ପୁରୀ ଜିଲ୍ଲାର ବାଲଙ୍ଗା ଥାନାରେ ମଙ୍ଗଳବାର ଏକ ଅପ୍ରୀତିକର ଘଟଣା ଘଟିଛି। ଥାନା ପରିସର ଭିତରେ ତିନିଜଣ ପୋଲିସ କର୍ମଚାରୀଙ୍କୁ ଆକ୍ରମଣ କରାଯାଇଥିବା ଅଭିଯୋଗ ଆସିଛି। ଆକ୍ରମଣର ଶିକାର ହୋଇଥିବା କର୍ମଚାରୀମାନଙ୍କ ମଧ୍ୟରେ ବାଲଙ୍ଗା ଥାନାର ଆଇଆଇସି, ଜଣେ କନଷ୍ଟେବଳ ଓ ଜଣେ ହୋମଗାର୍ଡ ରହିଛନ୍ତି।
ଏହି ଘଟଣାରେ ସମ୍ପୃକ୍ତ ଥିବା ଅଭିଯୋଗରେ ବାଲଙ୍ଗା ପୋଲିସ ଜଣେ ମହିଳା ଏବଂ ତାଙ୍କ ପୁଅଙ୍କୁ ଗିରଫ କରିଛି। ଗିରଫ ଅଭିଯୁକ୍ତମାନେ ହେଲେ ଚିନ୍ମୟୀ ଦାସ ଓ ତାଙ୍କ ପୁଅ ସଂଗ୍ରାମ ଦାସ।
ସୂଚନା ଅନୁସାରେ, କିଛି ଦିନ ପୂର୍ବରୁ ହରିପୁର ଅଞ୍ଚଳରେ ଦୁଇଟି କାର ମଧ୍ୟରେ ଦୁର୍ଘଟଣା ଘଟିଥିଲା। ପରେ ଏହି ଘଟଣାକୁ କେନ୍ଦ୍ର କରି ଉଭୟ ପକ୍ଷ ମଧ୍ୟରେ ବିବାଦ ସୃଷ୍ଟି ହୋଇଥିଲା ଏବଂ ମାମଲା ଥାନାରେ ପହଞ୍ଚିଥିଲା।
ପୋଲିସ ସୂତ୍ରରୁ ପ୍ରକାଶ ଯେ, ଚିନ୍ମୟୀ ଦାସ ଅନ୍ୟ ପକ୍ଷର ସନ୍ତୋଷ ଦାସଙ୍କୁ କ୍ଷତିପୂରଣ ବାବଦରେ ଟଙ୍କା ଦେବାକୁ ଦାବି କରିଥିଲେ। କିନ୍ତୁ ସନ୍ତୋଷ ତାଙ୍କୁ ବୀମା ଦାବି (Insurance Claim) କରିବାକୁ ପରାମର୍ଶ ଦେଇଥିଲେ। ଚିନ୍ମୟୀଙ୍କ ଗାଡ଼ିର ବୀମା ନଥିବାରୁ ସେ ଏହାକୁ ମାନିନଥିଲେ ଏବଂ ଟଙ୍କା ଦାବି ଜାରି ରଖିଥିଲେ।
ବିବାଦ ତୀବ୍ର ହେବା ପରେ ଚିନ୍ମୟୀ ଦାସ ସନ୍ତୋଷଙ୍କ ମୋବାଇଲ୍ ଫୋନ୍ ଛଡ଼ାଇ ନେଇଥିବା ଅଭିଯୋଗ ହୋଇଛି। ଏହାପରେ ସେ ଅନଲାଇନ୍ ଆପ୍ର ସହାୟତାରେ ସନ୍ତୋଷଙ୍କ ଆକାଉଣ୍ଟରୁ ୮୩,୮୪୫ ଟଙ୍କା ନିଜ ଖାତାକୁ ସ୍ଥାନାନ୍ତର କରିଥିବା ଅଭିଯୋଗ ରହିଛି।
ଏନେଇ ସନ୍ତୋଷ ସାହୁ ଥାନାରେ ଏକ ଲିଖିତ ଅଭିଯୋଗ ଦାଖଲ କରିଥିଲେ। ଅଭିଯୋଗ ପରେ ମହିଳା ଓ ତାଙ୍କ ପୁଅ ଥାନା ଭିତରେ ହଙ୍ଗାମା ସୃଷ୍ଟି କରିଥିବା ପୋଲିସ କହିଛି।
ପୋଲିସ ଅନୁଯାୟୀ, ଏହି ସମୟରେ ବାଲଙ୍ଗା ଆଇଆଇସି, ଜଣେ କନଷ୍ଟେବଳ ଏବଂ ହୋମଗାର୍ଡଙ୍କୁ ଆକ୍ରମଣ କରାଯାଇଥିଲା। ଘଟଣା ପରେ ପୋଲିସ ତତ୍କାଳ କାର୍ଯ୍ୟାନୁଷ୍ଠାନ ଗ୍ରହଣ କରି ଚିନ୍ମୟୀ ଦାସ ଓ ସଂଗ୍ରାମ ଦାସଙ୍କୁ ଗିରଫ କରିଛି।
ଘଟଣାକୁ ନେଇ ଅଞ୍ଚଳରେ ଚର୍ଚ୍ଚା ଜୋର ଧରିଥିବା ବେଳେ ପୋଲିସ ମାମଲାର ଅଧିକ ତଦନ୍ତ ଜାରି ରଖିଛି।
ଆଫଗାନିସ୍ତାନ ବିପକ୍ଷ ଆଗାମୀ T20I ସିରିଜ୍ ପାଇଁ ଭାରତୀୟ ଦ...
ପାଞ୍ଚଥରର ବିଶ୍ୱ ଚେସ୍ ଚାମ୍ପିଅନ୍ ମାଗ୍ନସ୍ କାର୍ଲସେନ୍ ଚେ...
ଭାରତୀୟ କ୍ରିକେଟ୍‌ ଟିମ୍‌ ପ୍ରଥମଥର ପାଇଁ ଜାପା...
ଭାରତରେ ଚିପ୍ସ, ମିଠା ପାନୀୟ ଓ ଅନ୍ୟାନ୍ୟ ପ୍ୟାକେଜ୍ଡ ଖାଦ୍...
ଇଂଲଣ୍ଡ ଓ ପାକିସ୍ତାନ ମଧ୍ୟରେ ଲର୍ଡ୍ସରେ ଚାଲିଥିବା ଟେଷ୍ଟକ...
୨୦୨୭ ବିଧାନସଭା ନିର୍ବାଚନ ପୂର୍ବରୁ ଉତ୍ତରପ୍ରଦେଶ, ପଞ୍ଜାବ...
‘୧୦୦%’ ଦାବିକୁ ନେଇ ITC Limited ଏବଂ ଭାରତ...
ଆମେରିକା ଓ କାନାଡା ମଧ୍ୟରେ ବାଣିଜ୍ୟ ଚୁକ୍ତି ହେବା ନେଇ ଆଶ...
ଆଲାର୍ମ ବାଜିବା ପୂର୍ବରୁ ସ୍ୱାଭାବିକ ଭାବେ ଉଠିବା ଅନେକଙ୍କ...
ଟେନିସ୍ କୋର୍ଟରେ ନିଜର ଆକ୍ରୋବାଟିକ୍ ଖେଳ ଓ ଅନନ୍ୟ ଶୈଳୀ ପ...
ଶିରୋମଣି ଅକାଳୀ ଦଳ (ପୁନର ସୁରଜିତ) ବିଜେପି ସହ ମେଣ୍ଟକୁ ନ...
