ନୟାଗଡ଼ ଜିଲ୍ଲାର ଦାସପଲ୍ଲା ଥାନା ଅଞ୍ଚଳର ତାକେରାଘାଟ ନିକଟରେ ଗତ ଶୁକ୍ରବାର ରାତିରେ ଏକ ଭୟାବହ ପର୍ଯ୍ୟଟକ ବସ୍ ଦୁର୍ଘଟଣା ଘଟିଥିଲା। ଏହି ଦୁର୍ଘଟଣାରେ ୫ ଜଣଙ୍କ ମୃତ୍ୟୁ ଘଟିଥିବା ବେଳେ ୪୦ରୁ ଅଧିକ ଯାତ୍ରୀ ଆହତ ହୋଇଛନ୍ତି।
ମୃତକମାନଙ୍କ ମଧ୍ୟରେ ଚାଳକ ସହ ୪ ଜଣ ମହିଳା ରହିଛନ୍ତି। ସେମାନେ ହେଲେ ହରି ପାତ୍ର, ଲକ୍ଷ୍ମୀ ପାତ୍ର, ସୁପ୍ରଭା ସାହୁ ଓ ସୁମତୀ ସାହୁ, ଯେଉଁମାନେ ବେରହାମପୁରର ବସିନ୍ଦା ବୋଲି ଜଣାପଡିଛି।
ସୂଚନା ଅନୁସାରେ, ପ୍ରାୟ ୬୦ ଯାତ୍ରୀଙ୍କୁ ନେଇ ବେରହାମପୁରରୁ ହରିଶଙ୍କର ଯାଉଥିବା ବେଳେ ହନୁମାନ ଘାଟିରେ ଏହି ଦୁର୍ଘଟଣା ଘଟିଥିଲା। ଚାଳକ ବେଶି ଗତିରେ ବସ୍ ଚଳାଉଥିବାରୁ ନିୟନ୍ତ୍ରଣ ହାରାଇ ବସ୍ଟି ଏକ ବଡ଼ ପାହାଡ଼ ପଥରକୁ ଧକ୍କା ଦେଇ ଉଲଟିଯାଇଥିଲା।
ଦୁର୍ଘଟଣାର ଭୟାବହତା ଏପରି ଥିଲା ଯେ ଅନେକ ଯାତ୍ରୀ ବସ୍ରୁ ବାହାରକୁ ଛିଟିଯାଇଥିଲେ ଓ ୧୦ରୁ ଅଧିକ ଲୋକ ବସ୍ ତଳେ ଫସିଯାଇଥିଲେ।
ଖବର ପାଇ ଦାସପଲ୍ଲା ଓ ବଣିଗୋଛା ପୋଲିସ, ଅଗ୍ନିଶମ ବିଭାଗ ଓ ଆମ୍ବୁଲାନ୍ସ ଦଳ ଘଟଣାସ୍ଥଳକୁ ପହଞ୍ଚି ଉଦ୍ଧାର କାର୍ଯ୍ୟ ଆରମ୍ଭ କରିଥିଲେ। ଗ୍ୟାସ୍ କଟର୍ ମାଧ୍ୟମରେ ଫସିଥିବା ଲୋକମାନଙ୍କୁ ବାହାର କରାଯାଇଥିଲା।
ଆହତମାନଙ୍କୁ ପ୍ରଥମେ ଦାସପଲ୍ଲା ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରକୁ ନେଇଯାଇଥିଲା। ଗୁରୁତର ଆହତ ପ୍ରାୟ ୧୫ ଜଣଙ୍କୁ ପରେ ଜିଲ୍ଲା ମୁଖ୍ୟ ଚିକିତ୍ସାଳୟକୁ ସ୍ଥାନାନ୍ତର କରାଯାଇଛି।
ଆହତ ଯାତ୍ରୀମାନଙ୍କ କହିବା ଅନୁସାରେ, ଚାଳକ ବେଶି ଗତିରେ ବସ୍ ଚଳାଉଥିବାରୁ ଏହି ଦୁର୍ଘଟଣା ଘଟିଛି।
ପୋଲିସ ଏହି ଘଟଣାର କାରଣ ନେଇ ତଦନ୍ତ ଆରମ୍ଭ କରିଛି।
ସରକାରୀ ଚାକିରିର ସ୍ଥିରତା ଛାଡ଼ି ନିଜ ପିଲାଦିନର ସ୍ୱପ୍ନ ପ...
ଆଲାର୍ମ ବାଜିବା ପୂର୍ବରୁ ସ୍ୱାଭାବିକ ଭାବେ ଉଠିବା ଅନେକଙ୍କ...
ଭାରତରେ ଚିପ୍ସ, ମିଠା ପାନୀୟ ଓ ଅନ୍ୟାନ୍ୟ ପ୍ୟାକେଜ୍ଡ ଖାଦ୍...
‘୧୦୦%’ ଦାବିକୁ ନେଇ ITC Limited ଏବଂ ଭାରତ...
ନୂଆଦିଲ୍ଲୀ:ଜନଗଣନା ୨୦୨୭ ପାଇଁ କେନ୍ଦ୍ର ସରକାର ପ୍ରଶ୍ନପତ୍...
ନୂଆଦିଲ୍ଲୀ:NEET-UG 2026 ପ୍ରଶ୍ନପତ୍ର ଲିକ୍ ମାମଲାରେ କେନ...
ଗ୍ରୀନଲ୍ୟାଣ୍ଡରେ ଜଳବାୟୁ ପରିବର୍ତ୍ତନର ଆଉ ଏକ ବଡ଼ ପ୍ରଭାବ...
ପ୍ରଥମ ଶ୍ରେଣୀ ପାଠ୍ୟପୁସ୍ତକକୁ ନେଇ ଚାଲିଥିବା ବିବାଦ ମଧ୍ୟ...
ନେପାଳର ରାସୁୱା ଜିଲ୍ଲାରେ ଅଗଷ୍ଟ ୨୬ରେ ଘଟିଥିବା ଭୟଙ୍କର ଆ...
ଫ୍ରାନ୍ସର ଦକ୍ଷିଣ-ପଶ୍ଚିମ ଅଞ୍ଚଳରେ ଭୟଙ୍କର ଟର୍ନାଡୋ ତାଣ୍...
କୋରାପୁଟସ୍ଥିତ କେନ୍ଦ୍ରୀୟ ଓଡ଼ିଶା ବିଶ୍ୱବିଦ୍ୟାଳୟ (CUO)ର...
ତିବ୍ବତର ଗ୍ୟିରୋଙ୍ଗ ବନ୍ଦରରେ ହୋଇଥିବା ଭୟଙ୍କର ଆକସ୍ମିକ ବ...
