ପ୍ରଶ୍ନପତ୍ର ଲିକ୍କୁ ନେଇ ଦେଶବ୍ୟାପୀ ହୋଇଥିବା ଛାତ୍ର ଆନ୍ଦୋଳନ ସମ୍ବନ୍ଧୀୟ ମାମଲାରେ ସୁପ୍ରିମକୋର୍ଟ ଏକ ଗୁରୁତ୍ୱପୂର୍ଣ୍ଣ ଅନ୍ତରୀଣ ନିର୍ଦ୍ଦେଶ ଜାରି କରିଛନ୍ତି। ଆନ୍ଦୋଳନ ସମୟରେ ଗିରଫ ହୋଇଥିବା୧୮ ବର୍ଷରୁ କମ୍ ବୟସର ନାବାଳକ ଏବଂ ଯେଉଁ ଛାତ୍ରଛାତ୍ରୀଙ୍କର କୌଣସି ଅପରାଧିକ ପୂର୍ବ ରେକର୍ଡ ନାହିଁ, ସେମାନଙ୍କୁ ତୁରନ୍ତ ମୁକ୍ତ କରିବାକୁ କୋର୍ଟ ଆଦେଶ ଦେଇଛନ୍ତି।

ପ୍ରଧାନ ବିଚାରପତିସୂର୍ଯ୍ୟକାନ୍ତଙ୍କ ନେତୃତ୍ୱାଧୀନ ତିନିଜଣିଆ ଖଣ୍ଡପୀଠ ଦେଶର ବିଭିନ୍ନ ସ୍ଥାନରେ ଦାଖଲ ହୋଇଥିବା ଆବେଦନଗୁଡ଼ିକର ଶୁଣାଣି କରି ଏହି ନିର୍ଦ୍ଦେଶ ଦେଇଛନ୍ତି।

କୋର୍ଟ କହିଛନ୍ତି ଯେ ଦିଲ୍ଲୀରଜନ୍ତରମନ୍ତରସମେତ ବିଭିନ୍ନ ରାଜ୍ୟରେ ଛାତ୍ର ଆନ୍ଦୋଳନକୁ ନେଇ ରୁଜୁ ହୋଇଥିବା ମାମଲାରେ ଏହି ଶ୍ରେଣୀର ଛାତ୍ରଛାତ୍ରୀଙ୍କ ବିରୋଧରେକୌଣସି ବଳପୂର୍ବକ ପଦକ୍ଷେପ ନ ନେବାକୁମଧ୍ୟ ନିର୍ଦ୍ଦେଶ ଦିଆଯାଇଛି।

ତେବେ ଯେଉଁ ଅଭିଯୁକ୍ତଙ୍କରଅପରାଧିକ ପୂର୍ବ ଇତିହାସ ରହିଛି, ସେମାନଙ୍କ ପାଇଁ ଏହି ସୁବିଧା ଲାଗୁ ହେବ ନାହିଁ ବୋଲି ସୁପ୍ରିମକୋର୍ଟ ସ୍ପଷ୍ଟ କରିଛନ୍ତି।

ଏହାଛଡ଼ା ଆନ୍ଦୋଳନ ସମୟରେ ପୋଲିସର ବଳପ୍ରୟୋଗ ଓ ପୋଲିସ କର୍ମଚାରୀଙ୍କ ଉପରେ ଆକ୍ରମଣ ଘଟଣାର ତଦନ୍ତ ପାଇଁ ଏକଉଚ୍ଚସ୍ତରୀୟ ସ୍ୱାଧୀନ କମିଟିଗଠନ କରାଯିବା ସମ୍ଭାବନା ନେଇ ମଧ୍ୟ କୋର୍ଟ ସୂଚନା ଦେଇଛନ୍ତି।

ଏହି ମାମଲାରେ ସୁପ୍ରିମକୋର୍ଟକେନ୍ଦ୍ର ସରକାରଓଦିଲ୍ଲୀ ସମେତ ସାତଟି ରାଜ୍ୟ ସରକାରଙ୍କୁନୋଟିସ୍ ଜାରି କରି ସେମାନଙ୍କ ଜବାବ ମାଗିଛନ୍ତି। ମାମଲାର ପରବର୍ତ୍ତୀ ଶୁଣାଣିରେ ଏହା ଉପରେ ଆହୁରି ବିଚାର କରାଯିବ।