ବାଲେଶ୍ୱର ଜିଲ୍ଲାର ସୋର ବ୍ଲକ ଅଧୀନ ମଧୁସୂଦନପୁର ଗ୍ରାମ ପଞ୍ଚାୟତରେ ଭତ୍ତା ବଣ୍ଟନରେ ବିଳମ୍ବକୁ ନେଇ ଅସନ୍ତୋଷ ଦେଖାଦେଇଛି। ଗତ ୨ରୁ ୩ ମାସ ଧରି ଭତ୍ତା ନମିଳିବା ଅଭିଯୋଗରେ ସୋମବାର ୧୦୦ରୁ ଅଧିକ ହିତାଧିକାରୀ ପଞ୍ଚାୟତ କାର୍ଯ୍ୟାଳୟ ସମ୍ମୁଖରେ ଧାରଣା ଦେଇଥିଲେ।
ପ୍ରତିବାଦକାରୀମାନଙ୍କ ଅଭିଯୋଗ ଅନୁସାରେ, ପୂର୍ବରୁ ନିୟମିତ ଭାବେ ଭତ୍ତା ରାଶି ସେମାନଙ୍କ ବ୍ୟାଙ୍କ ଖାତାକୁ ଜମା ହେଉଥିଲା। କିନ୍ତୁ ଗତ କିଛି ମାସ ଧରି ହଠାତ୍ ଭତ୍ତା ବନ୍ଦ ହୋଇଯାଇଥିବାରୁ ବୃଦ୍ଧ, ବିଧବା ଏବଂ ଆର୍ଥିକ ଭାବେ ଦୁର୍ବଳ ଲୋକମାନେ ଗୁରୁତର ସମସ୍ୟାର ସମ୍ମୁଖୀନ ହେଉଛନ୍ତି।
ଭତ୍ତା ଉପରେ ନିର୍ଭର କରି ଦୈନନ୍ଦିନ ଖର୍ଚ୍ଚ ଚଳାଉଥିବା ହିତାଧିକାରୀମାନେ କହିଛନ୍ତି ଯେ, ଟଙ୍କା ନମିଳିବାରୁ ଘର ଚଳାଇବା ସହ ଔଷଧ ଓ ଅନ୍ୟାନ୍ୟ ଜରୁରୀ ଖର୍ଚ୍ଚ ବହନ କରିବା କଷ୍ଟକର ହୋଇପଡ଼ିଛି।
ଏହାର ପ୍ରତିବାଦରେ ସେମାନେ ପଞ୍ଚାୟତ କାର୍ଯ୍ୟାଳୟ ସମ୍ମୁଖରେ ବିକ୍ଷୋଭ କରିବା ସହ ପ୍ରଶାସନଙ୍କ ନିକଟରେ ତୁରନ୍ତ ସମାଧାନ ଦାବି କରିଥିଲେ। ପରେ ପଞ୍ଚାୟତ ନିର୍ବାହୀ ଅଧିକାରୀଙ୍କ ମାଧ୍ୟମରେ ଜିଲ୍ଲାପାଳଙ୍କ ଉଦ୍ଦେଶ୍ୟରେ ଏକ ସ୍ମାରକପତ୍ର ପ୍ରଦାନ କରାଯାଇଥିଲା।
ପ୍ରତିବାଦକାରୀମାନଙ୍କ ମଧ୍ୟରୁ ଜଣେ କହିଥିଲେ ଯେ, ପୂର୍ବ ସରକାର ସମୟରେ ପର୍ବପର୍ବାଣୀ ଅବସରରେ ଆଗୁଆ ଭତ୍ତା ମିଳୁଥିଲା। କିନ୍ତୁ ବର୍ତ୍ତମାନ ତିନି ମାସ ଧରି ଭତ୍ତା ବନ୍ଦ ଥିବାରୁ ସେମାନେ ଅନେକ ଅସୁବିଧା ଭୋଗୁଛନ୍ତି।
ଅନ୍ୟ ଜଣେ ମହିଳା ହିତାଧିକାରୀ କହିଥିଲେ ଯେ, ତାଙ୍କର ସ୍ୱାମୀ କିମ୍ବା ପୁଅ କେହି ନାହାନ୍ତି। ଭତ୍ତା ଟଙ୍କା ହିଁ ତାଙ୍କ ଜୀବନ ନିର୍ବାହର ଏକମାତ୍ର ଭରସା। ଗତ ତିନି ମାସ ଧରି ଭତ୍ତା ନମିଳିବାରୁ ସେ ଅତ୍ୟନ୍ତ ଅସୁବିଧାରେ ଅଛନ୍ତି।
ହିତାଧିକାରୀମାନେ ଦାବି କରିଛନ୍ତି ଯେ, ବକେୟା ଭତ୍ତା ଶୀଘ୍ର ପ୍ରଦାନ କରାଯିବା ସହ ଆଗାମୀ ଦିନରେ ନିୟମିତ ଭାବେ ଭତ୍ତା ବଣ୍ଟନ ସୁନିଶ୍ଚିତ କରାଯାଉ।
କେରଳର କୋଚିରେ ଜଣେ କଲେଜ ଛାତ୍ରଙ୍କ ବିରୋଧରେ ଶିକ୍ଷକ ଓ ସହ...
ରୁଷିଆର ସାରାତୋଭ ଅଞ୍ଚଳର ଏଙ୍ଗେଲ୍ସ ସହରରେ ଜଣେ ସେନା ଅଧିକ...
‘୧୦୦%’ ଦାବିକୁ ନେଇ ITC Limited ଏବଂ ଭାରତ...
ଆଗ୍ରାରେ ତାମିଲନାଡୁ ଏକ୍ସପ୍ରେସ୍ର ଏକ ଅନରିଜର୍ଭ୍ଡ କୋଚ୍ରୁ...
ଆଲାର୍ମ ବାଜିବା ପୂର୍ବରୁ ସ୍ୱାଭାବିକ ଭାବେ ଉଠିବା ଅନେକଙ୍କ...
ଦିଲ୍ଲୀରେ ବଢୁଥିବା ସାଇବର ଅପରାଧ ଓ ଟେକ୍ନୋଲୋଜି ଆଧାରିତ ଧ...
ଇରାନର ଦକ୍ଷିଣ ଅଞ୍ଚଳର କୁହେସ୍ତାକ ସହରରେ ମଙ୍ଗଳବାର ଏକ ବି...
ୟୁକ୍ରେନକୁ ସାମରିକ ସହାୟତା ଦେବା ପାଇଁ ଗୋଳାବାରୁଦ କିଣିବା...
ଭାରତରେ ଚିପ୍ସ, ମିଠା ପାନୀୟ ଓ ଅନ୍ୟାନ୍ୟ ପ୍ୟାକେଜ୍ଡ ଖାଦ୍...
ମଙ୍ଗଳବାର ସନ୍ଧ୍ୟାରେ ମୁମ୍ବାଇ-ଅହମଦାବାଦବନ୍ଦେ ଭାରତ ଏକ୍ସ...
ହର୍ମୁଜ୍ ପ୍ରଣାଳୀରେ ନୌଚଳାଚଳର ସ୍ୱାଧୀନତାକୁ ସମର୍ଥନ କରିବ...
