ବନ୍ୟାର ଭୟାବହତାରୁ ନେପାଳ ମୁକୁଳିନଥିବା ବେଳେ ଏବେ ଭୂକମ୍ପ ଝଟକା ଲୋକଙ୍କ ଚିନ୍ତା ବଢ଼ାଇଛି। ନେପାଳରେ ୫.୩ ତୀବ୍ରତାର ଭୂକମ୍ପ ଅନୁଭୂତ ହୋଇଛି। ନେପାଳ-ଚୀନ ସୀମା ନିକଟରେ ପ୍ରାୟ ୧୪୩ କିଲୋମିଟର ଗଭୀରତାରେ ଭୂକମ୍ପର କେନ୍ଦ୍ରସ୍ଥଳ ଚିହ୍ନଟ ହୋଇଥିବା ସୂଚନା ମିଳିଛି।
ଭୂକମ୍ପର ଝଟକା ତିବ୍ଦତ ଏବଂ ଭାରତର କିଛି ଅଞ୍ଚଳରେ ମଧ୍ୟ ଅନୁଭୂତ ହୋଇଛି। ତେବେ ଏପର୍ଯ୍ୟନ୍ତ ଭୂକମ୍ପ ଯୋଗୁଁ କୌଣସି ମୃତାହତ କିମ୍ବା ବଡ଼ ଧରଣର କ୍ଷୟକ୍ଷତି ହୋଇଥିବା ରିପୋର୍ଟ ମିଳିନାହିଁ। ପ୍ରଭାବିତ ଅଞ୍ଚଳରେ ଅଧିକାରୀମାନେ ସ୍ଥିତିର ଆକଳନ କରୁଛନ୍ତି।
ଏହା ପୂର୍ବରୁ ସେପ୍ଟେମ୍ବର ୩ ତାରିଖ ଅପରାହ୍ନରେ ମଧ୍ୟ ତିବ୍ଦତରେ ଭୂକମ୍ପ ଅନୁଭୂତ ହୋଇଥିଲା। ସେତେବେଳେ ଭୂକମ୍ପର ତୀବ୍ରତା ରିକ୍ଟର ସ୍କେଲରେ ୫.୦ ରେକର୍ଡ ହୋଇଥିଲା। ଏହାର ଝଟକା ନେପାଳ, ତିବ୍ଦତ ସମେତ ଭାରତର ଉତ୍ତରାଖଣ୍ଡର କିଛି ଅଞ୍ଚଳରେ ଅନୁଭୂତ ହୋଇଥିଲା।
ଅନ୍ୟପଟେ, ଅଗଷ୍ଟ ୨୬ରେ ହିମହ୍ରଦ ଫାଟିବା ପରେ ଚୀନ ସୀମାବର୍ତ୍ତୀ ନେପାଳର ବିଭିନ୍ନ ଅଞ୍ଚଳରେ ବ୍ୟାପକ କ୍ଷୟକ୍ଷତି ହୋଇଥିବା ଦାବି କରାଯାଇଛି। ଉପଲବ୍ଧ ସୂଚନା ଅନୁସାରେ, ଏହି ବିପର୍ଯ୍ୟୟରେ ଏପର୍ଯ୍ୟନ୍ତ ୧୩୫୮ ଜଣଙ୍କ ମୃତ୍ୟୁ ହୋଇଥିବା ବେଳେ ୫,୩୨୬ ଜଣ ନିଖୋଜ ଥିବା କୁହାଯାଇଛି।
ମାଲକାନଗିରିରେ ଭୂସ୍ଖଳନ ପରେ ଖସିଲା ବିଶାଳ ପଥର ମାଲକାନ...
ଫ୍ଲୋରିଡା, ଆମେରିକା: ଆମେରିକାର ଫ୍ଲୋରିଡାରେ ଘଟିଥିବା ଏକ...
ନୂଆଦିଲ୍ଲୀ: ମହାକାଶରେ ୨୨ ବର୍ଷ ଧରି କାର୍ଯ୍ୟ କରିବା ପରେ...
କେନ୍ଦ୍ରାପଡ଼ା: ଓଡ଼ିଶାର କେନ୍ଦ୍ରାପଡ଼ା ଜିଲ୍ଲା ମାର୍ଶାଘା...
ଆନ୍ଧ୍ରରୁ ଓଡ଼ିଶାରେ ପହଞ୍ଚିଲା ରୟାଲ ବେଙ୍ଗଲ୍ ଟାଇଗର ମ...
୫ ମାସ ପରେ ପର୍ଯ୍ୟଟକଙ୍କ ପାଇଁ ଖୋଲିଲା କୁଳଡିହା ଅଭୟାରଣ୍ୟ...
ଆମେରିକା ମଧ୍ୟବର୍ତ୍ତୀ ନିର୍ବାଚନରେ ଡେମୋକ୍ରାଟ୍‌ଙ୍କ...
କାଠଯୋଡ଼ି ନଦୀପଠାରେ ଅଭିଯୁକ୍ତଙ୍କୁ ନେଇ ତଦନ୍ତ ...
