ଭଦ୍ରକ: ନେପାଳରେ ଭୟଙ୍କର ଫ୍ଲାସ୍ ଫ୍ଲଡ୍ରେ ଫସି ଯାଇଥିବା ଭଦ୍ରକ ଜିଲ୍ଲା ଚାନ୍ଦବାଲି ଅଞ୍ଚଳର ଜଣେ ବ୍ୟକ୍ତି ସୁରକ୍ଷିତ ଭାବେ ଘରକୁ ଫେରିଛନ୍ତି। ଘରକୁ ଫେରିବା ପରେ ସେ ନେପାଳରେ କାଟିଥିବା ଭୟଙ୍କର ମୁହୂର୍ତ୍ତଗୁଡ଼ିକ ବଖାଣିଛନ୍ତି।
ଚାନ୍ଦବାଲି ବ୍ଲକ ନଳଗୁଣ୍ଡା ଗାଁର ରମେଶ ଦାସ ଅଗଷ୍ଟ ୨୧ ତାରିଖରେ ନେପାଳ ଯାଇଥିଲେ। ତେବେ ନେପାଳରେ ଭୟଙ୍କର ଫ୍ଲାସ୍ ଫ୍ଲଡ୍ ଆସିବା ପରେ ତାଙ୍କ ଯାତ୍ରା ହଠାତ୍ ବିପଦପୂର୍ଣ୍ଣ ହୋଇପଡ଼ିଥିଲା। ବନ୍ୟା ମଧ୍ୟରେ ସେ ଅନ୍ୟମାନଙ୍କ ସହ ଫସି ଯାଇଥିଲେ।
ରମେଶଙ୍କ କହିବା ଅନୁସାରେ, ସେମାନେ ୫୧ ଜଣ ଏକ ବସ୍ରେ କାଠମାଣ୍ଡୁ ଅଭିମୁଖେ ଯାଉଥିଲେ। ତେବେ ରାସ୍ତାରେ ସେମାନଙ୍କୁ ସେନା ଯବାନମାନେ ଅଟକାଇଥିଲେ। ପରେ ଫେରିବା ସମୟରେ ସେମାନେ ବନ୍ୟାର ଭୟଙ୍କର ଧ୍ୱଂସ ଦେଖିଥିଲେ।
ବନ୍ୟା ପାଣିରେ ଶହ ଶହ ମୃତଦେହ, ଭାଙ୍ଗିଯାଇଥିବା ଘର ଏବଂ ବସ୍ ଓ ଟ୍ରକ୍ ସମେତ ଅନେକ ଯାନବାହନ ଭାସିଯାଇଥିବା ସେ ଦେଖିଥିବା କହିଛନ୍ତି। ଗାଡ଼ି ଯାଉଥିବା ବେଳେ ପଛପଟୁ ଦ୍ରୁତ ଗତିରେ ବନ୍ୟା ପାଣି ମାଡ଼ି ଆସୁଥିବା ଦୃଶ୍ୟ ତାଙ୍କୁ ଭୟଭୀତ କରିଦେଇଥିଲା।
ପରିସ୍ଥିତି ଏତେ ଭୟଙ୍କର ଥିଲା ଯେ ଗାଡ଼ି ଭିତରେ ଥିବା ଲୋକମାନେ କାନ୍ଦିବାକୁ ଲାଗିଥିଲେ। ପରେ ରମେଶ ଓ ଅନ୍ୟମାନେ ଏକ ହୋଟେଲ ଭିତରେ ଆଶ୍ରୟ ନେଇ ନିଜକୁ ସୁରକ୍ଷିତ ରଖିଥିଲେ।
ରମେଶ କହିଛନ୍ତି, “ମୋ ଜୀବନରେ ନେପାଳରେ ଯାହା ଦେଖିଛି, ତାହା କେବେ ଭୁଲିପାରିବି ନାହିଁ।” ବନ୍ୟା ସମୟରେ ପରିବାର ସହ ଯୋଗାଯୋଗ ମଧ୍ୟ ସମ୍ଭବ ହୋଇନଥିଲା, କାରଣ ମୋବାଇଲ୍ ନେଟୱର୍କ ନଥିଲା। ଏହି ସମୟରେ ସେ ଆଉ ପରିବାରକୁ ଦେଖିପାରିବେ କି ନାହିଁ ବୋଲି ଭୟ କରିଥିଲେ।
ସୁରକ୍ଷିତ ଭାବେ ଭଦ୍ରକ ଫେରିବା ପରେ ରେଳ ଷ୍ଟେସନରେ ସାନଭାଇଙ୍କୁ ଦେଖି ରମେଶ ଭାବବିହ୍ୱଳ ହୋଇପଡ଼ିଥିଲେ। ନେପାଳ ବୁଲିବା ପାଇଁ ଯାଇଥିବା ରମେଶଙ୍କ ପାଇଁ ଏହି ଯାତ୍ରା ଶେଷରେ ଏକ ଭୟଙ୍କର ଅନୁଭୂତିରେ ପରିଣତ ହୋଇଥିଲା।
ମହାରାଷ୍ଟ୍ରରେ ଗଣେଶ ଚତୁର୍ଥୀ ପୂର୍ବରୁ ରାଜନୈତିକ ମାହୋଲ ମ...
ଆମ ଶରୀରରେ ଗଟ୍ ବା ପାଚନତନ୍ତ୍ରର ଭୂମିକା କେବଳ ଖାଦ୍ୟ ହଜମ...
ବଲୁଚିସ୍ତାନରେ ପାକିସ୍ତାନୀ ସେନା ଓ ବଲୋଚ ବିଦ୍ରୋହୀଙ୍କ ମଧ...
ମୁମ୍ବାଇ:ଅସୁରକ୍ଷିତ, ନିମ୍ନମାନର ଓ ଅନଧିକୃତ ଔଷଧ ବିକ୍ରି...
ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ମୁମ୍ବାଇ ଗସ୍ତ ପୂର୍ବର...
ବୁଲଗେରିଆର ଭବିଷ୍ୟଦ୍ରଷ୍ଟା ବାବା ଭେଙ୍ଗାଙ୍କ ନାମରେ ୨୦୨୭କ...
ପାକିସ୍ତାନରେ ନୂଆ ପ୍ରଦେଶ ଗଠନ ଓ ପ୍ରଦେଶ ବିଭାଜନକୁ ନେଇ ର...
ଆମେରିକା ଓ ଚୀନ୍‌ ମଧ୍ୟରେ କୃତ୍ରିମ ବୁଦ୍ଧିମତ୍ତା (A...
ଦିଲ୍ଲୀର ସତ୍ୟ ନିକେତନ ଅଞ୍ଚଳରେ ୫ ମହଲା କୋଠା ଭୁଶୁଡ଼ି ୭...
ଭାରତୀୟ ଖାଦ୍ୟପେୟରେ ଘିଅର ଏକ ପାରମ୍ପରିକ ସ୍ଥାନ ରହିଛି। କ...
ବାଲେଶ୍ୱର ଜିଲ୍ଲାରେ ସାମାଜିକ ସୁରକ୍ଷା ଭତ୍ତା ପାଣ୍ଠି ହେର...
ଗୁଜରାଟର ଜାମନଗରସ୍ଥିତ ଇଣ୍ଡିଆନ୍ ବ୍ୟାଙ୍କର ରଣଜିତସାଗର ରୋ...
