ଭାରତର ଆର୍ଥିକ ବିକାଶ ପାଇଁ ବିଶ୍ୱ ବାଣିଜ୍ୟ ସହ ଅଧିକ ରଣନୀତିକ ଭାବେ ଯୋଡ଼ି ହେବା ଆବଶ୍ୟକ ବୋଲି ଏକ ନୂଆ ବିଶ୍ଳେଷଣରେ ଉଲ୍ଲେଖ କରାଯାଇଛି।2026 WTO World Trade Reportର ପ୍ରସଙ୍ଗ ଉଠାଇ କୁହାଯାଇଛି ଯେ ବିଶ୍ୱ ବାଣିଜ୍ୟ ବ୍ୟବସ୍ଥା ଅଧିକ ଖଣ୍ଡିତ ହେଉଥିବା ସତ୍ତ୍ୱେ, ବାଣିଜ୍ୟ ଏବେ ମଧ୍ୟ ପ୍ରଯୁକ୍ତି, ବଜାର ଓ ଉତ୍ପାଦକତା ହାସଲ କରିବାର ଏକ ମୁଖ୍ୟ ମାଧ୍ୟମ।

ଦକ୍ଷିଣ କୋରିଆର ଅର୍ଥନୀତିଜ୍ଞHa-Joon Changଙ୍କ ଶିଳ୍ପନୀତି ସମ୍ପର୍କିତ ଧାରଣାକୁ ଉଦାହରଣ ଭାବେ ନେଇ ଲେଖାରେ କୁହାଯାଇଛି ଯେ ଅନେକ ବିକଶିତ ଦେଶ ନିଜ ଶିଳ୍ପକୁ ବିକଶିତ କରିବା ସମୟରେ ଟାରିଫ୍, ସବସିଡି ଓ ସରକାରୀ କ୍ରୟ ଭଳି ନୀତି ବ୍ୟବହାର କରିଥିଲେ। କିନ୍ତୁ ସୁରକ୍ଷା ଦୀର୍ଘକାଳୀନ ନିର୍ଭରଶୀଳତା ସୃଷ୍ଟି ନକରି ଉତ୍ପାଦକତା ଓ ପ୍ରତିସ୍ପର୍ଦ୍ଧୀତା ବଢ଼ାଇବା ଦରକାର ବୋଲି ଲେଖାରେ ଯୁକ୍ତି ଦିଆଯାଇଛି।

ଭାରତରଇଲେକ୍ଟ୍ରୋନିକ୍ସ ଓ ମୋବାଇଲ୍ ଉତ୍ପାଦନକୁ ଉଦାହରଣ କରି କୁହାଯାଇଛି ଯେ କେବଳ ଆସେମ୍ବଲି ବଢ଼ାଇବା ପର୍ଯ୍ୟାପ୍ତ ନୁହେଁ। ଉଚ୍ଚ ମୂଲ୍ୟର କମ୍ପୋନେଣ୍ଟ, ଡିଜାଇନ୍, ଇଞ୍ଜିନିୟରିଂ, ଟେଷ୍ଟିଂ ଓ R&D ଭଳି କ୍ଷେତ୍ରରେ ମଧ୍ୟ ଦେଶୀୟ କ୍ଷମତା ବଢ଼ାଇବା ଆବଶ୍ୟକ ବୋଲି ବିଶ୍ଳେଷଣରେ କୁହାଯାଇଛି।

ଏଥିସହ ଭାରତର ବାଣିଜ୍ୟ ନୀତିରେ ଦ୍ରୁତ କଷ୍ଟମ୍ସ ପ୍ରକ୍ରିୟା, ସ୍ପଷ୍ଟ ମାନଦଣ୍ଡ, ଡିଜିଟାଲ୍ ଓ ସମୟବଦ୍ଧ ପ୍ରକ୍ରିୟା ଏବଂ ବ୍ୟବସାୟ ପାଇଁ ଅଧିକ ପୂର୍ବାନୁମାନଯୋଗ୍ୟ ନିୟମର ଆବଶ୍ୟକତା ଉପରେ ମଧ୍ୟ ଗୁରୁତ୍ୱ ଦିଆଯାଇଛି।