ବିଶ୍ୱପ୍ରସିଦ୍ଧ ଶ୍ରୀଜଗନ୍ନାଥଙ୍କ ରଥଯାତ୍ରାର ଶେଷ ଓ ଅତ୍ୟନ୍ତ ଆକର୍ଷଣୀୟ ପର୍ବ ନୀଳାଦ୍ରି ବିଜେ ସୋମବାର ଅନୁଷ୍ଠିତ ହେବ। ଏହି ପବିତ୍ର ନୀତି ମାଧ୍ୟମରେ ମହାପ୍ରଭୁ ଶ୍ରୀଜଗନ୍ନାଥ, ପ୍ରଭୁ ବଳଭଦ୍ର, ଦେବୀ ସୁଭଦ୍ରା ଓ ସୁଦର୍ଶନ ଶ୍ରୀମନ୍ଦିରକୁ ବାହୁଡ଼ି ରତ୍ନ ସିଂହାସନରେ ବିଜେ କରିବେ। ସ୍ନାନ ପୂର୍ଣ୍ଣିମା ପରଠାରୁ ଅନବସର, ଗୁଣ୍ଡିଚା ଯାତ୍ରା ଓ ଜନ୍ମବେଦୀରେ ଅବସ୍ଥାନ ପରେ ପ୍ରାୟ ୨୭ ଦିନ ପରେ ଚତୁର୍ଦ୍ଧା ମୂର୍ତ୍ତି ପୁଣିଥରେ ରତ୍ନ ସିଂହାସନକୁ ଫେରିବେ।
ଶ୍ରୀଜଗନ୍ନାଥ ମନ୍ଦିର ପ୍ରଶାସନ (SJTA) ପକ୍ଷରୁ ପ୍ରକାଶିତ ନୀତି ଅନୁଯାୟୀ ସନ୍ଧ୍ୟା ୪ଟାରୁ ନୀଳାଦ୍ରି ବିଜେ ପହଣ୍ଡି ଆରମ୍ଭ ହେବ। ଗୋଟି ପହଣ୍ଡିରେ ସାତ ବିଗ୍ରହ ଶ୍ରୀମନ୍ଦିରକୁ ପ୍ରବେଶ କରିବେ।
ଏହା ପୂର୍ବରୁ ରଥ ଉପରେ ସନ୍ଧ୍ୟା ଧୂପ ନୀତି ସମାପ୍ତ ହେବା ପରେ ପୁଷ୍ପାଳକ ସେବାୟତମାନେ ପ୍ରଥମେ ଶ୍ରୀମଦନମୋହନ ଓ ଶ୍ରୀରାମକୃଷ୍ଣଙ୍କୁ ଦକ୍ଷିଣ ଘରକୁ ନେବେ। ଏହାପରେ ଶ୍ରୀସୁଦର୍ଶନ, ପ୍ରଭୁ ବଳଭଦ୍ର, ଦେବୀ ସୁଭଦ୍ରା ଓ ସବୁଶେଷରେ ମହାପ୍ରଭୁ ଜଗନ୍ନାଥ ପହଣ୍ଡିରେ ଶ୍ରୀମନ୍ଦିରକୁ ପ୍ରବେଶ କରିବେ।
ନୀଳାଦ୍ରି ବିଜେର ସବୁଠାରୁ ଆକର୍ଷଣୀୟ ପରମ୍ପରା ହେଉଛି ଲକ୍ଷ୍ମୀ-ନାରାୟଣ କଳି।
କିମ୍ବଦନ୍ତୀ ଅନୁସାରେ, ମହାପ୍ରଭୁ ରଥଯାତ୍ରାକୁ ଯିବାବେଳେ ମା’ ଲକ୍ଷ୍ମୀଙ୍କୁ ସାଙ୍ଗରେ ନେଇନଥିବାରୁ ସେ ଅଭିମାନ କରିଥାନ୍ତି। ତେଣୁ ନୀଳାଦ୍ରି ବିଜେ ସମୟରେ ମହାଲକ୍ଷ୍ମୀ ଶ୍ରୀମନ୍ଦିର ମୁଖ୍ୟ ଦ୍ୱାରରେ ମହାପ୍ରଭୁଙ୍କ ରାସ୍ତା ଅଟକାଇଥାନ୍ତି। ଏହାପରେ ପରମ୍ପରା ଅନୁଯାୟୀ ମହାପ୍ରଭୁ ରସଗୋଲା ଭୋଗ ଦେଇ ମା’ ଲକ୍ଷ୍ମୀଙ୍କ ମାନଭଞ୍ଜନ କରିଥାନ୍ତି। ଏହି ଅନନ୍ୟ ପରମ୍ପରା ନୀଳାଦ୍ରି ବିଜେର ପ୍ରମୁଖ ଆକର୍ଷଣ।
ନୀଳାଦ୍ରି ବିଜେ ଅବସରରେ ଲକ୍ଷାଧିକ ଶ୍ରଦ୍ଧାଳୁଙ୍କ ସମାଗମକୁ ଦୃଷ୍ଟିରେ ରଖି ପ୍ରଶାସନ ପକ୍ଷରୁ ବ୍ୟାପକ ସୁରକ୍ଷା ଓ ପ୍ରଶାସନିକ ବ୍ୟବସ୍ଥା କରାଯାଇଛି।
ଶ୍ରୀମନ୍ଦିର ପ୍ରଶାସନର ମୁଖ୍ୟ ପ୍ରଶାସକ ଅରବିନ୍ଦ ପାଢ଼ୀ କହିଛନ୍ତି ଯେ ନୀଳାଦ୍ରି ବିଜେ ପାଇଁ ସମସ୍ତ ପ୍ରସ୍ତୁତି ଶେଷ ହୋଇଛି। ମଙ୍ଗଳ ଆଳତିଠାରୁ ସନ୍ଧ୍ୟା ଧୂପ ପର୍ଯ୍ୟନ୍ତ ସମସ୍ତ ନୀତି ସୁରୁଖୁରୁରେ ସମ୍ପନ୍ନ କରିବାକୁ ପ୍ରୟାସ କରାଯିବ ବୋଲି ସେ କହିଛନ୍ତି।
ପୁରୀ ଜିଲ୍ଲାପାଳ ଦିବ୍ୟଜ୍ୟୋତି ପରିଡ଼ା କହିଛନ୍ତି ଯେ ଭକ୍ତଙ୍କ ଭିଡ଼ ଏବଂ ସମ୍ଭାବ୍ୟ ପ୍ରବଳ ବର୍ଷାକୁ ନଜରରେ ରଖି ପୁଲିସ, ଅଗ୍ନିଶମ ବାହିନୀ, ସ୍ୱାସ୍ଥ୍ୟ ବିଭାଗ ଓ ଅନ୍ୟାନ୍ୟ ବିଭାଗକୁ ସଜାଗ ରଖାଯାଇଛି।
ଜଳ ଜମିଲେ ତୁରନ୍ତ ନିଷ୍କାସନ ପାଇଁ ବ୍ୟବସ୍ଥା କରାଯାଇଥିବାବେଳେ କଣ୍ଟ୍ରୋଲ ରୁମ୍ରୁ ସମଗ୍ର ପରିସ୍ଥିତି ଉପରେ ୨୪ ଘଣ୍ଟିଆ ନଜର ରଖାଯିବ।
କେନ୍ଦ୍ର ସରକାର ଓ Cockroach Janta Party (CJP) ମଧ୍ୟରେ...
ଭାରତର ବୁଲେଟ୍ ଟ୍ରେନ୍ ସ୍ୱପ୍ନ ଏବେ ଧୀରେ ଧୀରେ ବାସ୍ତବ ରୂ...
ଦିଲ୍ଲୀର ଜନ୍ତରମନ୍ତରରେ ଛାତ୍ରମାନଙ୍କ ଶାନ୍ତିପୂର୍ଣ୍ଣ ଆନ୍...
କେନ୍ଦ୍ର ଶିକ୍ଷାମନ୍ତ୍ରୀ ପଦରୁ ଧର୍ମେନ୍ଦ୍ର ପ୍ରଧାନଙ୍କ ଇସ...
ଭାରତ ଓ ନେପାଳ ମଧ୍ୟରେ ଯାତାୟାତ ଓ ବ୍ୟବସାୟକୁ ସହଜ କରିବା...
କେନ୍ଦ୍ର ଶିକ୍ଷାମନ୍ତ୍ରୀଧର୍ମେନ୍ଦ୍ର ପ୍ରଧାନଙ୍କ ଇସ୍ତଫାପର...
ଓଡ଼ିଶା ରାଜନୀତିରେ ରବିବାର ଏକ ବଡ଼ ରାଜନୈତିକ ପରିବର୍ତ୍ତନ...
କେନ୍ଦ୍ର ଶିକ୍ଷାମନ୍ତ୍ରୀ ପଦରୁ ଧର୍ମେନ୍ଦ୍ର ପ୍ରଧାନ ପୂର୍ବ...
