ଓଡ଼ିଶାରେ ପ୍ରି-ମନସୁନ ବର୍ଷାର ପ୍ରଭାବ ଜାରି ରହିଥିବା ବେଳେ ବଙ୍ଗୋପସାଗରରେ ଆସନ୍ତା କିଛି ଦିନ ମଧ୍ୟରେ ଏକ ଲଘୁଚାପ କ୍ଷେତ୍ର ସୃଷ୍ଟି ହେବାର ସମ୍ଭାବନା ନେଇ ପାଣିପାଗ ବିଶେଷଜ୍ଞମାନେ ଆକଳନ କରିଛନ୍ତି। ବିଭିନ୍ନ ଗ୍ଲୋବାଲ୍ ଓେଦର୍ ମଡେଲ୍ ଅନୁସାରେ ମେ ୧୦ ଚାରିପାଖରେ ଦକ୍ଷିଣ-ପୂର୍ବ ବଙ୍ଗୋପସାଗରରେ ଏହି ଲଘୁଚାପ ସୃଷ୍ଟି ହୋଇପାରେ।
ପୂର୍ବରୁ GFS ଓେଦର୍ ମଡେଲ୍ ଏହି ଅଞ୍ଚଳରେ ଲଘୁଚାପ ସୃଷ୍ଟିର ସମ୍ଭାବନା ଦେଖାଇଥିବା ବେଳେ ECMWF ମଡେଲ୍ ମଧ୍ୟ ଶ୍ରୀଲଙ୍କା ଓ ତାମିଳନାଡୁ ଉପକୂଳ ସମୀପରେ ଲଘୁଚାପ କ୍ଷେତ୍ର ଗଠନ ହେବାର ସଙ୍କେତ ଦେଇଛି। ତେବେ ଏହା କେତେ ଶକ୍ତିଶାଳୀ ହେବ ଓ ପରବର୍ତ୍ତୀ ସମୟରେ କେଉଁ ଦିଗକୁ ଗତି କରିବ ସେନେଇ ଏପର୍ଯ୍ୟନ୍ତ ସ୍ପଷ୍ଟତା ଆସିନାହିଁ।
ଏପଟେ କେନ୍ଦ୍ରୀୟ ଭାରତ ଉପରେ ସକ୍ରିୟ ଥିବା ଟ୍ରଫ୍ ଲାଇନ୍ ପ୍ରଭାବରେ ଓଡ଼ିଶାରେ କାଳବୈଶାଖୀଜନିତ ବର୍ଷା ଜାରି ରହିଛି। ଗତ କିଛି ଦିନ ଧରି ରାଜ୍ୟର ଅନେକ ଅଞ୍ଚଳରେ ଘନଘୋର ମେଘ, ବଜ୍ରପାତ ଓ ବର୍ଷା ଦେଖିବାକୁ ମିଳିଛି। ପାଣିପାଗ ବିଶେଷଜ୍ଞଙ୍କ ମତାନୁସାରେ ମେ ୧୧ ପରେ ଟ୍ରଫ୍ ଲାଇନ୍ ଦୁର୍ବଳ ହେବା ସହ ଲଘୁଚାପର ଗତିବିଧି ଓ ପ୍ରଭାବ ଅଧିକ ସ୍ପଷ୍ଟ ହେବ।
ଯଦିଓ ବିଭିନ୍ନ ଆନ୍ତର୍ଜାତୀୟ ପାଣିପାଗ ମଡେଲ୍ ଲଘୁଚାପ ସୃଷ୍ଟି ନେଇ ସଙ୍କେତ ଦେଇଛନ୍ତି, ଭାରତୀୟ ପାଣିପାଗ ବିଭାଗ (IMD) ପକ୍ଷରୁ ଏପର୍ଯ୍ୟନ୍ତ କୌଣସି ଆଧିକାରିକ ପୂର୍ବାନୁମାନ ଜାରି କରାଯାଇନାହିଁ। ତଥାପି ଆଗାମୀ କିଛି ଦିନ ମଧ୍ୟରେ ପାଣିପାଗରେ ପରିବର୍ତ୍ତନ ସମ୍ଭାବନାକୁ ନେଇ ଲୋକମାନଙ୍କ ମଧ୍ୟରେ ଆଗ୍ରହ ବଢ଼ିଛି।
ଭୁବନେଶ୍ୱରର ନଖରା-ସୁନ୍ଦରପୁର ମୁଖ୍ୟ ରାସ୍ତା ନିକଟସ୍ଥ ଏକ...
ନିଟ୍-ୟୁଜି ୨୦୨୬ ପୁନଃପରୀକ୍ଷାକୁ ନେଇ ଚର୍ଚ୍ଚା ମଧ୍ୟରେ ନା...
ଏମ୍ବିବିଏସ୍ ଛାତ୍ରୀ ଚନ୍ଦ୍ରିକା ହେମ୍ବ୍ରମଙ୍କ ରହସ୍ୟଜନକ ମ...
ନ୍ୟୁଜିଲାଣ୍ଡ ବିପକ୍ଷ ଦ୍ୱିତୀୟ ଟେଷ୍ଟରେ ପରାଜୟ ପରେ ଇଂଲଣ୍...
ସାଇବର ନିର୍ଯାତନା ଏବଂ ମର୍ଫଡ୍ ଫଟୋ ଭାଇରାଲ୍ ଘଟଣାରେ ଭରତପ...
Central Board of Secondary Education ଖୁବ୍ ଶୀଘ୍ର ଦଶ...
ଭାରତୀୟ କ୍ରିକେଟ୍ ଜଗତର ଅନ୍ୟତମ ସଫଳ ବ୍ୟାଟ୍ସମ୍ୟାନVirat...
National Testing Agency ପକ୍ଷରୁ NEET-UG 2026 ପୁନଃପର...
ଜାତୀୟ ଯୋଗ୍ୟତା ସହ ପ୍ରବେଶିକା ପରୀକ୍ଷା (NEET-UG) 2026...
ବିଶ୍ବ କନିଷ୍ଠ ବନ୍ଧୁକଚାଳନା ଚାମ୍ପିଅନସିପ୍ରେ ଭାରତୀୟ ସୁଟ...
ନ୍ୟୁଜିଲାଣ୍ଡ ବିପକ୍ଷ ଦ୍ୱିତୀୟ ଟେଷ୍ଟ ମ୍ୟାଚ୍‌ରେ ଧି...
ନବରଙ୍ଗପୁର ଜିଲ୍ଲାର ଜଣେ ମହିଳା ଜଜଙ୍କୁ କେନ୍ଦ୍ର କରି ଆସି...
