ଗଜପତି ଜିଲ୍ଲାରେ ଜଣେ ମହିଳାଙ୍କ ଉପରେ ହୋଇଥିବା ନିର୍ମମ ଆକ୍ରମଣକୁ ନେଇ ଚାଞ୍ଚଲ୍ୟ ସୃଷ୍ଟି ହୋଇଛି। ପୁଲିସ ସୂଚନା ଅନୁସାରେ, ଆର୍. ଉଦୟଗିରି ଥାନା ଅଞ୍ଚଳରେ ଜଣେ ଯୁବକ ମହିଳାଙ୍କ ସହ ଦୁଷ୍କର୍ମ ଉଦ୍ୟମ କରିଥିଲେ।
ମହିଳା ଏହାକୁ ବିରୋଧ କରିବାରୁ ଅଭିଯୁକ୍ତ ତାଙ୍କୁ ଛୁରୀରେ ଆକ୍ରମଣ କରିଥିବା ଏବଂ ପରେ ପଥରରେ ମୁଣ୍ଡକୁ ଆଘାତ କରି ଘଟଣାସ୍ଥଳରୁ ଫେରାର ହୋଇଯାଇଥିବା ଅଭିଯୋଗ ହୋଇଛି।
ରକ୍ତାକ୍ତ ଅବସ୍ଥାରେ ମହିଳାଙ୍କୁ ସ୍ଥାନୀୟ ଲୋକେ ଉଦ୍ଧାର କରି ନିକଟସ୍ଥ ଚିକିତ୍ସାଳୟକୁ ନେଇଥିଲେ। ପରେ ତାଙ୍କ ସ୍ୱାସ୍ଥ୍ୟାବସ୍ଥା ଗୁରୁତର ହେବାରୁ ପାରଳାଖେମୁଣ୍ଡି ଜିଲ୍ଲା ମୁଖ୍ୟ ଚିକିତ୍ସାଳୟକୁ (DHH) ସ୍ଥାନାନ୍ତର କରାଯାଇଛି।
ପ୍ରାଥମିକ ସୂଚନା ଅନୁସାରେ, ଅଭିଯୁକ୍ତ ଆର୍. ଉଦୟଗିରି ଅଞ୍ଚଳର ବାସିନ୍ଦା ହୋଇଥିବା ବେଳେ ପୀଡ଼ିତା ମୋହନା ଥାନା ଅଞ୍ଚଳର ବୋଲି ଜଣାପଡ଼ିଛି।
ଅଭିଯୁକ୍ତ ଓ ପୀଡ଼ିତାଙ୍କ ମଧ୍ୟରେ ପୂର୍ବ ପରିଚୟ କିମ୍ବା ସମ୍ପର୍କ ଥିଲା କି ନାହିଁ, ସେନେଇ ସ୍ପଷ୍ଟ ସୂଚନା ମିଳିନାହିଁ। ଘଟଣାର ପ୍ରକୃତ କାରଣ ମଧ୍ୟ ତଦନ୍ତ ପରେ ଜଣାପଡ଼ିବ।
ଏହି ଘଟଣାକୁ ନେଇ ପୁଲିସ ତଦନ୍ତ ଆରମ୍ଭ କରିଛି। ଅଭିଯୁକ୍ତକୁ ଧରିବା ପାଇଁ ଚେଷ୍ଟା ଚାଲିଛି।
ଭାରତର ମହାନ ସଙ୍ଗୀତଜ୍ଞ, ଗାୟକ, କବି ଓ ଚଳଚ୍ଚିତ୍ର ନିର୍ମା...
ପାରାଗୁଏ: ବ୍ୟାଙ୍କ ଦେବାଳିଆକୁ ନେଇ ରାଜନୈତିକ ଝଡ଼ ଦକ୍...
ନୂଆଦିଲ୍ଲୀ: ଭାରତର ବିଦେଶୀ ମୁଦ୍ରା ଭଣ୍ଡାରରେ ପୁଣି ହ୍ରାସ...
ଭାରତୀୟ କୃଷି ଓ ଚାଷୀଙ୍କ ସଫଳତାକୁ ନେଇ ଦେଶର ରାଜଧାନୀ ଦିଲ...
ନୂଆଦିଲ୍ଲୀ: OBC ସଂରକ୍ଷଣ ଓ କ୍ରିମି ଲେୟର ନିୟମକୁ ନେଇ ସୁ...
ଜମ୍ମୁ-କଶ୍ମୀରର ରାଜନୀତିରେ ଏବେ ହଟଚମଟ। ଶାସକ ନ୍ୟାସନାଲ କ...
ସରକାରୀ ଚାକିରିରେ ବାଧ୍ୟତାମୂଳକ ଅବସରକୁ ନେଇ ସୁପ୍ରିମକୋର୍...
କାଠମାଣ୍ଡୁ: ଭାରତ ସହ କୂଟନୈତିକ ସମ୍ପର୍କକୁ ନେଇ ନେପାଳ ପ୍...
