ମହିଳା ଟି-୨୦ ଏସିଆ କପ୍ରେ ସେମିଫାଇନାଲ୍ ଲାଇନ୍ଅପ୍ ଚୂଡ଼ାନ୍ତ ହୋଇଛି। ୟୁଏଇକୁ ୩୪ ରନ୍ରେ ପରାସ୍ତ କରି ବାଂଲାଦେଶ ସେମିଫାଇନାଲ୍ରେ ପ୍ରବେଶ କରିଛି। ଏହା ସହ ଭାରତ ବିପକ୍ଷରେ ବାଂଲାଦେଶର ସେମିଫାଇନାଲ୍ ମୁକାବିଲା ନିଶ୍ଚିତ ହୋଇଛି।
ଗ୍ରୁପ୍-ବି’ର ଏହି ‘କର ବା ମର’ ମ୍ୟାଚ୍ରେ ପ୍ରଥମେ ବ୍ୟାଟିଂ କରି ବାଂଲାଦେଶ ୭ ୱିକେଟ୍ ହରାଇ ୧୦୩ ରନ୍ ସଂଗ୍ରହ କରିଥିଲା। ଦଳ ପକ୍ଷରୁ ଶର୍ମିନ ଅଖତର ସର୍ବାଧିକ ୩୮ ରନ୍ କରିଥିବା ବେଳେ ନିଗାର ସୁଲତାନା ୨୩, ଜୁଆଇରିୟା ଫିର୍ଦ୍ଦୋସ ୧୬ ଏବଂ ନାହିଦା ଅଖତର ଅପରାଜିତ ୧୬ ରନ୍ କରିଥିଲେ।
ୟୁଏଇ ପକ୍ଷରୁ ସୁରକ୍ଷା କୋଟେ ୧୧ ରନ୍ ଦେଇ ୩ଟି ୱିକେଟ୍ ହାସଲ କରିଥିଲେ।
୧୦୪ ରନ୍ର ବିଜୟ ଲକ୍ଷ୍ୟର ପିଛା କରି ୟୁଏଇ ଦଳ ନିର୍ଦ୍ଧାରିତ ଓଭରରେ ୯ ୱିକେଟ୍ ହରାଇ ୬୯ ରନ୍ କରିପାରିଥିଲା। ତୀର୍ଥା ସତୀଶ ୧୧ ଏବଂ ହୀନା ୧୮ ରନ୍ କରିଥିବା ବେଳେ ଅନ୍ୟ କୌଣସି ବ୍ୟାଟର ଦୁଇ ଅଙ୍କ ଛୁଇଁ ପାରିନଥିଲେ।
ବାଂଲାଦେଶ ପକ୍ଷରୁ ରାବେୟା ଖାନ୍ ୩ଟି ୱିକେଟ୍ ନେଇଥିଲେ। ମାରୁଫା ଅଖତର ଓ ନାହିଦା ଅଖତର ୨ଟି ଲେଖାଏଁ ୱିକେଟ୍ ହାସଲ କରିଥିବା ବେଳେ ସୁଲତାନା ଓ ଫହିମା ଖାତୁନ ଗୋଟିଏ ଲେଖାଏଁ ୱିକେଟ୍ ନେଇଥିଲେ।
ଏହି ବିଜୟ ସହ ବାଂଲାଦେଶ ସେମିଫାଇନାଲ୍ରେ ସ୍ଥାନ ପକ୍କା କରିଛି। ଏବେ ୧୦ ତାରିଖରେ ଭାରତ-ବାଂଲାଦେଶ ପ୍ରଥମ ସେମିଫାଇନାଲ୍ରେ ମୁହାଁମୁହିଁ ହେବେ। ଅନ୍ୟପଟେ ୧୧ ତାରିଖରେ ଶ୍ରୀଲଙ୍କା-ପାକିସ୍ତାନ ମଧ୍ୟରେ ଦ୍ୱିତୀୟ ସେମିଫାଇନାଲ୍ ଖେଳାଯିବ।
ଆଣ୍ଡାମାନ ଓ ନିକୋବର ଦ୍ୱୀପପୁଞ୍ଜର ବିକାଶକୁ ନୂଆ ଗତି ଦେବା...
ମହଙ୍ଗା ବିମାନ ଇନ୍ଧନ ଏବେ ଭାରତୀୟ ବିମାନ ଚଳାଚଳ କ୍ଷେତ୍ର...
ପେନ୍‌ସନ୍‌ଭୋଗୀଙ୍କ ପାଇଁ ଜରୁରୀ ଖବର। ଯଦି ଆପଣ...
ରାଜଧାନୀ ଦିଲ୍ଲୀର ଚାନ୍ଦନୀ ଚୌକ୍ ଅଞ୍ଚଳରେ ଗୁରୁବାର ସକାଳେ...
ଦୀପାବଳି ଓ ଧନତେରସ୍‌ ପୂର୍ବରୁ ଉତ୍ସବମୁଖର ହୋଇଉଠିଛି...
ଧନତେରସ ଆସିଲେ ସୁନା କିଣିବାର ପରମ୍ପରା ଭାରତୀୟ ପରିବାରରେ...
ଆମେରିକାର ମଧ୍ୟବର୍ତ୍ତୀ ନିର୍ବାଚନ ଫଳାଫଳ ପରେ ଭାରତୀୟ ସେୟ...
ଶେୟାର ବଜାରରେ ଏକ ଛୋଟ SME IPOକୁ ନେଇ ଏବେ ଜୋରଦାର ଚର୍ଚ୍...
