ଓଡ଼ିଶାର ଗଞ୍ଜାମ ଜିଲ୍ଲାରେ ପରିବହନ ବିଭାଗର କଡ଼ା ଯାଞ୍ଚ ବେଳେ ଏକ ବେସରକାରୀ ଯାତ୍ରୀବାହୀ ବସ୍କୁ ଏକାଧିକ ନିୟମ ଉଲ୍ଲଂଘନ ପାଇଁ ₹8,40,163 ଜରିମାନା କରାଯିବା ସହ ଜବତ କରାଯାଇଛି।
ସୂଚନା ଅନୁଯାୟୀ, 'ଜୟଶ୍ରୀ' (OD-19 R-4597) ନାମକ ବସ୍ଟି ବ୍ରହ୍ମପୁରରୁ ଛତ୍ରପୁର ଯାଉଥିବା ବେଳେ ଛତ୍ରପୁର ନିକଟ ଜାତୀୟ ରାଜପଥରେ ଜିଲ୍ଲା ପରିବହନ ପ୍ରବର୍ତ୍ତନ ଟିମ୍ ପକ୍ଷରୁ ଅଟକାଯାଇଥିଲା।
ଯାଞ୍ଚ ସମୟରେ ବସ୍ଟିର ଫିଟନେସ୍ ସର୍ଟିଫିକେଟ୍, ପ୍ରଦୂଷଣ ପ୍ରମାଣପତ୍ର (PUC), ବୀମା ଓ ବୈଧ ପରମିଟ୍ ନଥିବା ଜଣାପଡ଼ିଥିଲା। ଏହା ସହ ୨୦୨୩ ଜୁଲାଇ ୩୧ ଠାରୁ ରୋଡ୍ ଟ୍ୟାକ୍ସ ପରିଶୋଧ କରାଯାଇନଥିବା ମଧ୍ୟ ଧରାପଡ଼ିଥିଲା। ଯାଞ୍ଚ ବେଳେ ବସ୍ର ଚାଳକଙ୍କ ଡ୍ରାଇଭିଂ ଲାଇସେନ୍ସର ମିଆଦ ମଧ୍ୟ ଶେଷ ହୋଇଯାଇଥିବା ଅଧିକାରୀମାନେ କହିଛନ୍ତି।
ପରିବହନ ବିଭାଗ ବସ୍ ମାଲିକ ସନ୍ତୋଷ କୁମାର ସାହୁଙ୍କ ଉପରେ ମୋଟ ₹8,40,163 ଜରିମାନା ଲାଗୁ କରିଛି। ସେଥିମଧ୍ୟରୁ ₹8,05,163 କେବଳ ବକେୟା ରୋଡ୍ ଟ୍ୟାକ୍ସ ବାବଦରେ ରହିଥିବା ବେଳେ ଅବଶିଷ୍ଟ ରାଶି ବିଭିନ୍ନ ନିୟମ ଉଲ୍ଲଂଘନ ପାଇଁ ଆଦାୟ କରାଯାଇଛି।
ବସ୍ଟିକୁ ଜବତ କରି ଅଗସ୍ତି ନୂଆଗାଁ ଡ୍ରାଇଭିଂ ଟେଷ୍ଟିଂ ସେଣ୍ଟରରେ ରଖାଯାଇଛି। ସମସ୍ତ ବକେୟା ଟ୍ୟାକ୍ସ ଓ ଜରିମାନା ପରିଶୋଧ କରିବା ସହ ଆଇନଗତ ପ୍ରକ୍ରିୟା ପୂରଣ କଲା ପରେ ହିଁ ବସ୍କୁ ମୁକ୍ତ କରାଯିବ ବୋଲି ପରିବହନ ବିଭାଗ ସ୍ପଷ୍ଟ କରିଛି।
ଟ୍ରାଫିକ୍ ଇନ୍ସପେକ୍ଟର ବିଶ୍ୱରଞ୍ଜନ ସାହୁ କହିଛନ୍ତି ଯେ, ବକେୟା ଟ୍ୟାକ୍ସ କିମ୍ବା ନିୟମ ଉଲ୍ଲଂଘନ କରୁଥିବା ଯାନବାହନ ବିରୋଧରେ ପ୍ରତିଦିନ ଯାଞ୍ଚ ଅଭିଯାନ ଚାଲିଛି ଏବଂ ନିୟମ ମାନୁନଥିବା ଯାନବାହନ ବିରୋଧରେ କଡ଼ା କାର୍ଯ୍ୟାନୁଷ୍ଠାନ ଜାରି ରହିବ।
ଟୋକିଓ: ଜାପାନରେ ପୁଣି ଏକ ଶକ୍ତିଶାଳୀ ଭୂମିକମ୍ପ ଅନୁଭୂତ ହ...
ମଧ୍ୟପ୍ରାଚ୍ୟରେ ବଢ଼ୁଥିବା ସଂଘର୍ଷ ଓ ସାମୁଦ୍ରିକ ସୁରକ୍ଷାକ...
କେନ୍ଦ୍ର ଶିକ୍ଷାମନ୍ତ୍ରୀ ପଦରୁ ଧର୍ମେନ୍ଦ୍ର ପ୍ରଧାନ ପୂର୍ବ...
ମେଷ ଏହି ସପ୍ତାହ ଆପଣଙ୍କ କର୍ମକ୍ଷେତ୍ର ପାଇଁ ଉତ୍ସାହଜନ...
ସଂସଦର ମୌସୁମୀ ଅଧିବେଶନର ସପ୍ତମ ଦିନରେ ମଧ୍ୟ ଲୋକସଭା ଓ ରା...
ମେଷ ଏହି ସପ୍ତାହରେ କର୍ମକ୍ଷେତ୍ରରେ ଆପଣଙ୍କ ଦକ୍ଷତାର ପ...
ହର୍ମୁଜ୍ ପ୍ରଣାଳୀରେ ଇରାନର ପ୍ରଭାବ କ୍ରମଶଃ ବଢ଼ୁଥିବା ନେଇ...
ପ୍ରଶ୍ନପତ୍ର ଲିକ୍କୁ ନେଇ ଦେଶବ୍ୟାପୀ ହୋଇଥିବା ଛାତ୍ର ଆନ୍ଦ...
ନୟାଗଡ଼ ବିଜେଡି ବିଧାୟକଅରୁଣ କୁମାର ସାହୁଙ୍କ ପାଇଁ ସୋମବାର...
ଗାଜା ଯୁଦ୍ଧକୁ ନେଇ ଇସ୍ରାଏଲ ସରକାରଙ୍କ ନୀତିର ସମାଲୋଚନା କ...
