବାଧାପ୍ରାପ୍ତ ହୋଇଛି। ସ୍ଥାନୀୟ ଲୋକମାନେ ପୁରୁଣା ପୋଲ ପରିବର୍ତ୍ତେ ଏକ ନୂତନ ଉଚ୍ଚ ପୋଲ ନିର୍ମାଣ ପାଇଁ ଦାବି କରିଛନ୍ତି।

ସେହିପରିବୀରମହାରାଜପୁର-ଅମରପାଲି ରାସ୍ତାର ଭୁଟିଆପାଲି ନିକଟସ୍ଥଘୁଙ୍ଗିନାଳା ପୋଲଉପରେ ପ୍ରାୟ୪ ଫୁଟ୍ ଉଚ୍ଚର ବନ୍ୟାଜଳପ୍ରବାହିତ ହେଉଛି। ଏହା ଫଳରେ ବୀରମହାରାଜପୁରରୁ ସମ୍ବଲପୁର, ରେଢ଼ାଖୋଲ, ଚାରମାଲ ଓ ଦୁର୍ଜନତଇଲା, ବାହାଲପଦର ଏବଂ ଲୁତୁରପଙ୍କା ଗ୍ରାମପଞ୍ଚାୟତ ସହ ସଡ଼କ ସଂଯୋଗ ବିଚ୍ଛିନ୍ନ ହୋଇଛି।

ଅନ୍ୟପଟେ,ହରିହରଜୋରା ବନ୍ଧରେ ଜଳସ୍ତର୧୪୭.୪୫ ମିଟରରେ ପହଞ୍ଚିଥିବାରୁ ଏହାର୪ଟି ଗେଟ୍ ଖୋଲାଯାଇଛି। ବନ୍ଧକୁ ପ୍ରାୟ୧,୮୩୦ କ୍ୟୁସେକ୍ପାଣି ପ୍ରବେଶ କରୁଥିବାରୁ ଅତିରିକ୍ତ ପାଣି ନିଷ୍କାସନ କରାଯାଉଛି।

ସ୍ଥାନୀୟ ବାସିନ୍ଦାଙ୍କ କହିବା ଅନୁଯାୟୀ, ପ୍ରତିଦିନ ଏହି ପୋଲ ଦେଇ ବଜାରକୁ ପନିପରିବା ବିକ୍ରି କରିବାକୁ ଯିବାକୁ ପଡ଼ୁଛି। ପୋଲ ଉପରେ ୩ରୁ ୪ ଫୁଟ୍ ପାଣି ଥିବା ସତ୍ତ୍ୱେ ବାଧ୍ୟ ହୋଇ ଜୀବନକୁ ବାଜି ଲଗାଇ ଯାତାୟାତ କରୁଛନ୍ତି।

ସ୍ଥାନୀୟ ଲୋକମାନେ ଦୀର୍ଘଦିନ ଧରି ଏହି ଅଞ୍ଚଳରେ ଏକ ଉଚ୍ଚ ଓ ସ୍ଥାୟୀ ପୋଲ ନିର୍ମାଣ ପାଇଁ ଦାବି କରୁଥିବାବେଳେ, ଏନେଇ ଜିଲ୍ଲା ପ୍ରଶାସନର କୌଣସି ପ୍ରତିକ୍ରିୟା ମିଳିନାହିଁ।