ଭାରତର ହାଇ-ସ୍ପିଡ୍ ରେଳ କ୍ଷେତ୍ରରେ ଆଉ ଏକ ବଡ଼ ପଦକ୍ଷେପ। ଦେଶର ପ୍ରଥମ ଘରୋଇ ଜ୍ଞାନକୌଶଳରେ ନିର୍ମିତସ୍ୱଦେଶୀ ବୁଲେଟ୍ ଟ୍ରେନ୍ର ବଡି ଫ୍ରେମ୍ ପ୍ରସ୍ତୁତହୋଇସାରିଛି। ଆସନ୍ତା୨୦୨୭ ମେ’ କିମ୍ବା ଜୁନ୍ରେଏହାକୁ ଟ୍ରାକ୍ରେ ଚଳାଇ ପରୀକ୍ଷଣ କରାଯିବ ବୋଲି କେନ୍ଦ୍ର ରେଳମନ୍ତ୍ରୀ ଅଶ୍ୱିନୀ ବୈଷ୍ଣବ କହିଛନ୍ତି।

ମଙ୍ଗଳବାର ଗୁଜରାଟର ଭଦୋଦରାରେ ଆୟୋଜିତ‘ନମୋ ଫର୍ ବିକଶିତ ଭାରତ’କାର୍ଯ୍ୟକ୍ରମରେ ଯୋଗଦେଇ ରେଳମନ୍ତ୍ରୀ ଏହି ସୂଚନା ଦେଇଛନ୍ତି। ଏହି ଅବସରରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ୩୫,୦୦୦ କୋଟି ଟଙ୍କାରୁ ଅଧିକ ମୂଲ୍ୟର ବିଭିନ୍ନ ବିକାଶମୂଳକ ପ୍ରକଳ୍ପର ଭିତ୍ତିପ୍ରସ୍ତର ସ୍ଥାପନ ଓ ଉଦ୍ଘାଟନ କରିଛନ୍ତି।

୨୦୨୭ରେ ଟ୍ରାକ୍ରେ ଦୌଡ଼ିବ ବୁଲେଟ୍ ଟ୍ରେନ୍

ରେଳମନ୍ତ୍ରୀଙ୍କ କହିବା ଅନୁସାରେ, ସ୍ୱଦେଶୀ ବୁଲେଟ୍ ଟ୍ରେନ୍ର ବଡି ଫ୍ରେମ୍ ନିର୍ମାଣ ଶେଷ ହେବା ପରେ ଏହାକୁ‘ସ୍କୁଇଜ୍ ଟେଷ୍ଟ’ପାଇଁ ପଠାଯାଇଛି। ୨୦୨୭ ମେ’ କିମ୍ବା ଜୁନ୍ରେ ଟ୍ରାକ୍ରେ ଏହାର ପରୀକ୍ଷାମୂଳକ ଚଳାଚଳ ଆରମ୍ଭ ହେବ।

ଏହା ପରେ ପ୍ରାୟ୨ରୁ ୪ ମାସ ପର୍ଯ୍ୟନ୍ତ କଠିନ ପରୀକ୍ଷଣକରାଯିବ। ପରୀକ୍ଷଣ ପର୍ଯ୍ୟାୟ ସଫଳ ହେବା ପରେ ଏହାର ଔପଚାରିକ ଶୁଭାରମ୍ଭ କରାଯିବ ବୋଲି ରେଳମନ୍ତ୍ରୀ କହିଛନ୍ତି।

ଭଦୋଦରା-ମୁମ୍ବାଇ ଯାତ୍ରା ହେବ ଦ୍ରୁତ

ସ୍ୱଦେଶୀ ବୁଲେଟ୍ ଟ୍ରେନ୍ ସେବା ଆରମ୍ଭ ହେଲେ ଭଦୋଦରାରୁ ମୁମ୍ବାଇ ଯାତ୍ରା ସମୟ ହ୍ରାସ ପାଇପ୍ରାୟ ୧ ଘଣ୍ଟା ୩୦ ମିନିଟ୍ହୋଇପାରେ। ଏହା ସହିତ ମୁମ୍ବାଇ-ଅହମ୍ମଦାବାଦ ହାଇ-ସ୍ପିଡ୍ ରେଳ କରିଡରରସୁରଟ-ବିଲିମୋରା ମଧ୍ୟରେ ପ୍ରଥମ ପର୍ଯ୍ୟାୟର ସେବାମଧ୍ୟ ଆସନ୍ତା ବର୍ଷ ଆରମ୍ଭ ହେବାକୁ ଯାଉଛି।

ୱେଷ୍ଟର୍ଣ୍ଣ ଡେଡିକେଟେଡ୍ ଫ୍ରେଟ୍ କରିଡର ଉପରେ ଆଲୋଚନା

କାର୍ଯ୍ୟକ୍ରମରେ ଦାଦ୍ରିରୁ ଜେଏନପିଟି ପର୍ଯ୍ୟନ୍ତୱେଷ୍ଟର୍ଣ୍ଣ ଡେଡିକେଟେଡ୍ ଫ୍ରେଟ୍ କରିଡରନେଇ ମଧ୍ୟ ରେଳମନ୍ତ୍ରୀ ଆଲୋଚନା କରିଥିଲେ।

ବୈଷ୍ଣବ କହିଛନ୍ତି ଯେ, ପୂର୍ବତନ ପ୍ରଧାନମନ୍ତ୍ରୀ ଅଟଳ ବିହାରୀ ବାଜପେୟୀଙ୍କ ସମୟରେ ଏହି କରିଡରର ପରିକଳ୍ପନା କରାଯାଇଥିଲା। ୨୦୧୪ରେ ମୋଦୀ ସରକାର ଦାୟିତ୍ୱ ନେବା ସମୟରେ ଏହି ପ୍ରକଳ୍ପର ଗୋଟିଏ କିଲୋମିଟର କାମ ମଧ୍ୟ ଶେଷ ହୋଇନଥିବା ସେ ଦାବି କରିଛନ୍ତି।

ତାଙ୍କ ଅନୁସାରେ, ମୋଦୀ ସରକାର ପରେ ପାଣ୍ଠି, ଡିଜାଇନ୍ ଓ ଜମି ଅଧିଗ୍ରହଣ ସମ୍ବନ୍ଧୀୟ ସମସ୍ୟାର ସମାଧାନ କରାଯାଇ ପ୍ରକଳ୍ପକୁ ଆଗକୁ ବଢ଼ାଯାଇଛି।