ଭୁବନେଶ୍ୱରକୁ ଅଧିକ ସବୁଜ, ଯାତ୍ରୀ-ଅନୁକୂଳ ଏବଂ ଆଧୁନିକ ସହର ଭାବେ ଗଢ଼ି ତୋଳିବା ଦିଗରେ ଆଉ ଏକ ପଦକ୍ଷେପ ନେଇଛି ଭୁବନେଶ୍ୱର ମହାନଗର ନିଗମ (ବିଏମସି) ଏବଂ ଭୁବନେଶ୍ୱର ଉନ୍ନୟନ କର୍ତ୍ତୃପକ୍ଷ (ବିଡିଏ)। ଜନପଥ କରିଡରର ପ୍ରମୁଖ ସ୍ଥାନଗୁଡ଼ିକରେ ଆଧୁନିକ ଟ୍ରାଫିକ୍ ଶେଲ୍ଟର ଏବଂ ପାର୍କିଂ-କମ୍-କମ୍ୟୁଟର ଶେଲ୍ଟର ସ୍ଥାପନ ପାଇଁ ଏକ ପାଇଲଟ୍ ପ୍ରକଳ୍ପ ଆରମ୍ଭ କରାଯାଇଛି।
ଜାତୀୟ ସ୍ୱଚ୍ଛ ବାୟୁ କାର୍ଯ୍ୟକ୍ରମ (NCAP) ଅଧୀନରେ କାର୍ଯ୍ୟକାରୀ ହେଉଥିବା ଏହି ପ୍ରକଳ୍ପର ଲକ୍ଷ୍ୟ ହେଉଛି ସହରର ବାୟୁ ଗୁଣବତ୍ତାରେ ସୁଧାର ଆଣିବା ସହ ଯାତ୍ରୀମାନଙ୍କୁ ଉନ୍ନତ ସୁବିଧା ଯୋଗାଇବା ଏବଂ ସହରର ସୌନ୍ଦର୍ଯ୍ୟ ବୃଦ୍ଧି କରିବା।
ଏହି ପ୍ରକଳ୍ପ ଅଧୀନରେ ସହରର ଦୁଇଟି ବ୍ୟସ୍ତବହୁଳ ଛକ ରୂପାଲି ଛକ ଏବଂ ପାୱାର ହାଉସ୍ ଛକରେ ନୂଆ ଟ୍ରାଫିକ୍ ଶେଲ୍ଟର ନିର୍ମାଣ କରାଯାଉଛି। ଏହାବ୍ୟତୀତ ଜନପଥ କରିଡରର ଚୟନିତ ଚାରୋଟି ସ୍ଥାନରେ ପାର୍କିଂ-କମ୍-କମ୍ୟୁଟର ଶେଲ୍ଟର ନିର୍ମାଣ ଚାଲିଛି, ଯାହା ପଥଚାରୀ, ଯାତ୍ରୀ ଏବଂ ଗାଡ଼ି ଚାଳକମାନଙ୍କୁ ସୁବିଧା ଯୋଗାଇବ।
ବିଏମସି କମିଶନର ତଥା ବିଡିଏର ଉପାଧ୍ୟକ୍ଷ ଚଞ୍ଚଳ ରଣା କହିଛନ୍ତି ଯେ, ଏହି ଶେଲ୍ଟରଗୁଡ଼ିକୁ ଆଧୁନିକ ଏବଂ ପରିବେଶ ଅନୁକୂଳ ଢଙ୍ଗରେ ଡିଜାଇନ୍ କରାଯାଇଛି। ଏଥିରେ ଫ୍ୟାବ୍ରିକ୍ କ୍ୟାନୋପି ଉପରେ ଫ୍ଲେମ୍ ଭାଇନ୍ ଲତା ଲଗାଯିବ, ଯାହା ସମୟକ୍ରମେ ଏକ ପ୍ରାକୃତିକ ସବୁଜ ଆବରଣ ସୃଷ୍ଟି କରିବ। ଏହା ଗ୍ରୀଷ୍ମ ଋତୁରେ ଉତ୍ତାପକୁ କମାଇ ଯାତ୍ରୀଙ୍କ ପାଇଁ ଅଧିକ ଶୀତଳ ଏବଂ ଆରାମଦାୟକ ପରିବେଶ ସୃଷ୍ଟି କରିବ।
ଟ୍ରାଫିକ୍ ଶେଲ୍ଟରଗୁଡ଼ିକରେ ସୂର୍ଯ୍ୟକିରଣକୁ ରୋକିବା ପାଇଁ ସ୍ୱତନ୍ତ୍ର ହରିଜୋଣ୍ଟାଲ୍ ସ୍କ୍ରିନିଂ ପ୍ୟାନେଲ ଲଗାଯାଇଛି, ଯାହା ଦିନସାରା ଭିନ୍ନ ଦିଗରୁ ଆସୁଥିବା ଖରାକୁ ପ୍ରତିରୋଧ କରିବ। ସେହିପରି ପାର୍କିଂ-କମ୍-କମ୍ୟୁଟର ଶେଲ୍ଟରଗୁଡ଼ିକ ଯାତ୍ରୀ ଓ ଯାନବାହନକୁ ବର୍ଷା ଓ ଅତ୍ୟଧିକ ଗରମରୁ ସୁରକ୍ଷା ଦେବ।
ବିଶେଷକରି ବୟସ୍କ ବ୍ୟକ୍ତି, ଗର୍ଭବତୀ ମହିଳା ଏବଂ ଅନ୍ୟ ଦୁର୍ବଳ ବର୍ଗର ଯାତ୍ରୀମାନଙ୍କ ପାଇଁ ଏହି ଶେଲ୍ଟରଗୁଡ଼ିକ ଅପେକ୍ଷା ସ୍ଥଳ ଭାବେ ବେଶ୍ ଉପଯୋଗୀ ହେବ। ଏହି ପ୍ରକଳ୍ପ ଜଳବାୟୁ ଅନୁକୂଳ ଏବଂ ନାଗରିକ-କୈନ୍ଦ୍ରିକ ସହରାଞ୍ଚଳ ଭିତ୍ତିଭୂମି ନିର୍ମାଣ ଦିଗରେ ଏକ ଗୁରୁତ୍ୱପୂର୍ଣ୍ଣ ପଦକ୍ଷେପ ବୋଲି କୁହାଯାଉଛି।
ଏହା ଜନପଥର ୫.୮ କିଲୋମିଟର ଦୀର୍ଘ ସ୍ମାର୍ଟ କରିଡରର ସୌନ୍ଦର୍ଯ୍ୟକରଣ ଏବଂ ଲ୍ୟାଣ୍ଡସ୍କେପିଂ କାର୍ଯ୍ୟକ୍ରମକୁ ମଧ୍ୟ ଆହୁରି ସୁଦୃଢ଼ କରିବ।
ବ୍ରିଟେନ୍‌ର ରାଜପରିବାରକୁ ନେଇ ଆସିଛି ବଡ଼ ଖବର। ଦୀର...
ପାଲେଷ୍ଟାଇନର ନୂଆ ଶିକ୍ଷାବର୍ଷ ଆରମ୍ଭ ହେବା ସହ ଅଧିକୃତ ୱେ...
ଆମ ଶରୀରରେ ଗଟ୍ ବା ପାଚନତନ୍ତ୍ରର ଭୂମିକା କେବଳ ଖାଦ୍ୟ ହଜମ...
ଇସ୍ରାଏଲ ଅଧିକୃତ ୱେଷ୍ଟ ବ୍ୟାଙ୍କରେ ଥିବା ଯିହୁଦୀ ସେଟଲମେଣ...
ଆମେରିକାନ୍ ଏୟାରଲାଇନ୍ସର ଏକ ଉଡ଼ାଣ ବେଳେ ଜଣେ ଯାତ୍ରୀଙ୍କ...
ଭାରତୀୟ ଖାଦ୍ୟପେୟରେ ଘିଅର ଏକ ପାରମ୍ପରିକ ସ୍ଥାନ ରହିଛି। କ...
ମହାରାଷ୍ଟ୍ରରେ ଗଣେଶ ଚତୁର୍ଥୀ ପୂର୍ବରୁ ରାଜନୈତିକ ମାହୋଲ ମ...
ମୁମ୍ବାଇ:ଅସୁରକ୍ଷିତ, ନିମ୍ନମାନର ଓ ଅନଧିକୃତ ଔଷଧ ବିକ୍ରି...
ରୁଷିଆ ଓ ଉତ୍ତର କୋରିଆ ମଧ୍ୟରେପ୍ରଥମ ସଡ଼କ ସେତୁଖୋଲାଯାଇଛି...
