ୟୁକ୍ରେନକୁ ସାମରିକ ସହାୟତା ଦେବା ପାଇଁ ଗୋଳାବାରୁଦ କିଣିବା ଚୁକ୍ତିକୁ ନେଇ ବଡ଼ ବିବାଦ ମଧ୍ୟରେଏଷ୍ଟୋନିଆର ପ୍ରତିରକ୍ଷା ମନ୍ତ୍ରୀ ହାନୋ ପେଭକୁର ଇସ୍ତଫା ଦେଇଛନ୍ତି। ପ୍ରାୟ୭୦ ମିଲିୟନ ୟୁରୋ, ଅର୍ଥାତ୍ ₹୭୬୮.୫ କୋଟିରୁ ଅଧିକ ମୂଲ୍ୟର ଏହି ଚୁକ୍ତି ଏବେ ଏକ ପ୍ରତିରକ୍ଷା କ୍ରୟ ବିବାଦରେ ପରିଣତ ହୋଇଛି।
ପେଭକୁର ୨୦୨୨ରୁ ଏଷ୍ଟୋନିଆର ପ୍ରତିରକ୍ଷା ମନ୍ତ୍ରୀ ଥିଲେ। ଏଷ୍ଟୋନିଆର ଜାତୀୟ ଅଡିଟ୍ କାର୍ଯ୍ୟାଳୟର ରିପୋର୍ଟ ପରେ ସେ ଏହି ଚୁକ୍ତିର ରାଜନୈତିକ ଦାୟିତ୍ୱ ନେଇ ପଦ ଛାଡ଼ିବା ନିଷ୍ପତ୍ତି ନେଇଛନ୍ତି।
ଏହି ବିବାଦର କେନ୍ଦ୍ରରେ ରହିଛିDatasel SRLନାମକ ଇଟାଲୀରେ ପଞ୍ଜୀକୃତ ଏକ କମ୍ପାନୀ। ୨୦୨୪ରେ ଏହାକୁ ଭାରତରNeco Defence Munitionsଅଧିଗ୍ରହଣ କରିଥିଲା।
ୟୁକ୍ରେନରେ ଗୋଳାବାରୁଦର ଅଭାବ ଦେଖାଦେଇଥିବା ସମୟରେ ଏଷ୍ଟୋନିଆ ଏହି କମ୍ପାନୀଠାରୁ ଆର୍ଟିଲେରୀ ସେଲ୍ କିଣିବା ପାଇଁ ୨୦୨୪ରେ ଚୁକ୍ତି କରିଥିଲା। ଏହି କ୍ରୟ ପାଇଁ ୟୁରୋପୀୟ ୟୁନିୟନରEuropean Peace Facilityର ଅର୍ଥ ବ୍ୟବହାର କରାଯାଇଥିଲା।
ଏଷ୍ଟୋନିଆ ପ୍ରଥମ ଚୁକ୍ତି ଅଗଷ୍ଟ ୨୦୨୪ରେ କରି ପ୍ରାୟ୧୫ ମିଲିୟନ ୟୁରୋ ଅଗ୍ରିମଦେଇଥିଲା। ଅକ୍ଟୋବରରେ ଆଉ ଏକ ଚୁକ୍ତି ହୋଇ ୧୦ ମିଲିୟନ ୟୁରୋରୁ ଅଧିକ ଅଗ୍ରିମ ଦିଆଯାଇଥିଲା। ପରବର୍ତ୍ତୀ ଚୁକ୍ତିଗୁଡ଼ିକ ପରେ ମୋଟ ଅଗ୍ରିମ ଅର୍ଥ ପ୍ରାୟ୭୦ ମିଲିୟନ ୟୁରୋରେ ପହଞ୍ଚିଥିଲା।
ଚୁକ୍ତି ଅନୁସାରେ ଗୋଳାବାରୁଦ କିଛି ମାସ ମଧ୍ୟରେ ୟୁକ୍ରେନରେ ପହଞ୍ଚିବା କଥା ଥିଲା। କିନ୍ତୁ ଉତ୍ପାଦନ ସମସ୍ୟା ଯୋଗୁଁ ଯୋଗାଣରେ ବାରମ୍ବାର ବିଳମ୍ବ ହୋଇଥିବା ରିପୋର୍ଟ ଆସିଥିଲା।
୨୦୨୫ରେ କିଛି ଗୋଳାବାରୁଦ ମିଳିବା ପରେ ଏହାର ଗୁଣବତ୍ତା ନେଇ ମଧ୍ୟ ପ୍ରଶ୍ନ ଉଠିଥିଲା। ଏଷ୍ଟୋନିଆର Centre for Defence Investments ପରେ Datasel ସହ ହୋଇଥିବା ଚୁକ୍ତିଗୁଡ଼ିକ ବାତିଲ କରି ଅଗ୍ରିମ ଅର୍ଥ ଫେରସ୍ତ ଦାବି କରିଥିଲା।
Datasel ଏହି ଅଭିଯୋଗକୁ ଚ୍ୟାଲେଞ୍ଜ କରିଛି। କମ୍ପାନୀର କହିବା ଅନୁସାରେ, ଏହା ଏଷ୍ଟୋନିଆକୁ ପ୍ରାୟ୫୯ ମିଲିୟନ ୟୁରୋ ମୂଲ୍ୟର ଗୋଳାବାରୁଦ ଯୋଗାଇଛିଏବଂ ପ୍ରାୟ ୫୮ ମିଲିୟନ ୟୁରୋର ଇନଭଏସ୍ ଦାଖଲ କରିଛି।
କମ୍ପାନୀ ବିଳମ୍ବ ହୋଇଥିବା କଥା ସ୍ୱୀକାର କରିଥିଲେ ମଧ୍ୟ ଗୋଳାବାରୁଦ ନିମ୍ନମାନର ଥିବା ଅଭିଯୋଗକୁ ଅସ୍ୱୀକାର କରିଛି। ଚୁକ୍ତି ବାତିଲକୁ ନେଇ Datasel ଏଷ୍ଟୋନିଆ ବିରୋଧରେ ଆଇନଗତ ପଦକ୍ଷେପ ନେଇଛି ଏବଂ ମାମଲା ଆନ୍ତର୍ଜାତୀୟ ଆର୍ବିଟ୍ରେସନକୁ ଯାଇଛି।
ଏଷ୍ଟୋନିଆର National Audit Office ପ୍ରତିରକ୍ଷା ମନ୍ତ୍ରଣାଳୟର ଅର୍ଥ ପରିଚାଳନା ଓ ସାମରିକ ସାମଗ୍ରୀ କ୍ରୟ ପ୍ରକ୍ରିୟା ଉପରେ ପ୍ରଶ୍ନ ଉଠାଇଛି।
ଅଡିଟ୍ ଅନୁସାରେ, ଯଦି EU ଠାରୁ ଦିଆଯାଇଥିବା ପ୍ରାୟ୭୦ ମିଲିୟନ ୟୁରୋଫେରସ୍ତ ହୋଇନଥାଏ, ତେବେ ଏହାର ଭାର ଏଷ୍ଟୋନିଆ ସରକାରଙ୍କ ନିଜସ୍ୱ ବଜେଟ୍ ଉପରେ ପଡ଼ିପାରେ।
ଏଷ୍ଟୋନିଆର ପ୍ରଧାନମନ୍ତ୍ରୀ କ୍ରିଷ୍ଟେନ ମିଚାଲ ପୂର୍ବରୁ କହିଥିଲେ ଯେ ପେଭକୁରଙ୍କ ବ୍ୟକ୍ତିଗତ ଭୁଲ ଥିବା ସେ ଦେଖୁନାହାନ୍ତି। ତଥାପି ପେଭକୁର ରାଜନୈତିକ ଦାୟିତ୍ୱ ନେଇ ଇସ୍ତଫା ଦେବାକୁ ନିଷ୍ପତ୍ତି ନେଇଛନ୍ତି।
ଏଷ୍ଟୋନିଆ ପ୍ରାୟ ୧୨ ଲକ୍ଷ ଲୋକଙ୍କ ଦେଶ ଏବଂ ଏହାEU ଓ NATOର ସଦସ୍ୟ। ରୁଷିଆ ସହ ଏହାର ସୀମା ଥିବାରୁ ୟୁକ୍ରେନ ଯୁଦ୍ଧ ପରେ ଦେଶର ସୁରକ୍ଷା ଚିନ୍ତା ଆହୁରି ବଢ଼ିଛି। ଏଷ୍ଟୋନିଆ ୟୁକ୍ରେନକୁ ଦୃଢ଼ ସମର୍ଥନ ଦେଇଆସୁଛି।
ଦକ୍ଷିଣ ଭାରତର ଲୋକଙ୍କ ପାଇଁ ସୁପ୍ରିମକୋର୍ଟରେ ନ୍ୟାୟ ପାଇବ...
ନିର୍ମାଣ କାମରୁ ସୃଷ୍ଟି ହେଉଥିବା ଶବ୍ଦ ପ୍ରଦୂଷଣ ଉପରେ ନିୟ...
ଆଗାମୀ ପର୍ବପର୍ବାଣୀକୁ ଶାନ୍ତି ଓ ସୌହାର୍ଦ୍ଦ୍ୟର ସହ ପାଳନ...
ବାତ୍ୟା ‘ମୁରାସୁ’ ପ୍ରଭାବରେ ବଢ଼ିବ ବର୍ଷା...
ବାତ୍ୟା ‘ମୁରାସୁ’ର ପ୍ରଭାବରେ ଓଡ଼ିଶାର ବିଭି...
ବାତ୍ୟା ‘ଅର୍ଣ୍ଣବ’ର ପ୍ରଭାବରୁ ଓଡ଼ିଶା ଏବେ...
ଦେଶରେ ବିମାନ ଇନ୍ଧନ ଦର ବୃଦ୍ଧି ଭାରତୀୟ ବିମାନ ଶିଳ୍ପ ପାଇ...
