ନୟାଗଡ଼ ଜିଲ୍ଲାର ଓଡାଗାଁ ଥାନା ଅଞ୍ଚଳରେ ଘଟିଥିବା ଚର୍ଚ୍ଚିତ ଅଜିତ ସାହୁ ହତ୍ୟାକାଣ୍ଡ ମାମଲାରେ ବୁଧବାର ପୋଲିସ ପକ୍ଷରୁ କ୍ରାଇମ୍ ସିନ୍ ରିକ୍ରିଏସନ୍ କରାଯାଇଛି। ତଦନ୍ତ ପ୍ରକ୍ରିୟାର ଅଂଶ ଭାବେ ଦୁଇ ମୁଖ୍ୟ ଅଭିଯୁକ୍ତଙ୍କୁ କଡ଼ା ସୁରକ୍ଷା ବ୍ୟବସ୍ଥା ମଧ୍ୟରେ ଘଟଣାସ୍ଥଳକୁ ନିଆଯାଇଥିଲା।
ସକାଳ ପ୍ରାୟ ୯ଟା ୩୦ ମିନିଟ୍ ସମୟରେ ସାରଙ୍କୁଳ ଏସଡିପିଓଙ୍କ ତତ୍ତ୍ୱାବଧାନରେ ଏହି ରିକ୍ରିଏସନ୍ ପ୍ରକ୍ରିୟା ସମ୍ପନ୍ନ ହୋଇଥିଲା।
ପୋଲିସ ସୂଚନା ଅନୁଯାୟୀ, ଘଟଣାସ୍ଥଳରେ ଅଭିଯୁକ୍ତମାନେ ତଦନ୍ତକାରୀଙ୍କ ସାମ୍ନାରେ ଦେଖାଇଥିଲେ କିପରି ଅଜିତ ସାହୁଙ୍କ ସହ ବଚସା ହୋଇଥିଲା, କିପରି ତାଙ୍କୁ ଭୂମିକୁ ଫିଙ୍ଗି ଦିଆଯାଇଥିଲା ଏବଂ ପରେ ଖଣ୍ଡାରେ ଆକ୍ରମଣ କରାଯାଇଥିଲା।
କ୍ରାଇମ୍ ସିନ୍ ରିକ୍ରିଏସନ୍ ପରେ ଚାରି ଅଭିଯୁକ୍ତଙ୍କୁ କୋର୍ଟରେ ହାଜର କରାଯାଇଥିବା ସୂଚନା ମିଳିଛି।
ପୋଲିସ କହିଛି ଯେ, ହତ୍ୟାକାଣ୍ଡରେ ବ୍ୟବହୃତ ଖଣ୍ଡାଟି ଧେଙ୍କାନାଳ ଜିଲ୍ଲାର ଏକ ଜଙ୍ଗଲ ଅଞ୍ଚଳରୁ ଜବତ କରାଯାଇଛି। ଏହି ଅସ୍ତ୍ର ଓ ଅନ୍ୟାନ୍ୟ ପ୍ରମାଣକୁ ନେଇ ତଦନ୍ତ ଜାରି ରହିଛି।
ସାରଙ୍କୁଳ ଏସଡିପିଓ ଦୀପ୍ତିକାନ୍ତ ପ୍ରଧାନ କହିଛନ୍ତି ଯେ, “କ୍ରାଇମ୍ ସିନ୍ ରିକ୍ରିଏସନ୍ ସମୟରେ ଅଭିଯୁକ୍ତମାନେ ଦେଖାଇଥିଲେ କିପରି ମୃତକଙ୍କୁ ଆଣି ଆକ୍ରମଣ କରାଯାଇଥିଲା। ସମସ୍ତ ପ୍ରକ୍ରିୟାକୁ ରେକର୍ଡ କରାଯାଇଛି। ମୁଖ୍ୟ ଅଭିଯୁକ୍ତ ମାନସ ଓ ମୋହନ୍ତଙ୍କୁ ରିକ୍ରିଏସନ୍ ପାଇଁ ଆଣାଯାଇଥିଲା। ପ୍ରତ୍ୟେକ ଅଭିଯୁକ୍ତଙ୍କ ଭୂମିକାକୁ ନେଇ ତଦନ୍ତ ଚାଲିଛି।”
ଏପର୍ଯ୍ୟନ୍ତ ଏହି ମାମଲାରେ ଚାରି ଜଣ ଅଭିଯୁକ୍ତଙ୍କୁ ଗିରଫ କରାଯାଇଥିବାବେଳେ ଆହୁରି ତିନି ଜଣ ଫେରାର ଅଛନ୍ତି। ସେମାନଙ୍କୁ ଧରିବା ପାଇଁ ପୋଲିସ ବିଭିନ୍ନ ସ୍ଥାନରେ ଚଢ଼ାଉ ଜାରି ରଖିଛି।
ନୟାଗଡ଼ ପୋଲିସ ଫେରାର ଅଭିଯୁକ୍ତଙ୍କୁ ଗିରଫ କରିବା ପାଇଁ ଏକାଧିକ ଟିମ୍ ଗଠନ କରିଥିବାବେଳେ ତଦନ୍ତକୁ ଆହୁରି ତେଜ କରାଯାଇଛି।
ପୋଲିସ ଅଧିକାରୀମାନେ କହିଛନ୍ତି, ଆବଶ୍ୟକ ପଡ଼ିଲେ ଆଗାମୀ ଦିନରେ ଅଭିଯୁକ୍ତଙ୍କୁ ପୁଣିଥରେ ରିମାଣ୍ଡରେ ନିଆଯାଇପାରେ।
ଓଡ଼ିଶାବାସୀଙ୍କୁ ଖରା ଓ ଗରମରୁ କିଛିଟା ଆଶ୍ୱସ୍ତି ମିଳିବାକ...
ଦକ୍ଷିଣ-ପଶ୍ଚିମ ମୌସୁମୀର ଆଗମନ ଏବଂ ପ୍ରବଳ ଗ୍ରୀଷ୍ମ ପ୍ରବା...
ଓଡ଼ିଶାର ଗଣପର୍ବ ରଜ ଆସିଲେ ଘରେ ଘରେ ଦୋଳି ଖେଳର ଉତ୍ସାହ ଦ...
ଡିଜିଟାଲ୍ ପେମେଣ୍ଟ୍ କମ୍ପାନୀ ପେଟିଏମ୍ର ଶେୟର ଦର ଆଜି ଶେୟ...
ଦେଶରେ ପୁନର୍ବାର ପେଟ୍ରୋଲ ଓ ଡିଜେଲ ଦର ବୃଦ୍ଧି ପାଇଛି। ପେ...
ଆସନ୍ତା ଖରିଫ ଋତୁକୁ ଦୃଷ୍ଟିରେ ରଖି କେନ୍ଦ୍ର ସରକାର ଏଲ୍ ନ...
ରାଜ୍ୟରେ ଲାଗି ରହିଥିବା କାଳବୈଶାଖୀଜନିତ ବର୍ଷା, ଘଡ଼ଘଡ଼ି...
ଆପଣ ଯଦି ୧୦ ଲକ୍ଷ ଟଙ୍କାରୁ ଅଧିକ ଦାମର କାର କିଣିଛନ୍ତି, ତ...
