କେନ୍ଦ୍ରାପଡ଼ା ଜିଲ୍ଲା ପରିଷଦ ସମ୍ମିଳନୀ କକ୍ଷରେ ମଙ୍ଗଳବାର ଜିଲ୍ଲା ବିକାଶ ସମନ୍ୱୟ ଓ ନିରୀକ୍ଷଣ କମିଟି (DDCMC) ବୈଠକ ଅନୁଷ୍ଠିତ ହୋଇଥିଲା। ବୈଠକରେ କେନ୍ଦ୍ରାପଡ଼ା ସାଂସଦ ବୈଯୟନ୍ତ ପଣ୍ଡା ଅଧ୍ୟକ୍ଷତା କରିଥିବା ବେଳେ ଜିଲ୍ଲାର ବିଭିନ୍ନ ବିଭାଗର ଅଧିକାରୀ ଓ ଜନପ୍ରତିନିଧିମାନେ ଯୋଗଦେଇଥିଲେ।
ବୈଠକରେ କେନ୍ଦ୍ର ସରକାରଙ୍କ ବିଭିନ୍ନ କଲ୍ୟାଣମୂଳକ ଯୋଜନା ଏବଂ ଜିଲ୍ଲାରେ ଚାଲୁଥିବା ବିକାଶମୂଳକ ପ୍ରକଳ୍ପଗୁଡ଼ିକର ଅଗ୍ରଗତି ସମୀକ୍ଷା କରାଯାଇଥିଲା। ବିଶେଷକରି ‘ବେଟି ବଚାଓ ବେଟି ପଢାଓ’ ଯୋଜନା, ସମନ୍ୱିତ ଶିଶୁ ବିକାଶ ସେବା (ICDS), ଅଙ୍ଗନୱାଡି କେନ୍ଦ୍ରଗୁଡ଼ିକର ଭିତ୍ତିଭୂମି ବିକାଶ ଓ ସୁଦୃଢ଼ୀକରଣ ଉପରେ ବିସ୍ତୃତ ଆଲୋଚନା ହୋଇଥିଲା।
ସାଂସଦ ବୈଜୟନ୍ତ ପଣ୍ଡା ଅଧିକାରୀମାନଙ୍କୁ ଏହି ଯୋଜନାଗୁଡ଼ିକର କାର୍ଯ୍ୟାନ୍ୱୟନ ତ୍ୱରାନ୍ୱିତ କରିବା ସହ ଅସମ୍ପୂର୍ଣ୍ଣ କାର୍ଯ୍ୟଗୁଡ଼ିକୁ ଶୀଘ୍ର ସମାପ୍ତ କରିବାକୁ ନିର୍ଦ୍ଦେଶ ଦେଇଥିଲେ।
ଏହାଛଡ଼ା ଆଳି ଅଞ୍ଚଳର ମାନପୁର-ଗୋବିନ୍ଦପୁର ସଡ଼କ ପ୍ରକଳ୍ପର ଅଗ୍ରଗତି ସମୀକ୍ଷା କରାଯାଇଥିଲା। ଶିକ୍ଷା, ସ୍ୱାସ୍ଥ୍ୟସେବା, ଜଳ ଜୀବନ ମିଶନ, ପାନୀୟ ଜଳ ଯୋଗାଣ ଓ ପରିମଳ ବ୍ୟବସ୍ଥାର ଉନ୍ନତି ଉପରେ ମଧ୍ୟ ଗୁରୁତ୍ୱ ଦିଆଯାଇଥିଲା।
ବୈଠକରେ ଜିଲ୍ଲାପାଳ, ଆଳି ବିଧାୟକ ପ୍ରତାପ ଦେବ, କେନ୍ଦ୍ରାପଡ଼ା ବିଧାୟକ ଗଣେଶ୍ୱର ବେହେରା, ମହାକାଳପଡ଼ା ବିଧାୟକ ଦୁର୍ଗା ପ୍ରସନ୍ନ ନାୟକ ଏବଂ ବିଭିନ୍ନ ବିଭାଗର ବରିଷ୍ଠ ଅଧିକାରୀମାନେ ଉପସ୍ଥିତ ଥିଲେ।
ବୈଠକ ପରେ ସାଂସଦ ବୈଜୟନ୍ତ ପଣ୍ଡା କହିଥିଲେ ଯେ, ଗତ ବୈଠକ ପରଠାରୁ ବିଭିନ୍ନ କ୍ଷେତ୍ରରେ ଭଲ କାର୍ଯ୍ୟ ହୋଇଛି। ଜନପ୍ରତିନିଧିମାନଙ୍କ ଦ୍ୱାରା ଉଠାଯାଇଥିବା ବିଭିନ୍ନ ଆବଶ୍ୟକତାକୁ ନୋଟ୍ କରାଯାଇଛି ଏବଂ ଆସନ୍ତା ତ୍ରୈମାସିକରେ ସେଗୁଡ଼ିକର କାର୍ଯ୍ୟାନ୍ୱୟନ କରାଯିବ।
ସେ ଆହୁରି କହିଥିଲେ ଯେ ବେଟି ବଚାଓ ବେଟି ପଢାଓ କାର୍ଯ୍ୟକ୍ରମରେ ଓଡ଼ିଶା ଓ କେନ୍ଦ୍ରାପଡ଼ା ଜାତୀୟ ହାରଠାରୁ ଭଲ ପ୍ରଦର୍ଶନ କରିଛି। ଆଗାମୀ ଦିନରେ ନୂତନ ଅଙ୍ଗନୱାଡି କେନ୍ଦ୍ର ସ୍ଥାପନ ସହ ପୁରୁଣା କେନ୍ଦ୍ରଗୁଡ଼ିକର ନବୀକରଣ କରାଯିବ।
ଅନ୍ୟପକ୍ଷରେ ଆଳି ବିଧାୟକ ପ୍ରତାପ ଦେବ କହିଥିଲେ ଯେ ICDS ଯୋଜନା ଅଧୀନରେ ଫୋର୍ଟିଫାଇଡ୍ ଚାଉଳ ଯୋଗାଣ ପାଇଁ ବିଧାନସଭାରେ ଦାବି ଉଠାଯାଇଥିଲେ ମଧ୍ୟ ରାଜ୍ୟ ସରକାର ଏପର୍ଯ୍ୟନ୍ତ ଟେଣ୍ଡର ପ୍ରକ୍ରିୟା ଆରମ୍ଭ କରିନଥିବାରୁ ଏହା କାର୍ଯ୍ୟକରୀ ହୋଇପାରିନାହିଁ।
ଇସ୍ଲାମ ଧର୍ମର ପାଞ୍ଚଟି ପ୍ରମୁଖ ସ୍ତମ୍ଭ ମଧ୍ୟରୁ ଗୋଟିଏ ପବ...
ମେଘାଳୟର ଉମରୋଇରେ ମେ ୨୦ରୁ ଆରମ୍ଭ ହୋଇଥିବା ବହୁରାଷ୍ଟ୍ରୀୟ...
ଆମେରିକା ଓ ଇରାନ ମଧ୍ୟରେ ଚାଲିଥିବା ଶାନ୍ତି ଆଲୋଚନାକୁ ନେଇ...
ଇବୋଲା ଭାଇରସ୍‌ ସଂକ୍ରମଣ ନେଇ ବଢ଼ୁଥିବା ଚିନ୍ତା ମଧ୍...
ଇଣ୍ଡୋନେସିଆର ହାଲମାହେରା ଦ୍ୱୀପରେ ଥିବା ମାଉଣ୍ଟ ଡୁକୋନୋ ଜ...
ସାଧାରଣ ଭାବରେ ଚାଲିବାବେଳେ କୌଣସି ଅସୁବିଧା ନଥିଲେ ମଧ୍ୟ,...
ଇରାନ୍ ସହ ସମ୍ଭାବ୍ୟ ଶାନ୍ତି ଚୁକ୍ତିକୁ ନେଇ ଆମେରିକୀୟ ରାଷ...
ଭାରତରେ ଶିଶୁମାନଙ୍କ ମଧ୍ୟରେ ବଢ଼ୁଥିବା ଡାଇବେଟିସ୍‌...
