ପେନସନ୍ଭୋଗୀଙ୍କ ପାଇଁ ଓଡ଼ିଶା ସରକାରଙ୍କ ବଡ଼ ନିଷ୍ପତ୍ତି। ପ୍ରଶାସନିକ ଅବହେଳା କାରଣରୁ ପେନସନ୍ ପ୍ରଦାନରେ ବିଳମ୍ବ ହେଲେ ଏଣିକି ୭% ବାର୍ଷିକ ସୁଧ ଦେବେ ସରକାର। ଏନେଇ ଓଡ଼ିଶା କ୍ୟାବିନେଟ୍ ଓଡ଼ିଶା ସିଭିଲ୍ ସର୍ଭିସେସ୍ (ପେନସନ୍) ରୁଲ୍ସ, ୧୯୯୨ରେ ସଂଶୋଧନକୁ ଅନୁମୋଦନ କରିଛି।
ମୁଖ୍ୟମନ୍ତ୍ରୀ ମୋହନ ଚରଣ ମାଝୀଙ୍କ ଅଧ୍ୟକ୍ଷତାରେ ହୋଇଥିବା କ୍ୟାବିନେଟ୍ ବୈଠକରେ ଏହି ନିଷ୍ପତ୍ତି ସହ ମୋଟ ୧୨ଟି ବିଭାଗର ୧୮ଟି ପ୍ରସ୍ତାବକୁ ଅନୁମୋଦନ ମିଳିଛି।
ରାଜ୍ୟର ବିଦ୍ୟୁତ୍ ପ୍ରେରଣ ଭିତ୍ତିଭୂମିକୁ ମଜବୁତ ଓ ବିସ୍ତାର କରିବା ପାଇଁ ୧୫,୯୪୮.୭୦ କୋଟି ଟଙ୍କାର ନିବେଶ ପ୍ରସ୍ତାବକୁ କ୍ୟାବିନେଟ୍ ମଞ୍ଜୁରୀ ଦେଇଛି।
ପ୍ରଥମ ଥର ପାଇଁ ଓଡ଼ିଶାରେ ୭୬୫ କେଭି ଟ୍ରାନ୍ସମିସନ୍ ନେଟୱର୍କ ସ୍ଥାପନ କରାଯିବ। ଖୁଣ୍ଟୁଣୀ, ଦୁବୁରୀ ଓ କୋଲାବିରାରେ ୩ଟି ନୂଆ ଗ୍ରିଡ୍ ସବ୍ଷ୍ଟେସନ୍ ସ୍ଥାପନ ହେବ।
ଏହା ସହ ୪୦୦ କେଭି ଗ୍ରିଡ୍ ସବ୍ଷ୍ଟେସନ୍ ସଂଖ୍ୟା ୫ରୁ ୧୩କୁ ଏବଂ ୨୨୦ କେଭି ଗ୍ରିଡ୍ ସବ୍ଷ୍ଟେସନ୍ ସଂଖ୍ୟା ୪୮ରୁ ୭୫କୁ ବୃଦ୍ଧି କରାଯିବ। ହୀରାକୁଦ ଓ ଇନ୍ଦ୍ରାବତୀ ଫ୍ଲୋଟିଂ ସୋଲାର ପ୍ରକଳ୍ପ ପାଇଁ ଏକ ସ୍ୱତନ୍ତ୍ର ନେଟୱର୍କ ସହ AI ଆଧାରିତ ରକ୍ଷଣାବେକ୍ଷଣ ବ୍ୟବସ୍ଥା ମଧ୍ୟ ବିକଶିତ କରାଯିବ।
ଶିକ୍ଷା କ୍ଷେତ୍ରରେ ‘ପଞ୍ଚସଖା ଶିକ୍ଷା ସେତୁ’ ନାମରେ ନୂଆ ଯୋଜନାକୁ କ୍ୟାବିନେଟ୍ ଅନୁମୋଦନ କରିଛି।
ଏହି ଯୋଜନା ଅଧୀନରେ ସରକାରୀ ସ୍କୁଲ୍କୁ ଦାନ କରାଯାଇଥିବା ପ୍ରତି ୧ ଟଙ୍କା ପାଇଁ ସରକାର ୨ ଟଙ୍କାର matching grant ପ୍ରଦାନ କରିବେ। ତେବେ ସରକାରଙ୍କ matching grantର ସର୍ବାଧିକ ସୀମା ୫୦ ଲକ୍ଷ ଟଙ୍କା ରହିବ।
Group-C ପଦବୀ ନିଯୁକ୍ତି ପ୍ରକ୍ରିୟାରେ ମଧ୍ୟ ପରିବର୍ତ୍ତନ ଆଣାଯାଇଛି। OUSSSC Rules-2025ରେ ସଂଶୋଧନକୁ କ୍ୟାବିନେଟ୍ ଅନୁମୋଦନ କରିଛି।
ନୂଆ ବ୍ୟବସ୍ଥା ଅନୁସାରେ ପୁଲିସ, ଜେଲ୍, ଅବକାରୀ ଓ ବନ ବିଭାଗର Group-C ପଦବୀ ପାଇଁ ଗୋଟିଏ Combined Recruitment Examination (CRE) କରାଯିବ।
ସ୍ୱାସ୍ଥ୍ୟ, ଗୃହ, ସାଧାରଣ ପ୍ରଶାସନ, କୃଷି ଓ ସମବାୟ ସମେତ ୧୨ରୁ ଅଧିକ ବିଭାଗର ୧୮ଟି ପ୍ରସ୍ତାବକୁ କ୍ୟାବିନେଟ୍ ମଞ୍ଜୁରୀ ଦେଇଛି।
ସରକାରଙ୍କ କହିବା ଅନୁସାରେ, ‘ବିକଶିତ ଓଡ଼ିଶା ୨୦୩୬’ ଲକ୍ଷ୍ୟ ହାସଲ ଦିଗରେ ଏହି ନିଷ୍ପତ୍ତିଗୁଡ଼ିକ ଏକ ବଡ଼ ପଦକ୍ଷେପ।
ସରକାରୀ ଚାକିରିର ସ୍ଥିରତା ଛାଡ଼ି ନିଜ ପିଲାଦିନର ସ୍ୱପ୍ନ ପ...
ହର୍ମୁଜ୍ ପ୍ରଣାଳୀକୁ ନେଇ ଆମେରିକା ଓ ଇରାନ ମଧ୍ୟରେ ତିକ୍ତତ...
ନୂଆଦିଲ୍ଲୀ:NEET-UG 2026 ପ୍ରଶ୍ନପତ୍ର ଲିକ୍ ମାମଲାରେ କେନ...
ଉତ୍ତରପ୍ରଦେଶରେ ଶ୍ରମିକ ଓ ଅନ୍ୟାନ୍ୟ ଦୁର୍ବଳ ପରିବାରର ପିଲ...
କୋରାପୁଟସ୍ଥିତ କେନ୍ଦ୍ରୀୟ ଓଡ଼ିଶା ବିଶ୍ୱବିଦ୍ୟାଳୟ (CUO)ର...
ନୂଆଦିଲ୍ଲୀ:ଭାରତୀୟ ବାୟୁସେନା (IAF) ନିଜର ପରିବହନ ବିମାନ...
ଆମେରିକା ରାଷ୍ଟ୍ରପତିଡୋନାଲ୍ଡ ଟ୍ରମ୍ପଆମେରିକାର ରାଜ୍ୟନ୍ୟୁ...
ଆମେରିକାନ୍ ଏୟାରଲାଇନ୍ସର ଏକ ଉଡ଼ାଣ ବେଳେ ଜଣେ ଯାତ୍ରୀଙ୍କ...
ଶିରୋମଣି ଅକାଳୀ ଦଳ (ପୁନର ସୁରଜିତ) ବିଜେପି ସହ ମେଣ୍ଟକୁ ନ...
ତାମିଲନାଡୁର ଶାସକ ମେଣ୍ଟ ଏବେ ନିଜର ଏକ ସ୍ୱତନ୍ତ୍ର ରାଜନୈତ...
