ଯାତ୍ରା ପାଇଁ ଗଲା ୧.୬୩ ବିଲିୟନ ଡଲାର

ଅଗଷ୍ଟରେ LRS ଅଧୀନରେ ମୋଟ ରେମିଟାନ୍ସରୁ ପ୍ରାୟ୧.୬୩ ବିଲିୟନ ଡଲାର ବିଦେଶ ଯାତ୍ରାସହ ଜଡ଼ିତ ଥିଲା। ଅର୍ଥାତ୍ ମୋଟ ବାହ୍ୟ ଅର୍ଥପ୍ରେଷଣର ଅଧାରୁ ଅଧିକ ଅଂଶ ଯାତ୍ରା ଖର୍ଚ୍ଚ ପାଇଁ ଯାଇଛି।

ତେବେ ବାର୍ଷିକ ତୁଳନାରେ ଯାତ୍ରା ସମ୍ପର୍କିତ ରେମିଟାନ୍ସର ବୃଦ୍ଧି ଅତ୍ୟନ୍ତ ସୀମିତ ରହିଛି। ଅଗଷ୍ଟ ୨୦୨୫ ତୁଳନାରେ ଏହା ପ୍ରାୟ୦.୭ ପ୍ରତିଶତ ବଢ଼ି୧.୬୩ ବିଲିୟନ ଡଲାର ହୋଇଛି।

ଯାତ୍ରା ଖର୍ଚ୍ଚ ମଧ୍ୟରେ ଛୁଟି କାଟିବା ଓ ଅନ୍ତର୍ଜାତୀୟ କ୍ରେଡିଟ୍ କାର୍ଡ ସେଟଲମେଣ୍ଟ ଭଳି ‘ଅନ୍ୟାନ୍ୟ ଯାତ୍ରା’ ଖର୍ଚ୍ଚ ପ୍ରମୁଖ। ଏହି ଖଣ୍ଡ ଅଗଷ୍ଟରେ ୭.୪ ପ୍ରତିଶତ କମି ପ୍ରାୟ୭୧୩.୮ ମିଲିୟନ ଡଲାରହୋଇଥିଲା। ଅନ୍ୟପଟେ ବିଜନେସ୍ ଟ୍ରାଭେଲ୍ ରେମିଟାନ୍ସରେ ବଡ଼ ଲମ୍ଫ ଦେଖାଯାଇ୫୧ ମିଲିୟନ ଡଲାରହୋଇଥିଲା, ଯାହା ବର୍ଷକ ପୂର୍ବରୁ ୧୧ ମିଲିୟନ ଡଲାର ଥିଲା।

ବିଦେଶୀ ନିବେଶରେ ବଡ଼ ବୃଦ୍ଧି

ବିଦେଶ ଯାତ୍ରା ସହିତ ଭାରତୀୟଙ୍କ ବିଦେଶୀ ନିବେଶ ମଧ୍ୟ ଏହି ତଥ୍ୟର ଏକ ପ୍ରମୁଖ ଦିଗ। ଅଗଷ୍ଟରେବିଦେଶୀ ଇକ୍ୱିଟି ଓ ଡେବ୍ଟ ଇନ୍ଷ୍ଟ୍ରୁମେଣ୍ଟରେ ୩୨୧.୫ ମିଲିୟନ ଡଲାରରେମିଟ୍ କରାଯାଇଥିଲା।

ଜୁଲାଇ ତୁଳନାରେ ଏହି ପରିମାଣ ପ୍ରାୟ ୬.୭ ପ୍ରତିଶତ କମିଥିଲେ ମଧ୍ୟ, ଅଗଷ୍ଟ ୨୦୨୫ ତୁଳନାରେ ଏହା୧୧୧.୩ ପ୍ରତିଶତ ଅଧିକ। ଅର୍ଥାତ୍ ଭାରତୀୟ ବାସିନ୍ଦାଙ୍କ ମଧ୍ୟରେ ବିଦେଶୀ ଆର୍ଥିକ ସମ୍ପତ୍ତିରେ ନିବେଶ ପ୍ରତି ଆଗ୍ରହ ବଢ଼ୁଥିବାର ସଙ୍କେତ ମିଳୁଛି।

ଅଗଷ୍ଟରେ ବିଦେଶରେ ଅଚଳ ସମ୍ପତ୍ତି କିଣିବା ପାଇଁ ପଠାଯାଇଥିବା ଅର୍ଥ ମଧ୍ୟ ପ୍ରାୟ୩୯.୬ ମିଲିୟନ ଡଲାରଥିଲା। ବିଦେଶୀ ଡିପୋଜିଟ୍ ପାଇଁ ରେମିଟାନ୍ସ ପ୍ରାୟ ୫୦.୮ ମିଲିୟନ ଡଲାର ରହିଥିଲା।

ଉପହାର ଓ ପରିବାର ଖର୍ଚ୍ଚରେ ମଧ୍ୟ ଟଙ୍କା ପ୍ରେଷଣ

ବିଦେଶରେ ଥିବା ନିକଟ ସମ୍ପର୍କୀୟଙ୍କ ରକ୍ଷଣାବେକ୍ଷଣ ପାଇଁ ଅଗଷ୍ଟରେ ପ୍ରାୟ୨୭୫ ମିଲିୟନ ଡଲାରପଠାଯାଇଥିଲା। ଉପହାର ପାଇଁ ରେମିଟାନ୍ସ ପ୍ରାୟ୨୧୫.୭ ମିଲିୟନ ଡଲାର, ଯାହା ଗତବର୍ଷ ତୁଳନାରେ ୧୩.୩ ପ୍ରତିଶତ ବଢ଼ିଛି।

ଅନ୍ୟପଟେ ବିଦେଶରେ ପଢ଼ାଶୁଣା ପାଇଁ ରେମିଟାନ୍ସରେ ହ୍ରାସ ଦେଖାଯାଇଛି। ଅଗଷ୍ଟରେ ଏହି ଖର୍ଚ୍ଚ୧୯୧.୮ ମିଲିୟନ ଡଲାର, ଯାହା ବର୍ଷକ ତୁଳନାରେ ପ୍ରାୟ ୩୯.୯ ପ୍ରତିଶତ କମ୍।

FY27ର ପ୍ରଥମ ୫ ମାସରେ ୧୨.୫୫ ବିଲିୟନ ଡଲାର

ଏପ୍ରିଲରୁ ଅଗଷ୍ଟ ୨୦୨୬ ପର୍ଯ୍ୟନ୍ତ ଚଳିତ ଆର୍ଥିକ ବର୍ଷର ପ୍ରଥମ ପାଞ୍ଚ ମାସରେ LRS ଅଧୀନରେ ଭାରତୀୟ ବାସିନ୍ଦାମାନେ ମୋଟ ପ୍ରାୟ୧୨.୫୫ ବିଲିୟନ ଡଲାରବିଦେଶକୁ ପଠାଇଛନ୍ତି। ଏହା ଗତବର୍ଷର ସମାନ ଅବଧି ତୁଳନାରେ ୪.୫ ପ୍ରତିଶତ ଅଧିକ।

ଏହି ସମୟରେ ବିଦେଶୀ ଇକ୍ୱିଟି ଓ ଡେବ୍ଟ ନିବେଶ ପାଇଁ ରେମିଟାନ୍ସ ଦୁଇଗୁଣାରୁ ଅଧିକ ବଢ଼ି୧.୭୩ ବିଲିୟନ ଡଲାରହୋଇଛି। ବିଦେଶୀ ଡିପୋଜିଟ୍ ପାଇଁ ରେମିଟାନ୍ସ ୩୬.୧୫ ପ୍ରତିଶତ ବଢ଼ି ୩୮୧.୧ ମିଲିୟନ ଡଲାର ହୋଇଥିବାବେଳେ, ବିଦେଶରେ ଅଚଳ ସମ୍ପତ୍ତି କ୍ରୟ ପାଇଁ ରେମିଟାନ୍ସ ୧୨.୭ ପ୍ରତିଶତ ବଢ଼ିଛି।

ତେବେ ଏହି ପାଞ୍ଚ ମାସରେ ଯାତ୍ରା ପାଇଁ ରେମିଟାନ୍ସ ବାର୍ଷିକ ତୁଳନାରେ୦.୮ ପ୍ରତିଶତ କମି ୬.୯ ବିଲିୟନ ଡଲାରହୋଇଛି। ବିଦେଶୀ ଶିକ୍ଷା ପାଇଁ ରେମିଟାନ୍ସ ମଧ୍ୟ ୩୩.୬ ପ୍ରତିଶତ କମିଛି।

LRS କ’ଣ?

Liberalised Remittance Scheme (LRS)ଅଧୀନରେ ଭାରତୀୟ ବାସିନ୍ଦା ବ୍ୟକ୍ତିମାନେ ଅନୁମୋଦିତ କରେଣ୍ଟ ଆକାଉଣ୍ଟ କିମ୍ବା କ୍ୟାପିଟାଲ୍ ଆକାଉଣ୍ଟ ଲେନଦେନ ପାଇଁ ପ୍ରତି ଆର୍ଥିକ ବର୍ଷରେ ସର୍ବାଧିକ୨.୫ ଲକ୍ଷ ଡଲାରପର୍ଯ୍ୟନ୍ତ ବିଦେଶକୁ ଟଙ୍କା ପଠାଇପାରନ୍ତି। ଏଥିରେ ଯାତ୍ରା, ଶିକ୍ଷା, ଚିକିତ୍ସା, ଉପହାର ଓ ଅନୁମୋଦିତ ବିଦେଶୀ ନିବେଶ ଭଳି କାର୍ଯ୍ୟ ଅନ୍ତର୍ଭୁକ୍ତ।

RBIର ଏହି ତଥ୍ୟରୁ ଗୋଟିଏ ପକ୍ଷ ସ୍ପଷ୍ଟ—ବିଦେଶ ଯାତ୍ରା ଏବେ ମଧ୍ୟ ଭାରତୀୟଙ୍କ ବିଦେଶୀ ଅର୍ଥପ୍ରେଷଣର ସବୁଠାରୁ ବଡ଼ ଖଣ୍ଡ। କିନ୍ତୁ ସେହି ସହିତ ବିଦେଶୀ ସେୟାର, ଡେବ୍ଟ, ସମ୍ପତ୍ତି ଓ ଡିପୋଜିଟ୍ରେ ନିବେଶ ବଢ଼ିବା ମଧ୍ୟ ଏକ ଗୁରୁତ୍ୱପୂର୍ଣ୍ଣ ପ୍ରବଣତା ଭାବେ ସାମ୍ନାକୁ ଆସିଛି।