ନବରଙ୍ଗପୁର ଜିଲ୍ଲା କୋଷାଗୁମୁଡ଼ା ବ୍ଲକ୍ ଅଧୀନ ମାଝିଧାନୁଆଁ ପଞ୍ଚାୟତରେ ଏହି ଘଟଣାକୁ ନେଇ ବିବାଦ ଦେଖାଦେଇଛି। ସ୍ଥାନୀୟ ସରପଞ୍ଚଙ୍କ ଅଭିଯୋଗ ଅନୁସାରେ, ଛତିଶଗଡ଼ ପ୍ରଶାସନର କିଛି ଅଧିକାରୀ ଓଡ଼ିଶା ଅଞ୍ଚଳକୁ ପ୍ରବେଶ କରି ଏକ୍ସକାଭେଟର ସହାୟତାରେ ଦୁଇ ରାଜ୍ୟକୁ ସଂଯୋଗ କରୁଥିବା ରାସ୍ତାକୁ କାଟିଦେଇଛନ୍ତି।
ଏହି ରାସ୍ତାକୁ ଦୀର୍ଘବର୍ଷ ଧରି ଉଭୟ ରାଜ୍ୟର ଲୋକେ ଯାତାୟାତ ପାଇଁ ବ୍ୟବହାର କରିଆସୁଥିଲେ। ରାସ୍ତା କଟାଯିବା ପରେ ଲୋକଙ୍କ ଯାତାୟାତ ସହ କୃଷିକାର୍ଯ୍ୟ ଓ ସ୍ଥାନୀୟ ବ୍ୟବସାୟ ମଧ୍ୟ ପ୍ରଭାବିତ ହୋଇଛି।
ଘଟଣା ସମ୍ପର୍କରେ ଖବର ପାଇବା ପରେ ସ୍ଥାନୀୟ ତହସିଲଦାର ଘଟଣାସ୍ଥଳକୁ ଯାଇ ସ୍ଥିତି ଅନୁଧ୍ୟାନ କରିଥିଲେ। ଯାଞ୍ଚ ପରେ କ୍ଷତିଗ୍ରସ୍ତ ରାସ୍ତାର ଅଂଶଟି ଓଡ଼ିଶାର ସୀମା ଭିତରେ ଥିବା ସେ କହିଛନ୍ତି।
କୋଡ଼ିଙ୍ଗା ତହସିଲଦାର ତୁଳା ମୁଦୁଲିଙ୍କ କହିବା ଅନୁସାରେ, ଛତିଶଗଡ଼ ପ୍ରଶାସନ ରାସ୍ତା କାଟିବା ପୂର୍ବରୁ ଓଡ଼ିଶା ପ୍ରଶାସନକୁ ନା ଅବଗତ କରିଥିଲା, ନା ଆଲୋଚନା କରିଥିଲା।
ମାଝିଧାନୁଆଁ ପଞ୍ଚାୟତ ସରପଞ୍ଚ ଦୟାରାମ ପୂଜାରୀ କହିଛନ୍ତି ଯେ ଓଡ଼ିଶା ଓ ଛତିଶଗଡ଼କୁ ସଂଯୋଗ କରୁଥିବା ରାସ୍ତାକୁ ଖୋଳି ଦିଆଯିବାରୁ ଲୋକମାନେ ପଡ଼ୋଶୀ ରାଜ୍ୟକୁ ଯାତାୟାତ କରିବାରେ ସମସ୍ୟା ଭୋଗୁଛନ୍ତି।
ରାସ୍ତା କାଟିବା ଘଟଣାକୁ ନେଇ ସ୍ଥାନୀୟ ଲୋକଙ୍କ ମଧ୍ୟରେ ଅସନ୍ତୋଷ ବଢ଼ିଥିବା ବେଳେ, ଘଟଣାର ଉଚ୍ଚସ୍ତରୀୟ ତଦନ୍ତ କରିବା ସହ ତୁରନ୍ତ ରାସ୍ତା ସଂଯୋଗ ପୁନଃସ୍ଥାପନ କରିବାକୁ ଦାବି ହୋଇଛି।
ସୀମା ସମ୍ପର୍କିତ ଏହି ଘଟଣାରେ ପ୍ରଶାସନିକ ସ୍ତରରେ ଆଗକୁ କଣ ପଦକ୍ଷେପ ନିଆଯିବ, ତାହା ଉପରେ ନଜର ରହିଛି। ତହସିଲଦାରଙ୍କ ସୂଚନା ଅନୁସାରେ, ଘଟଣା ସମ୍ପର୍କରେ କୋର୍ଟରେ ମଧ୍ୟ ଆଲୋଚନା ହୋଇଛି ଏବଂ ଆଇନ ଅନୁଯାୟୀ ପରବର୍ତ୍ତୀ ପଦକ୍ଷେପ ନିଆଯିବ।
ଏହି ଘଟଣା କୋଟିଆ ବିବାଦ ପରେ ଓଡ଼ିଶାର ଆଉ ଏକ ସୀମା ବିବାଦକୁ ନେଇ ଚର୍ଚ୍ଚା ସୃଷ୍ଟି କରିଛି।
ସଂସଦରେPublic Examinations (Amendment) Bill, 2026ପା...
ଓଡ଼ିଶାରେ ବର୍ଷାର ପ୍ରଭାବ ଜାରି ରହିଥିବାବେଳେ ଆସନ୍ତା ଦୁଇ...
ନୂଆଦିଲ୍ଲୀ:NEET-UG 2026 ପ୍ରଶ୍ନପତ୍ର ଲିକ୍ ମାମଲାରେ କେନ...
ଓଡ଼ିଶାରେ ଆସନ୍ତା ପାଞ୍ଚ ଦିନ ଧରି ବ୍ୟାପକ ବର୍ଷା ଜାରି ରହ...
ଓଡ଼ିଶାର ସରକାରୀ ବିଦ୍ୟାଳୟଗୁଡ଼ିକରେ ମୌଳିକ ସୁବିଧାରେ ବଡ଼...
କୋରାପୁଟସ୍ଥିତ କେନ୍ଦ୍ରୀୟ ଓଡ଼ିଶା ବିଶ୍ୱବିଦ୍ୟାଳୟ (CUO)ର...
ଆଗାମୀ ରାଜନୈତିକ ଚ୍ୟାଲେଞ୍ଜ ଓ ସଂଗଠନ ସୁଦୃଢ଼ୀକରଣକୁ ନଜରର...
ଭୁବନେଶ୍ୱର: ବନ୍ୟା ପରିସ୍ଥିତିକୁ ନେଇ ଚାଉଳ ବଣ୍ଟନରେ କୌଣସ...
ଚେନ୍ନାଇ: ତାମିଲନାଡୁର ଶାସକ ଦଳ DMK କଂଗ୍ରେସ ବିରୋଧରେ ଗୁ...
ପ୍ରଥମ ଶ୍ରେଣୀ ପାଠ୍ୟପୁସ୍ତକକୁ ନେଇ ଚାଲିଥିବା ବିବାଦ ମଧ୍ୟ...
ସୁବର୍ଣ୍ଣପୁର ଜିଲ୍ଲାର ବିନିକା କମ୍ୟୁନିଟି ହେଲ୍ଥ ସେଣ୍ଟର...
ଲଘୁଚାପର ପ୍ରଭାବରେ ବାଲେଶ୍ୱର ଜିଲ୍ଲାରନୀଳଗିରି ଅଞ୍ଚଳରେ ପ...
