ଭଦ୍ରକ/ଚାନ୍ଦବାଲି: ଭଦ୍ରକ ଜିଲ୍ଲା ଚାନ୍ଦବାଲିରେ ମାଆ ତାରିଣୀଙ୍କ ମନ୍ଦିରରୁ ବଡ଼ ଧରଣର ଚୋରି ଅଭିଯୋଗ ହୋଇଛି। ଚାନ୍ଦବାଲି ମୁଖ୍ୟରାସ୍ତାର ଚନ୍ଦନପୁର ଛକ ନିକଟରେ ଥିବା ତାରିଣୀ ମନ୍ଦିରରେ ଗତକାଲି ବିଳମ୍ବିତ ରାତିରେ ଦୁର୍ବୃତ୍ତମାନେ ପଶି ମାଆଙ୍କ ସୁନା ଓ ରୁପା ଅଳଙ୍କାର ସହ ଭେଟି ବାକ୍ସରୁ ଟଙ୍କା ଚୋରି କରିଥିବା ଅଭିଯୋଗ ହୋଇଛି।
ଅଭିଯୋଗ ଅନୁଯାୟୀ, ଚୋରମାନେ ପ୍ରଥମେ ମନ୍ଦିରର ମୁଖ୍ୟ ଗେଟ୍ର ତାଲା ଭାଙ୍ଗିଥିଲେ। ଏହାପରେ ଭିତର ଦ୍ୱାରର ତାଲାକୁ ମଧ୍ୟ କାଟି ମନ୍ଦିର ଭିତରକୁ ପ୍ରବେଶ କରିଥିଲେ। ସେଠାରୁ ମାଆଙ୍କ ମଥାମଣି, ରୁପା ମକୁଟ, ସୁନା ଚିତା, ସୁନା ଓ ରୁପାର ଆଖି, ସୁନା-ରୁପା ହାର ସମେତ ବିଭିନ୍ନ ଅଳଙ୍କାର ଚୋରି ହୋଇଥିବା ଜଣାପଡ଼ିଛି।
କେବଳ ଅଳଙ୍କାର ନୁହେଁ, ମନ୍ଦିରର ଭେଟି ବାକ୍ସକୁ ମଧ୍ୟ ଚୋରମାନେ ଟାର୍ଗେଟ୍ କରିଥିବା ଅଭିଯୋଗ ହୋଇଛି। ଭେଟି ବାକ୍ସର ତାଲା କାଟି ଭିତରେ ଥିବା ଟଙ୍କା ମଧ୍ୟ ନେଇଯାଇଥିବା ଅଭିଯୋଗ ରହିଛି। ତେବେ ମୋଟ କେତେ ପରିମାଣର ଅଳଙ୍କାର ଓ ଟଙ୍କା ଚୋରି ହୋଇଛି, ସେନେଇ ସ୍ପଷ୍ଟ ସୂଚନା ମିଳିନାହିଁ।
ଆଜି ଭୋର ପ୍ରାୟ ୪ଟା ସମୟରେ ମନ୍ଦିର ପାଇଁ ଫୁଲ ତୋଳିବାକୁ ଯାଇଥିବା ଜଣେ ବ୍ୟକ୍ତି ମନ୍ଦିରର ଗେଟ୍ ଖୋଲା ଥିବା ଦେଖିଥିଲେ। ପରେ ମନ୍ଦିରରେ ଚୋରି ହୋଇଥିବା ଘଟଣା ସାମ୍ନାକୁ ଆସିଥିଲା। ଏନେଇ ଚାନ୍ଦବାଲି ଥାନାରେ ଅଭିଯୋଗ କରାଯାଇଛି।
ଅଭିଯୋଗ ପାଇବା ପରେ ଚାନ୍ଦବାଲି ପୋଲିସ ଘଟଣାସ୍ଥଳରେ ପହଞ୍ଚି ଛାନଭିନ୍ ଆରମ୍ଭ କରିଛି। ଚୋରି ପଛରେ କିଏ ରହିଛି ଏବଂ ଦୁର୍ବୃତ୍ତମାନେ କେଉଁ ଦିଗକୁ ଫେରାର ହୋଇଛନ୍ତି, ସେନେଇ ପୋଲିସ ତଦନ୍ତ ଚଳାଇଛି। ମନ୍ଦିର ଏବଂ ଆଖପାଖ ଅଞ୍ଚଳର CCTV ଫୁଟେଜ୍ ମଧ୍ୟ ଯାଞ୍ଚ କରାଯାଇପାରେ।
ଏହି ଘଟଣା ପରେ ଚାନ୍ଦବାଲି ଅଞ୍ଚଳରେ ଚର୍ଚ୍ଚା ଜୋର ଧରିଛି। ମନ୍ଦିରର ସୁରକ୍ଷା ବ୍ୟବସ୍ଥାକୁ ନେଇ ମଧ୍ୟ ପ୍ରଶ୍ନ ଉଠିଛି। ପୋଲିସର ତଦନ୍ତ ପରେ ହିଁ ଚୋରି ଘଟଣାର ପ୍ରକୃତ ଚିତ୍ର ଏବଂ ଦୁର୍ବୃତ୍ତଙ୍କ ପରିଚୟ ସ୍ପଷ୍ଟ ହେବ।
ମହିଳା ଟି-୨୦ ଏସିଆ କପ୍‌ରେ ସେମିଫାଇନାଲ୍‌ ଲାଇ...
ବିଶ୍ୱର ମାନଚିତ୍ରକୁ ନେଇ ଆସିଛି ଏକ ବଡ଼ ଚର୍ଚ୍ଚା। ପ୍ରାୟ...
ଚେଲ୍‌ସିର ଯୁବ ବ୍ରାଜିଲୀୟ ୱିଙ୍ଗର୍‌ ଏଷ୍ଟେଭାଓ...
ୟୁଏସ୍ ଓପନ୍ରେ ଦେଖିବାକୁ ମିଳିଛି ଜବରଦସ୍ତ ଟେନିସ୍ ରୋମାଞ୍...
ଦେଶର ବିଶିଷ୍ଟ ବୈଜ୍ଞାନିକ ତଥାଭାରତ ରତ୍ନ ପୁରସ୍କାରପ୍ରାପ୍...
ଭାରତରେ ସାଟେଲାଇଟ୍ ବ୍ରଡବ୍ୟାଣ୍ଡ୍ ବା ମହାକାଶ ଇଣ୍ଟରନେଟ୍...
ଟ୍ରେଣ୍ଟ ଆଲେକ୍‌ଜାଣ୍ଡର-ଆର୍ନୋଲ୍ଡଙ୍କୁ ମିଡଫିଲ୍ଡରେ...
ବନ୍ୟାର ଭୟାବହତାରୁ ନେପାଳ ମୁକୁଳିନଥିବା ବେଳେ ଏବେ ଭୂକମ୍ପ...
ଉତ୍ତରପ୍ରଦେଶରେ ଶ୍ରମିକ ଓ ଅନ୍ୟାନ୍ୟ ଦୁର୍ବଳ ପରିବାରର ପିଲ...
