ଭାରତରେ ବ୍ୟବସାୟ ଓ ନିବେଶର ସୁଯୋଗ ଖୋଜୁଛନ୍ତି ଜର୍ମାନ କମ୍ପାନୀ। ପ୍ରିସିଜନ୍ ଇଞ୍ଜିନିୟରିଂ, ଏରୋସ୍ପେସ୍, ଡିଫେନ୍ସ, ଶିପ୍ବିଲ୍ଡିଂ ସହିତ ହେଲ୍ଥକେୟାର, ଫାର୍ମାସ୍ୟୁଟିକାଲ୍ସ ଓ ଗବେଷଣା-ବିକାଶ କ୍ଷେତ୍ରରେ ଜର୍ମାନ ବ୍ୟବସାୟିକ ମହଲର ଆଗ୍ରହ ବଢ଼ୁଥିବା କହିଛନ୍ତି କେନ୍ଦ୍ର ବାଣିଜ୍ୟ ଓ ଶିଳ୍ପମନ୍ତ୍ରୀ ପୀୟୂଷ ଗୋୟଲ।

ଜର୍ମାନୀ ଗସ୍ତ ସମୟରେ ଗୋୟଲ ଜର୍ମାନ ସରକାରୀ ପ୍ରତିନିଧି ଓ ବଡ଼ ବ୍ୟବସାୟିକ ଗୋଷ୍ଠୀ ସହ ଆଲୋଚନା କରିଛନ୍ତି। ତାଙ୍କ କହିବା ଅନୁଯାୟୀ, ଜର୍ମାନ କମ୍ପାନୀଗୁଡ଼ିକ ଏବେ ଭାରତକୁ କେବଳ ଏକ ବଡ଼ ଉପଭୋକ୍ତା ବଜାର ଭାବେ ନୁହେଁ, ବରଂମାନୁଫାକ୍ଚରିଂ, ଗବେଷଣା ଓ ବିକାଶ (R&D) ଏବଂ ଇନୋଭେସନ୍ର ଏକ ରଣନୀତିକ କେନ୍ଦ୍ରଭାବେ ଦେଖୁଛନ୍ତି।

କେଉଁ କ୍ଷେତ୍ରରେ ଜର୍ମାନୀର ଆଗ୍ରହ?

ପୀୟୂଷ ଗୋୟଲଙ୍କ ଅନୁଯାୟୀ, ଜର୍ମାନ କମ୍ପାନୀମାନେ ଭାରତରେ ଅନେକ କ୍ଷେତ୍ରରେ ସୁଯୋଗ ଖୋଜୁଛନ୍ତି। ସେଥିରେ ପ୍ରିସିଜନ୍ ଇଞ୍ଜିନିୟରିଂ, ଏରୋସ୍ପେସ୍, ଡିଫେନ୍ସ ଓ ଶିପ୍ବିଲ୍ଡିଂ ଭଳି ଉନ୍ନତ ଶିଳ୍ପ ସହିତ ହେଲ୍ଥକେୟାର, ଫାର୍ମାସ୍ୟୁଟିକାଲ୍ସ ଏବଂ R&D ଅନ୍ତର୍ଭୁକ୍ତ।

ଏହା ସହିତ ଆଡଭାନ୍ସଡ୍ ମାନୁଫାକ୍ଚରିଂ, ଅଟୋମୋବାଇଲ୍, ଗ୍ରୀନ୍ ମୋବିଲିଟି, କ୍ଲିନ୍ ଟେକ୍ନୋଲୋଜି, AI ଓ ଡିଜିଟାଲ୍ କ୍ଷେତ୍ରରେ ମଧ୍ୟ ଭାରତ-ଜର୍ମାନୀ ସହଯୋଗ ବଢ଼ାଇବା ଉପରେ ଜୋର ରହିଛି। ଗୋୟଲଙ୍କ ଜର୍ମାନୀ ଗସ୍ତ ସମୟରେ ଏହି କ୍ଷେତ୍ରଗୁଡ଼ିକୁ ନେଇ ବ୍ୟବସାୟିକ ଆଲୋଚନା ହୋଇଛି।

ଭାରତରେ ଅଛି ୨,୦୦୦ରୁ ଅଧିକ ଜର୍ମାନ କମ୍ପାନୀ

ଭାରତରେ ବର୍ତ୍ତମାନ ପ୍ରାୟ୨,୦୦୦ ଜର୍ମାନ କମ୍ପାନୀକାର୍ଯ୍ୟ କରୁଛନ୍ତି। ମାର୍ଚ୍ଚ ୨୦୨୬ ସୁଦ୍ଧା ଭାରତରେ ଜର୍ମାନୀର cumulative FDI equity inflow ପ୍ରାୟ୧୫.୬ ବିଲିୟନ୍ ଡଲାରଥିବା ରିପୋର୍ଟ ହୋଇଛି। ଏହାଛଡ଼ା ଜର୍ମାନ କମ୍ପାନୀମାନେ ଭାରତରେ ପ୍ରାୟ୭.୪ ବିଲିୟନ୍ ଡଲାରର ନିବେଶ ଘୋଷଣା କରିସାରିଛନ୍ତି, ଯାହାର କିଛି ପ୍ରକଳ୍ପ ଏବେ କାର୍ଯ୍ୟକାରୀ ହେଉଛି।

ଗୋୟଲ କହିଛନ୍ତି, ୟୁରୋପରେ ଉତ୍ପାଦନ ଖର୍ଚ୍ଚ ଓ ନିୟାମକୀୟ ଚାପ ବଢ଼ୁଥିବା ପରିପ୍ରେକ୍ଷିତରେ ୟୁରୋପୀୟ କମ୍ପାନୀମାନେ ଭରସାଯୋଗ୍ୟ ଦେଶରେ ଉତ୍ପାଦନ ବଢ଼ାଇବାର ସୁଯୋଗ ଖୋଜୁଛନ୍ତି। ଏହି ପରିବର୍ତ୍ତନ ଭାରତ ପାଇଁ ନୂଆ ମାନୁଫାକ୍ଚରିଂ ଓ ରୋଜଗାର ସୁଯୋଗ ସୃଷ୍ଟି କରିପାରେ ବୋଲି ସେ କହିଛନ୍ତି।

ଭାରତ କେବଳ ବଜାର ନୁହେଁ, ଉତ୍ପାଦନ କେନ୍ଦ୍ର

ଜର୍ମାନ କମ୍ପାନୀମାନଙ୍କ ଭାରତ ପ୍ରତି ଦୃଷ୍ଟିକୋଣରେ ପରିବର୍ତ୍ତନ ଆସୁଥିବା କହିଛନ୍ତି ଗୋୟଲ। ତାଙ୍କ ଅନୁଯାୟୀ, ଜର୍ମାନ ଶିଳ୍ପ ଏବେ ଭାରତକୁ କେବଳ ନିଜ ପଣ୍ୟ ବିକ୍ରି କରିବାର ବଜାର ଭାବେ ନୁହେଁ, ବରଂ ଭାଗୀଦାର ଓ ଉତ୍ପାଦନ ଭିତ୍ତି ଭାବେ ଦେଖୁଛି।

ଜର୍ମାନୀରprecision engineering ଓ research capabilitiesସହ ଭାରତର ବିଶାଳ technical talent ଓ innovation capabilityକୁ ଯୋଡ଼ିଲେ ନୂଆ ଶିଳ୍ପ ସହଯୋଗର ସୁଯୋଗ ସୃଷ୍ଟି ହୋଇପାରେ। ଏହା manufacturing ସହିତ co-development, co-designing ଓ technology partnershipକୁ ମଧ୍ୟ ବଢ଼ାଇପାରେ।

India-EU FTA ଉପରେ ମଧ୍ୟ ନଜର

ଭାରତ-ଜର୍ମାନୀ ଆର୍ଥିକ ସମ୍ପର୍କକୁ ଆଗକୁ ବଢ଼ାଇବାରେ ପ୍ରସ୍ତାବିତIndia-EU Free Trade Agreement (FTA)ମଧ୍ୟ ଗୁରୁତ୍ୱପୂର୍ଣ୍ଣ ହେବ। ଜର୍ମାନୀରେ ଆଲୋଚନା ସମୟରେ ଏହି ଚୁକ୍ତି ମାଧ୍ୟମରେ ବଜାର ପ୍ରବେଶ, ନିବେଶ ଓ ଶିଳ୍ପ ସହଯୋଗ ବଢ଼ାଇବାର ସୁଯୋଗ ଉପରେ ଚର୍ଚ୍ଚା ହୋଇଛି।

ଗୋୟଲଙ୍କ ମତରେ, FTAର ସଫଳତା କେବଳ ଚୁକ୍ତି ସ୍ୱାକ୍ଷରରେ ମାପାଯିବ ନାହିଁ; ନୂଆ ଅର୍ଡର, ଅତିରିକ୍ତ ନିବେଶ, ଟେକ୍ନୋଲୋଜି ପାର୍ଟନରସିପ୍ ଓ ଶିଳ୍ପ ସହଯୋଗ ବଢ଼ିବା ହିଁ ଏହାର ପ୍ରକୃତ ପରିଣାମ ହେବ।

ଅଟୋମୋବାଇଲ୍ ଏକ୍ସପୋର୍ଟ ହବ୍ ହୋଇପାରେ ଭାରତ

ଜର୍ମାନ ଅଟୋମୋବାଇଲ୍ ଶିଳ୍ପ ପାଇଁ ମଧ୍ୟ ଭାରତରେ ବଡ଼ ସୁଯୋଗ ରହିଛି। ଭାରତକୁ ଅଟୋମୋବାଇଲ୍ ଉତ୍ପାଦନର ଏକ ଗୁରୁତ୍ୱପୂର୍ଣ୍ଣexport baseଭାବେ ବିକଶିତ କରାଯାଇପାରିବ ବୋଲି ଗୋୟଲ କହିଛନ୍ତି।

ସମଗ୍ର ପରିସ୍ଥିତିରେ ଭାରତ-ଜର୍ମାନୀ ସମ୍ପର୍କ କେବଳ ପାରମ୍ପରିକ ବାଣିଜ୍ୟରେ ସୀମିତ ନରହି ମାନୁଫାକ୍ଚରିଂ, ଗବେଷଣା, ପ୍ରଯୁକ୍ତି, କୌଶଳ ବିକାଶ ଓ ନୂଆ ରପ୍ତାନି ସୁଯୋଗ ଆଡ଼କୁ ବଢ଼ୁଥିବା ସଙ୍କେତ ମିଳୁଛି। ତେବେ ଘୋଷିତ ଆଗ୍ରହକୁ ପ୍ରକୃତ ନିବେଶ ଓ ପ୍ରକଳ୍ପରେ ପରିଣତ କରିବା ଆଗାମୀ ପର୍ଯ୍ୟାୟର ମୁଖ୍ୟ ଚ୍ୟାଲେଞ୍ଜ ରହିବ।