ଦେଶର ବିଶିଷ୍ଟ ବୈଜ୍ଞାନିକ ତଥାଭାରତ ରତ୍ନ ପୁରସ୍କାରପ୍ରାପ୍ତ ପ୍ରଫେସର ସିଏନଆର ରାଓଙ୍କୁ SIR ପ୍ରକ୍ରିୟାରେ ନୋଟିସ୍ ଜାରି ହୋଇଥିବା ଖବର ଏବେ ଚର୍ଚ୍ଚାରେ। ତାଙ୍କ ନାମରେ ରେକର୍ଡ ମିସମ୍ୟାଚ୍ ଚିହ୍ନଟ ହେବା ପରେ ପରିଚୟ ପ୍ରମାଣ ପାଇଁ ତାଙ୍କୁ ଶୁଣାଣିରେ ହାଜର ହେବାକୁ କୁହାଯାଇଥିବା ରିପୋର୍ଟରେ ଦାବି କରାଯାଇଛି।

୯୨ ବର୍ଷୀୟ ପ୍ରଫେସର ରାଓଙ୍କୁ କର୍ଣ୍ଣାଟକରମଲ୍ଲେଶ୍ୱରମରେ ହେବାକୁ ଥିବା ଶୁଣାଣିରେ ଉପସ୍ଥିତ ହେବାକୁ ନୋଟିସ୍ ଦିଆଯାଇଥିବା କୁହାଯାଇଛି। SIR ଫର୍ମରେ ତାଙ୍କ ନାମ ସମ୍ପର୍କିତ ଅସଙ୍ଗତି ଥିବା ରିପୋର୍ଟରେ ଉଲ୍ଲେଖ ରହିଛି।

ପୁରୁଣା ରେକର୍ଡରେ ତାଙ୍କ ନାମProfessor CNR Raoଭାବେ ଥିବା ବେଳେ ବର୍ତ୍ତମାନର ରେକର୍ଡରେ ଇଂରାଜୀ ନାମରେ ଏକ ଅତିରିକ୍ତ‘F’ଯୋଡ଼ି ଯାଇଥିବା ଦାବି କରାଯାଇଛି। ଏହି ନାମ ଅସଙ୍ଗତି ଯୋଗୁଁ ତାଙ୍କୁ ନିଜ ପରିଚୟ ସ୍ପଷ୍ଟ କରିବା ପାଇଁ ନୋଟିସ୍ ଦିଆଯାଇଥିବା କୁହାଯାଇଛି।

ପ୍ରଫେସର ରାଓ ବେଙ୍ଗାଲୁରୁର ବାସବନଗୁଡ଼ିରେ ଜନ୍ମଗ୍ରହଣ କରିଥିବା ଏବଂ ବିଜ୍ଞାନ କ୍ଷେତ୍ରରେ ଦୀର୍ଘଦିନ ଧରି ଅବଦାନ ରଖିଥିବା ବିଶିଷ୍ଟ ବୈଜ୍ଞାନିକ। ସେ୨୦୧୪ରେ ଭାରତ ରତ୍ନରେ ସମ୍ମାନିତ ହୋଇଥିଲେ। ରସାୟନ ବିଜ୍ଞାନ କ୍ଷେତ୍ରରେ ତାଙ୍କ ଗବେଷଣା ଓ ଅବଦାନ ବିଶ୍ୱସ୍ତରରେ ପରିଚିତ।

ରିପୋର୍ଟ ଅନୁଯାୟୀ, ପ୍ରଫେସର ରାଓଙ୍କ ପରିଚିତମାନେ ମଧ୍ୟ ଏହି ନୋଟିସ୍ ସମ୍ପର୍କରେ ଅବଗତ ନଥିଲେ। ତାଙ୍କ ସ୍ୱାସ୍ଥ୍ୟ ଭଲ ନଥିବା ସହ ସେ ଖୁବ କମ୍ ଫୋନ୍ ବ୍ୟବହାର କରନ୍ତି ଏବଂ ଇମେଲ୍ ମଧ୍ୟ ନିୟମିତ ଯାଞ୍ଚ କରନ୍ତି ନାହିଁ ବୋଲି ପରିଚିତମାନେ କହିଥିବା ଦାବି କରାଯାଇଛି।

ଏହି ଘଟଣା SIR ପ୍ରକ୍ରିୟାକୁ ନେଇ ପୁଣିଥରେ ଚର୍ଚ୍ଚା ବଢ଼ାଇଛି। ରିପୋର୍ଟରେ ଦାବି କରାଯାଇଛି ଯେ SIR ଫର୍ମରେ ତ୍ରୁଟି କିମ୍ବା ଅସଙ୍ଗତି ଯୋଗୁଁ୪୩ ଲକ୍ଷରୁ ଅଧିକ ଭୋଟରଙ୍କୁ ନୋଟିସ୍ଜାରି ହୋଇଛି। ଏଥିରେ ‘ସେଲ୍ଫ ମିସମ୍ୟାଚ୍’ ଭଳି ତ୍ରୁଟି ମଧ୍ୟ ରହିଛି, ଯେଉଁଠାରେ ପୁରୁଣା ଭୋଟର ତାଲିକାରେ ନାମ ଥିବା ବେଳେ ବର୍ତ୍ତମାନର SIR ତାଲିକାରେ ନାମ ନଥିବା ଦର୍ଶାଯାଇଛି।

ପ୍ରଫେସର ରାଓଙ୍କ ବ୍ୟତୀତ କର୍ଣ୍ଣାଟକର ଜଣାଶୁଣା ଶିକ୍ଷା କର୍ମୀ ତଥାପଦ୍ମଶ୍ରୀ ପୁରସ୍କାରପ୍ରାପ୍ତ ହରେକଲା ହଜାବ୍ବାଙ୍କୁ ମଧ୍ୟ ନୋଟିସ୍ ଦିଆଯାଇଥିବା ରିପୋର୍ଟରେ କୁହାଯାଇଛି।

ସେହିପରି ପଞ୍ଜାବରେ SIR ସମୟରେ ପୂର୍ବତନ ଭାରତୀୟ ରାଷ୍ଟ୍ରଦୂତନବଦୀପ ସୁରିଙ୍କୁ ମଧ୍ୟ ପରିଚୟ ଓ ନାଗରିକତା ସମ୍ପର୍କିତ ଦସ୍ତାବିଜ ଦାଖଲ କରିବାକୁ ନୋଟିସ୍ ମିଳିଥିବା ଦାବି ହୋଇଛି। ଏହା ବ୍ୟତୀତ ନୋବେଲ୍ ପୁରସ୍କାର ବିଜେତା ଅର୍ଥନୀତିଜ୍ଞଅମର୍ତ୍ତ୍ୟ ସେନ୍ଏବଂ ଭାରତୀୟ କ୍ରିକେଟରମହମ୍ମଦ ଶାମିଙ୍କୁ ମଧ୍ୟ SIR ସମୟରେ ନୋଟିସ୍ ମିଳିଥିବା ରିପୋର୍ଟରେ ଉଲ୍ଲେଖ ରହିଛି।