ସଂସଦର ମୌସୁମୀ ଅଧିବେଶନର ସପ୍ତମ ଦିନରେ ମଧ୍ୟ ଲୋକସଭା ଓ ରାଜ୍ୟସଭାରେ ହଟ୍ଟଗୋଳ ଲାଗି ରହିଛି। ଏହାଫଳରେ ଉଭୟ ଗୃହର କାର୍ଯ୍ୟବାହୀକୁ ଅପରାହ୍ନ୨ଟା ପର୍ଯ୍ୟନ୍ତ ମୁଲତବୀକରାଯାଇଛି।

ଛାତ୍ର ଆନ୍ଦୋଳନ ସମୟରେ ପୁଲିସର କାର୍ଯ୍ୟାନୁଷ୍ଠାନକୁ ନେଇ ବିରୋଧୀ ଦଳ ସରକାରଙ୍କଠାରୁ ଜବାବ ଦାବି କରିଥିଲେ। ଏହାକୁ ନେଇ ବିରୋଧୀ ସଦସ୍ୟମାନେ ଗୃହ ମଧ୍ୟଭାଗକୁ ଆସି ନାରାବାଜି କରିବା ସହ ହଟ୍ଟଗୋଳ ଜାରି ରଖିଥିଲେ।

ଲୋକସଭା ବାଚସ୍ପତିଓମ୍ ବିର୍ଲାସଦସ୍ୟମାନଙ୍କୁ ପ୍ରଶ୍ନକାଳ ସୁଚାରୁ ଭାବେ ଚାଲିବାକୁ ଅନୁରୋଧ କରିଥିଲେ। ସେ ଏହା ମଧ୍ୟ ସୂଚନା ଦେଇଥିଲେ ଯେପେପର ଲିକ୍ ନିରୋଧୀ ସଂଶୋଧନ ବିଲ୍ଉପରେ ଆଲୋଚନା ପାଇଁ ୬ ଘଣ୍ଟା ସମୟ ଧାର୍ଯ୍ୟ କରାଯାଇଛି ଏବଂ ଆବଶ୍ୟକ ହେଲେ ସଦନର ସହମତି ଅନୁଯାୟୀ ସମୟ ବଢ଼ାଯାଇପାରିବ।

କିନ୍ତୁ ବିରୋଧୀ ସଦସ୍ୟମାନେ ହଟ୍ଟଗୋଳ ବନ୍ଦ ନ କରିବାରୁ ଲୋକସଭାର କାର୍ଯ୍ୟବାହୀକୁ ଅପରାହ୍ନ ୨ଟା ପର୍ଯ୍ୟନ୍ତ ମୁଲତବୀ କରାଯାଇଛି। ଅପରାହ୍ଣରେ ବିଲ୍ ଉପରେ ଆଲୋଚନା ହେବାର ସମ୍ଭାବନା ରହିଛି।

ସେହିପରି ରାଜ୍ୟସଭାରେ ମଧ୍ୟ ସମାନ ପରିସ୍ଥିତି ଦେଖାଦେଇଛି। ତେବେ ଅପରାହ୍ଣରେଜାତୀୟ ସମ୍ମାନ ଅପମାନ ନିବାରଣ (ସଂଶୋଧନ) ବିଲ୍ଉପରେ ଆଲୋଚନା ଏବଂ ଏହାକୁ ଗୃହୀତ କରିବାର ସମ୍ଭାବନା ରହିଛି।

ଉଲ୍ଲେଖଯୋଗ୍ୟ, କେନ୍ଦ୍ର ସରକାର ଗତକାଲି ଲୋକସଭାରେପେପର ଲିକ୍ ନିରୋଧୀ ଆଇନରେ ସଂଶୋଧନ ବିଲ୍ଆଗତ କରିଥିଲେ। ଏହାକୁ ନେଇ ସଂସଦରେ ରାଜନୈତିକ ତର୍କ ତୀବ୍ର ହୋଇଛି।