ରାଜ୍ୟର ଭୋଟର ତାଲିକାର ସ୍ୱତନ୍ତ୍ର ସଂଶୋଧନ (SIR) ପ୍ରକ୍ରିୟାରେ ଏକ ଚମକପ୍ରଦ ତଥ୍ୟ ସାମ୍ନାକୁ ଆସିଛି। ୨୦୦୨ ମସିହାର ଭୋଟର ତାଲିକା ସହ ୨୦୨୫ ମସିହାର ଭୋଟର ତାଲିକାର ମ୍ୟାପିଙ୍ଗ ବେଳେ ପ୍ରାୟ ୧୨ ଲକ୍ଷ ଭୋଟରଙ୍କ ତଥ୍ୟ ମିଳୁନଥିବା ଜଣାପଡ଼ିଛି। ଏହି ଭୋଟରମାନଙ୍କୁ ‘ଭୂତ ଭୋଟର’ ଭାବେ ଚିହ୍ନଟ କରାଯାଇଛି।
ସେହିପରି, ପ୍ରାୟ ୪୬ ଲକ୍ଷ ଭୋଟରଙ୍କ ତଥ୍ୟରେ ସାମାନ୍ୟ ତ୍ରୁଟି (Minor Mistakes) ରହିଥିବାରୁ ସେମାନଙ୍କୁ ମଧ୍ୟ ନୋଟିସ୍ ଜାରି କରାଯିବ। ମୋଟ ୫୮ ଲକ୍ଷ ୩୬ ହଜାର ୩୪୧ ଜଣ ଭୋଟରଙ୍କୁ ନୋଟିସ୍ ପଠାଯିବ ବୋଲି ସୂଚନା ମିଳିଛି।
ନିର୍ବାଚନୀ ତାଲିକା ସଂଶୋଧନ ପ୍ରକ୍ରିୟା ଅନୁସାରେ, ୨୦୨୬ ଜୁଲାଇ ୫ ତାରିଖରୁ ଅଗଷ୍ଟ ୪ ତାରିଖ ପର୍ଯ୍ୟନ୍ତ ଦାବି ଓ ଆପତ୍ତି ଦାଖଲ କରିବାର ସମୟ ସୀମା ରହିଛି। ଜୁଲାଇ ୫ରୁ ସେପ୍ଟେମ୍ବର ୨ ତାରିଖ ପର୍ଯ୍ୟନ୍ତ ନୋଟିସ୍ ପ୍ରଦାନ ଏବଂ ଦାବି-ଆପତ୍ତିର ସମାଧାନ କରାଯିବ।
ସେପ୍ଟେମ୍ବର ୬ ତାରିଖରେ ଚୂଡ଼ାନ୍ତ ଭୋଟର ତାଲିକା ପ୍ରକାଶ ପାଇବ। ଯେଉଁ ଭୋଟରଙ୍କ ତଥ୍ୟରେ ସାମାନ୍ୟ ତ୍ରୁଟି ରହିଛି କିମ୍ବା ଯେଉଁମାନଙ୍କର ତଥ୍ୟ ମିଳୁନାହିଁ, ସେମାନେ ନୋଟିସ୍ ପାଇବା ପରେ ଆବଶ୍ୟକ କାଗଜପତ୍ର ଦାଖଲ କରି ନିଜ ନାମ ପୁନଃ ପଞ୍ଜିକରଣ କିମ୍ବା ସଂଶୋଧନ କରିପାରିବେ।
ଭୋଟର ତାଲିକାକୁ ଅଧିକ ସ୍ୱଚ୍ଛ ଓ ନିର୍ଭୁଲ କରିବା ପାଇଁ ଏହି ସ୍ୱତନ୍ତ୍ର ଯାଞ୍ଚ ପ୍ରକ୍ରିୟା କରାଯାଉଥିବା ବେଳେ, ଭୋଟରମାନଙ୍କୁ ନିଜ ତଥ୍ୟ ଯାଞ୍ଚ କରି ଆବଶ୍ୟକ ସଂଶୋଧନ କରିବାକୁ ଅନୁରୋଧ କରାଯାଇଛି।
ମହାରାଷ୍ଟ୍ରରେ ଖାଦ୍ୟ ସୁରକ୍ଷା ନିୟମ ଉଲ୍ଲଂଘନକାରୀଙ୍କ ବିର...
ପାଲେଷ୍ଟାଇନର ନୂଆ ଶିକ୍ଷାବର୍ଷ ଆରମ୍ଭ ହେବା ସହ ଅଧିକୃତ ୱେ...
ଶିକ୍ଷକ ନିଯୁକ୍ତି ପ୍ରକ୍ରିୟାକୁ ନେଇ ଆସାମ ସରକାରଙ୍କୁ ବଡ଼...
ଆମେରିକାନ୍ ଏୟାରଲାଇନ୍ସର ଏକ ଉଡ଼ାଣ ବେଳେ ଜଣେ ଯାତ୍ରୀଙ୍କ...
ଭାରତର ହାଇ-ସ୍ପିଡ୍ ରେଳ କ୍ଷେତ୍ରରେ ଆଉ ଏକ ବଡ଼ ପଦକ୍ଷେପ।...
ଆସାମରେ ମଙ୍ଗଳବାର ସକାଳେ ଭୂମିକମ୍ପର ଝଟକା ଲାଗିଛି। ସକାଳ...
ବ୍ରିଟେନ୍‌ର ରାଜପରିବାରକୁ ନେଇ ଆସିଛି ବଡ଼ ଖବର। ଦୀର...
ରୁଷିଆ ଓ ଉତ୍ତର କୋରିଆ ମଧ୍ୟରେପ୍ରଥମ ସଡ଼କ ସେତୁଖୋଲାଯାଇଛି...
ଇସ୍ରାଏଲ ଅଧିକୃତ ୱେଷ୍ଟ ବ୍ୟାଙ୍କରେ ଥିବା ଯିହୁଦୀ ସେଟଲମେଣ...
