ଦିଲ୍ଲୀରେ ବଢୁଥିବା ସାଇବର ଅପରାଧ ଓ ଟେକ୍ନୋଲୋଜି ଆଧାରିତ ଧମକ ମୁକାବିଲା ପାଇଁ ଦିଲ୍ଲୀ ପୋଲିସ ଏକ ନୂଆ ପଦକ୍ଷେପ ନେଇଛି। ନୂଆDelhi Cyber Crime Coordination Centre (D4C)ଅଧୀନରେ ବୋମା ଧମକ ଇ-ମେଲ୍ ତଦନ୍ତ ପାଇଁ ଏକ ସ୍ୱତନ୍ତ୍ରHoax Bomb E-mail Investigation Cellରହିବ ବୋଲି ସରକାରୀ ନୋଟିଫିକେସନ୍ରେ କୁହାଯାଇଛି।

ବିଶେଷକରି ସ୍କୁଲ୍ଗୁଡ଼ିକୁ ମିଳୁଥିବା ବୋମା ଧମକ ଇ-ମେଲ୍ ସମେତ ଟେକ୍ନୋଲୋଜି ମାଧ୍ୟମରେ ଦିଆଯାଉଥିବା ଧମକ ଓ ଅନ୍ୟାନ୍ୟ ଅପରାଧର ତଦନ୍ତ ଏହି ୟୁନିଟ୍ କରିବ। ଭିପିଏନ୍, ଆନୋନିମାଇଜେସନ୍ ଟେକ୍ନୋଲୋଜି, ସ୍ପୁଫ୍ଡ୍ କିମ୍ବା ଅଜଣା ଇ-ମେଲ୍ ଏବଂ ହୋକ୍ସ ବୋମା ଧମକ ସମ୍ପର୍କିତ ମାମଲାରେ ସ୍ୱତନ୍ତ୍ର ତଦନ୍ତ କରାଯିବ।

ଏହି ସେଲ୍ ଡିଜିଟାଲ୍ ପ୍ରମାଣ ସଂଗ୍ରହ, ଧମକ ପଛରେ ଥିବା ବ୍ୟକ୍ତି କିମ୍ବା ଉତ୍ସର ପ୍ରାଯୁକ୍ତିକ ପରିଚୟ ନିର୍ଣ୍ଣୟ ଏବଂ ଟେଲିକମ୍ ଅପରେଟର, ଇଣ୍ଟରନେଟ୍ ମଧ୍ୟସ୍ଥ ସଂସ୍ଥା ଓ ଇ-ମେଲ୍ ସେବା ପ୍ରଦାନକାରୀଙ୍କ ସହ ସମନ୍ୱୟ କରିବ।

ମହିଳା ଓ ଶିଶୁଙ୍କ ଅନଲାଇନ୍ ଅପରାଧ ପାଇଁ ମଧ୍ୟ ସ୍ୱତନ୍ତ୍ର ୱିଙ୍ଗ୍

D4C ଅଧୀନରେOnline Crimes against Women and Children (OCWC) Wingନାମରେ ଆଉ ଏକ ସ୍ୱତନ୍ତ୍ର ୱିଙ୍ଗ୍ ରହିବ। ମହିଳା ଓ ଶିଶୁଙ୍କୁ ଟାର୍ଗେଟ୍ କରୁଥିବା ଟେକ୍ନୋଲୋଜି ଆଧାରିତ ଅପରାଧର ପ୍ରତିରୋଧ, ଚିହ୍ନଟ ଏବଂ ତଦନ୍ତରେ ସମନ୍ୱୟ କରିବା ଏହାର ମୁଖ୍ୟ ଦାୟିତ୍ୱ ହେବ।

ନୋଟିଫିକେସନ୍ ଅନୁଯାୟୀ, ଏହି ୱିଙ୍ଗ୍ ମହିଳା ଓ ଶିଶୁଙ୍କ ବିରୋଧରେ ଅନଲାଇନ୍ ଅପରାଧ ସମ୍ପର୍କିତ ଅଭିଯୋଗ ଉପରେ ନଜର ରଖିବ। ସଂଗଠିତ ଅନଲାଇନ୍ ଯୌନ ଶୋଷଣ ନେଟୱର୍କ, ବାରମ୍ବାର ଅପରାଧ କରୁଥିବା ବ୍ୟକ୍ତି ଏବଂ ସାଇବର ଅପରାଧ ପ୍ରବଣ ଅଞ୍ଚଳ ସମ୍ପର୍କରେ ମଧ୍ୟ ତଥ୍ୟ ସଂଗ୍ରହ କରାଯିବ।

ଅନଲାଇନ୍ ଅପରାଧ ସମ୍ପର୍କିତ ମାମଲାରେIndian Cyber Crime Coordination Centre (I4C),Special Police Unit for Women and Children (SPUWAC), ଜିଲ୍ଲା ସାଇବର ପୋଲିସ ଷ୍ଟେସନ୍, ସୋସିଆଲ୍ ମିଡିଆ ମଧ୍ୟସ୍ଥ ସଂସ୍ଥା ଏବଂ ଇଣ୍ଟରନେଟ୍ ସେବା ପ୍ରଦାନକାରୀଙ୍କ ସହ ଏହି ୱିଙ୍ଗ୍ ସମନ୍ୱୟ କରିବ।

ଏହି ସମନ୍ୱୟ ମାଧ୍ୟମରେ ଆପତ୍ତିଜନକ କଣ୍ଟେଣ୍ଟ ହଟାଇବା, ଡିଜିଟାଲ୍ ପ୍ରମାଣ ସୁରକ୍ଷିତ ରଖିବା ଏବଂ ଆଇନଗତ କାର୍ଯ୍ୟାନୁଷ୍ଠାନକୁ ଅଧିକ ପ୍ରଭାବଶାଳୀ କରିବା ଉପରେ ଗୁରୁତ୍ୱ ଦିଆଯିବ।