ୟୁଏସ୍ ଓପନ୍ରେ ଦେଖିବାକୁ ମିଳିଛି ଜବରଦସ୍ତ ଟେନିସ୍ ରୋମାଞ୍ଚ। ଆମେରିକାରଫ୍ରାନ୍ସିସ୍ ଟିଆଫୋଦୁଇ ସେଟ୍ ପଛରେ ଥିବା ସତ୍ତ୍ୱେ ଅବିଶ୍ୱସନୀୟ ପ୍ରତ୍ୟାବର୍ତ୍ତନ କରି ସାଥୀ ଆମେରିକୀୟଆଲେକ୍ସ ମିକେଲସେନଙ୍କୁହରାଇ ୟୁଏସ୍ ଓପନ୍ ସେମିଫାଇନାଲ୍ରେ ପ୍ରବେଶ କରିଛନ୍ତି।

୧୧ତମ ସିଡ୍ ଟିଆଫୋ ମ୍ୟାଚ୍ର ପ୍ରଥମାର୍ଦ୍ଧରେ ବିଶ୍ୱ ରାଙ୍କିଙ୍ଗ୍ର ୪୬ତମ ସ୍ଥାନରେ ଥିବା ମିକେଲସେନଙ୍କ ବିପକ୍ଷରେ ସଂଘର୍ଷ କରୁଥିଲେ। ମିକେଲସେନ ଆରମ୍ଭରୁ ନିଜ ଦବଦବା ଦେଖାଇ ଲଗାତାର ଦୁଇଟି ସେଟ୍ ଜିତିଥିଲେ।

ତୃତୀୟ ସେଟ୍ରେ ମଧ୍ୟ ମିକେଲସେନ୫-୩ରେ ଆଗୁଆଥିଲେ। ଏହି ସମୟରେ ଟିଆଫୋ ଲଢ଼େଇକୁ ଫେରିଥିଲେ ଏବଂ ମ୍ୟାଚ୍ର ଗତିପଥ ସମ୍ପୂର୍ଣ୍ଣ ବଦଳାଇ ଦେଇଥିଲେ। ତୃତୀୟ ସେଟ୍କୁ ୭-୫ରେ ଜିତିବା ପରେ ସେ ଚତୁର୍ଥ ସେଟ୍ରେ ୬-୩ରେ ବିଜୟୀ ହୋଇ ମ୍ୟାଚ୍କୁ ନିର୍ଣ୍ଣାୟକ ପଞ୍ଚମ ସେଟ୍କୁ ନେଇଥିଲେ।

ପଞ୍ଚମ ସେଟ୍ରେ ଉଭୟ ଖେଳାଳିଙ୍କ ମଧ୍ୟରେ ଲଗାତାର ମୋମେଣ୍ଟମ୍ ପରିବର୍ତ୍ତନ ହୋଇଥିଲା। ଶେଷରେ ଟିଆଫୋ୧୦-ପଏଣ୍ଟ ଟାଇବ୍ରେକ୍ରେ ୧୦-୬ରେ ବିଜୟୀ ହୋଇ ମ୍ୟାଚ୍ ନିଜ ନାମରେ କରିଥିଲେ।

ସମ୍ପୂର୍ଣ୍ଣ ମ୍ୟାଚ୍ଟି୪ ଘଣ୍ଟା ୩୮ ମିନିଟ୍ଧରି ଚାଲିଥିଲା। ଏହି ବିଜୟ ସହ ୨୮ ବର୍ଷୀୟ ଟିଆଫୋ ଗତ ୫ ବର୍ଷ ମଧ୍ୟରେ ତୃତୀୟ ଥର ପାଇଁ ୟୁଏସ୍ ଓପନ୍ ସେମିଫାଇନାଲ୍ରେ ପହଞ୍ଚିଛନ୍ତି।

ମ୍ୟାଚ୍ ହାରିବା ପରେ ୨୨ ବର୍ଷୀୟ ମିକେଲସେନ ଭାବବିହ୍ୱଳ ହୋଇ କାନ୍ଦି ପକାଇଥିଲେ। ଏହା ତାଙ୍କର ପ୍ରଥମ ଗ୍ରାଣ୍ଡସ୍ଲାମ୍ କ୍ୱାର୍ଟରଫାଇନାଲ୍ ଥିଲା। ମ୍ୟାଚ୍ ପରେ ଟିଆଫୋ ତାଙ୍କୁ ଆଲିଙ୍ଗନ କରି ସାନ୍ତ୍ୱନା ଦେଇଥିଲେ।

ବିଜୟ ପରେ ଟିଆଫୋ ମିକେଲସେନଙ୍କ ପ୍ରଶଂସା କରି କହିଥିଲେ ଯେ ସେ ଜଣେ ଅତ୍ୟନ୍ତ ଭଲ ଖେଳାଳି ଏବଂ ଆଜିର ମ୍ୟାଚ୍ ସେ ଜିତିପାରିଥାନ୍ତେ। ଟିଆଫୋଙ୍କ ପରବର୍ତ୍ତୀ ସେମିଫାଇନାଲ୍ ମୁକାବିଲା ଡିଫେଣ୍ଡିଂ ଚାମ୍ପିଅନ୍କାର୍ଲୋସ୍ ଆଲକାରାଜ୍କିମ୍ବା ଆମେରିକାର ୮ତମ ସିଡ୍ବେନ୍ ଶେଲଟନ୍ଙ୍କ ମଧ୍ୟରୁ ଜଣଙ୍କ ସହ ହେବ।