ଆମେରିକାରେ ଚାକିରି କରି ଗ୍ରୀନ୍ କାର୍ଡ ମାଧ୍ୟମରେ ସ୍ଥାୟୀ ଭାବେ ରହିବାକୁ ଆଶା ରଖିଥିବା ଭାରତୀୟ ପେଶାଦାରଙ୍କ ପାଇଁ ଏକ ଚିନ୍ତାଜନକ ରିପୋର୍ଟ ସାମ୍ନାକୁ ଆସିଛି। National Foundation for American Policy (NFAP)ର ଏକ ବିଶ୍ଳେଷଣ ଅନୁସାରେ, ଆଜି EB-2 ଶ୍ରେଣୀରେ ନୂଆ ଆବେଦନ କରୁଥିବା ଭାରତୀୟଙ୍କୁ ଗ୍ରୀନ୍ କାର୍ଡ ପାଇଁ୧୭୯ ବର୍ଷ ପର୍ଯ୍ୟନ୍ତଅପେକ୍ଷା କରିବାକୁ ପଡ଼ିପାରେ।

NFAP ଆମେରିକାରEB-1, EB-2 ଓ EB-3ଭଳି employment-based immigration ଶ୍ରେଣୀର ତଥ୍ୟ ଆଧାରରେ ଏହି ବିଶ୍ଳେଷଣ କରିଛି।

EB-2 ପାଇଁ ୧୭୯ ବର୍ଷ, EB-3 ପାଇଁ ୩୮ ବର୍ଷ

ଭାରତୀୟ ଆବେଦନକାରୀଙ୍କ ଅପେକ୍ଷା ସମୟ ଶ୍ରେଣୀ ଅନୁସାରେ ବହୁତ ଭିନ୍ନ ରହିଛି।

• EB-2:୧୭୯ ବର୍ଷ ପର୍ଯ୍ୟନ୍ତ
• EB-3:୩୮ ବର୍ଷ ପର୍ଯ୍ୟନ୍ତ
• EB-1:ପ୍ରାୟ ୪ରୁ ୫ ବର୍ଷ ପର୍ଯ୍ୟନ୍ତ

ଏହି ଆକଳନ ବର୍ତ୍ତମାନର backlog ଓ ଲାଗୁଥିବା ଭିସା ସୀମାକୁ ଆଧାର କରି ନୂଆ ଆବେଦନକାରୀଙ୍କ ପାଇଁ କରାଯାଇଛି।

ପ୍ରାୟ ୧୦ ଲକ୍ଷ ଭାରତୀୟ ବ୍ୟାକଲଗ୍ରେ

ରିପୋର୍ଟ ଅନୁସାରେ,ଡିସେମ୍ବର ୨୦୨୫ ସୁଦ୍ଧା ପ୍ରାୟ ୧୦ ଲକ୍ଷ ଭାରତୀୟଆମେରିକାର employment-based immigration backlogରେ ଥିଲେ।

EB-1, EB-2 ଓ EB-3କୁ ମିଶାଇ ସମୁଦାୟ backlog ପ୍ରାୟ୧.୨୬ ନିୟୁତଥିବା ଆକଳନ କରାଯାଇଛି। ଏପ୍ରିଲ ୨୦୨୦ରେ ଏହି ସଂଖ୍ୟା ପ୍ରାୟ ୧.୦୫ ନିୟୁତ ଥିଲା। ଅର୍ଥାତ୍ ୫ ବର୍ଷ ମଧ୍ୟରେ backlogରେ ପ୍ରାୟ୨୦.୬ ପ୍ରତିଶତ ବୃଦ୍ଧିଘଟିଛି।

ତିନୋଟି ଶ୍ରେଣୀ ମଧ୍ୟରେ EB-3ର ଅଂଶ ୩୦.୧ ପ୍ରତିଶତ, EB-2ର ୨୨.୯ ପ୍ରତିଶତ ଏବଂ EB-1ର ୧୬.୬ ପ୍ରତିଶତ ରହିଛି।

କାହିଁକି ଏତେ ଦୀର୍ଘ ଅପେକ୍ଷା?

ଆମେରିକାର employment-based green card ବ୍ୟବସ୍ଥାରେ ପ୍ରତିବର୍ଷ ଜାରି ହେଉଥିବା ଗ୍ରୀନ୍ କାର୍ଡ ସଂଖ୍ୟା ଆଇନଗତ ଭାବେ ସୀମିତ। Employment-based green card ପାଇଁ ପ୍ରାୟ୧୪୦,୦୦୦ର ବାର୍ଷିକ ସୀମାରହିଛି। ଏହା ସହିତ ଗୋଟିଏ ଦେଶର ନାଗରିକଙ୍କ ପାଇଁ ୭ ପ୍ରତିଶତ ସୀମା ମଧ୍ୟ ରହିଛି।

ଆମେରିକାରେ ସ୍ଥାୟୀ ବାସ ପାଇଁ ଆବେଦନ କରୁଥିବା ଭାରତୀୟଙ୍କ ସଂଖ୍ୟା ଅଧିକ ଥିବାରୁ ଏହି ସୀମାର ପ୍ରଭାବ ଭାରତୀୟ ଆବେଦନକାରୀଙ୍କ ଉପରେ ଅଧିକ ପଡ଼ୁଛି।

ଏହାର ପରିଣାମରେ ଆବେଦନକାରୀଙ୍କ ସଂଖ୍ୟା ଓ ଉପଲବ୍ଧ ଗ୍ରୀନ୍ କାର୍ଡ ମଧ୍ୟରେ ବଡ଼ ଅନ୍ତର ସୃଷ୍ଟି ହୋଇଛି।

H-1B ଭିସାରେ ମଧ୍ୟ ଅନିଶ୍ଚିତତା

ଦୀର୍ଘ ଗ୍ରୀନ୍ କାର୍ଡ ଅପେକ୍ଷାର ପ୍ରଭାବ ଆମେରିକାରେ ପୂର୍ବରୁ କାମ କରୁଥିବା ଭାରତୀୟ ପେଶାଦାରଙ୍କ ଉପରେ ମଧ୍ୟ ପଡ଼ୁଛି। ଅନେକ ଆବେଦନକାରୀH-1B temporary work statusରେ ରହି ଗ୍ରୀନ୍ କାର୍ଡ ପ୍ରକ୍ରିୟା ଆଗକୁ ବଢ଼ାଉଛନ୍ତି।

ଦଶନ୍ଧି ଧରି ଚାଲିପାରୁଥିବା ଏହି ଅପେକ୍ଷା ଚାକିରି, ପରିବାର ଓ ଭବିଷ୍ୟତ ଯୋଜନା ସମ୍ପର୍କରେ ଅନିଶ୍ଚିତତା ବଢ଼ାଇପାରେ। ଏହା ଆମେରିକୀୟ କମ୍ପାନୀଗୁଡ଼ିକ ପାଇଁ ଦକ୍ଷ କର୍ମଚାରୀଙ୍କୁ ଆକର୍ଷିତ ଓ ଧରି ରଖିବାରେ ମଧ୍ୟ ଚ୍ୟାଲେଞ୍ଜ ସୃଷ୍ଟି କରିପାରେ।

ଟ୍ରମ୍ପ ପ୍ରଶାସନର ଇମିଗ୍ରେସନ୍ ନୀତି ମଧ୍ୟ ଚର୍ଚ୍ଚାରେ

NFAPର ବିଶ୍ଳେଷଣ ଆମେରିକାରେ ଇମିଗ୍ରେସନ୍ ନୀତି କଡ଼ାକଡ଼ି ହେଉଥିବା ସମୟରେ ଆସିଛି। ରିପୋର୍ଟରେ ଭିସା ଓ ଗ୍ରୀନ୍ କାର୍ଡ ରଦ୍ଦ, ଇମିଗ୍ରେସନ୍ ଆବେଦନରେ ଅଧିକ ଯାଞ୍ଚ ଏବଂ କେତେକ ଭିସା ପାଇଁ ଅଧିକ ଫି’ ଭଳି ପଦକ୍ଷେପର ଉଲ୍ଲେଖ ରହିଛି।

ରିପୋର୍ଟ ଅନୁସାରେ, ୨୦୨୪ରେ ଆମେରିକାରେ ଭାରତୀୟ ମୂଳର ଲୋକଙ୍କ ସଂଖ୍ୟା ପ୍ରାୟ୩୨ ଲକ୍ଷଥିଲା।

ତେଣୁ ଆମେରିକାରେ ସ୍ଥାୟୀ ଭାବେ ରହିବାକୁ ଆଶା କରୁଥିବା ଭାରତୀୟ ପେଶାଦାରଙ୍କ ପାଇଁ ଚ୍ୟାଲେଞ୍ଜ କେବଳ ଚାକିରି କିମ୍ବା H-1B ଭିସା ପାଇବାରେ ସୀମିତ ନୁହେଁ।ଗ୍ରୀନ୍ କାର୍ଡ queueରେ ଆଗକୁ ବଢ଼ିବା ମଧ୍ୟ ଏକ ବଡ଼ ସମସ୍ୟା ପାଲଟିଛି।