ଭାରତରେ ଡିଜିଟାଲ୍ ପେମେଣ୍ଟର ବ୍ୟବହାର ଦିନକୁ ଦିନ ବଢ଼ିବାରେ ଲାଗିଛି। ଅଗଷ୍ଟ ମାସରେ UPI ଟ୍ରାଞ୍ଜାକ୍ସନ୍ ସଂଖ୍ୟା ସର୍ବକାଳୀନ ରେକର୍ଡ ଛୁଇଁଛି। ନ୍ୟାସନାଲ୍ ପେମେଣ୍ଟସ୍ କର୍ପୋରେସନ୍ ଅଫ୍ ଇଣ୍ଡିଆ (NPCI) ପ୍ରକାଶ କରିଥିବା ତଥ୍ୟ ଅନୁସାରେ, ଅଗଷ୍ଟରେ UPI ମାଧ୍ୟମରେ ୨୪.୫୧ ବିଲିୟନ୍ ଟ୍ରାଞ୍ଜାକ୍ସନ୍ ହୋଇଥିବା ବେଳେ ଏହାର ମୋଟ ମୂଲ୍ୟ ୨୯.୮୨ ଲକ୍ଷ କୋଟି ଟଙ୍କା ରହିଛି।
ଜୁଲାଇରେ UPI ଟ୍ରାଞ୍ଜାକ୍ସନ୍ ସଂଖ୍ୟା ୨୩.୬୬ ବିଲିୟନ୍ ଥିବା ବେଳେ ଅଗଷ୍ଟରେ ଏହା ୨୪.୫୧ ବିଲିୟନ୍କୁ ବୃଦ୍ଧି ପାଇଛି। ଜୁନ୍ରେ ଏହି ସଂଖ୍ୟା ୨୨.୭୨ ବିଲିୟନ୍ ଏବଂ ମେ’ରେ ୨୩.୨ ବିଲିୟନ୍ ଥିଲା। ଗତବର୍ଷ ଅଗଷ୍ଟର ୧୯.୬୩ ବିଲିୟନ୍ ଟ୍ରାଞ୍ଜାକ୍ସନ୍ ତୁଳନାରେ ଚଳିତବର୍ଷ ଅଗଷ୍ଟରେ ପ୍ରାୟ ୨୨% ବୃଦ୍ଧି ହୋଇଛି।
ଟ୍ରାଞ୍ଜାକ୍ସନ୍ର ମୋଟ ମୂଲ୍ୟ ୨୯.୮୨ ଲକ୍ଷ କୋଟି ଟଙ୍କା ରହିଛି। ତେବେ ଏହା ମେ’ ଓ ଜୁଲାଇ ୨୦୨୬ରେ ରେକର୍ଡ ହୋଇଥିବା ୨୯.୯ ଲକ୍ଷ କୋଟି ଟଙ୍କାଠାରୁ ସାମାନ୍ୟ କମ୍। ଗତବର୍ଷ ଅଗଷ୍ଟର ୨୪.୮୫ ଲକ୍ଷ କୋଟି ଟଙ୍କା ତୁଳନାରେ ଏଥିରେ ପ୍ରାୟ ୨୦% ବାର୍ଷିକ ବୃଦ୍ଧି ହୋଇଛି।
ରକ୍ଷାବନ୍ଧନ ଭଳି ପର୍ବପର୍ବାଣୀ ସମୟରେ ଛୋଟ ମୂଲ୍ୟର ଡିଜିଟାଲ୍ ପେମେଣ୍ଟ ଏବଂ ବ୍ୟକ୍ତିରୁ ବ୍ୟକ୍ତିଙ୍କୁ ଟଙ୍କା ପଠାଇବା ବୃଦ୍ଧି ପାଇବାରୁ UPI କାରବାରରେ ମଧ୍ୟ ବୃଦ୍ଧି ଦେଖାଯାଇଛି। ଆଗାମୀ ପର୍ବ ଋତୁରେ ମଧ୍ୟ ଅନଲାଇନ୍ ସପିଂ, ଉପହାର କିଣା ଓ ଅନ୍ୟାନ୍ୟ ଖର୍ଚ୍ଚ ପାଇଁ UPI ବ୍ୟବହାର ଆହୁରି ବଢ଼ିପାରେ।
ଭାରତ ବାହାରେ ମଧ୍ୟ UPIର ପହଞ୍ଚ ବଢ଼ୁଛି। ବର୍ତ୍ତମାନ ୧୧ଟି ଦେଶରେ UPI ଗ୍ରହଣ କରାଯାଉଛି, ଯେଉଁଥିରେ ଉଜବେକିସ୍ତାନ୍ ସଦ୍ୟତମ ଭାବେ ସାମିଲ ହୋଇଛି।
୨୦୧୬ ଅଗଷ୍ଟ ୨୫ରେ UPI ଆରମ୍ଭ ହୋଇଥିଲା। NPCI ତଥ୍ୟ ଅନୁସାରେ, FY17ରେ UPI ଟ୍ରାଞ୍ଜାକ୍ସନ୍ର ମୂଲ୍ୟ ୦.୦୭ ଲକ୍ଷ କୋଟି ଟଙ୍କା ଥିବା ବେଳେ FY26ରେ ଏହା ପ୍ରାୟ ୩୧୪ ଲକ୍ଷ କୋଟି ଟଙ୍କାରେ ପହଞ୍ଚିଛି। ଅର୍ଥାତ୍ ଏକ ଦଶନ୍ଧି ମଧ୍ୟରେ UPI କାରବାର ମୂଲ୍ୟରେ ୪,୦୦୦ ଗୁଣରୁ ଅଧିକ ବୃଦ୍ଧି ହୋଇଛି।
ଓଡ଼ିଶାକୁ ଅଧିକ ପୁଞ୍ଜିନିବେଶ ଆଣିବା ପାଇଁ ରାଜ୍ୟ ସରକାରଙ୍...
ପୁରୀରେ ମା’ଙ୍କୁ ହତ୍ୟା କରି ତାଙ୍କ ମୃତଦେହକୁ ପ୍ଲା...
ଶିରୋମଣି ଅକାଳୀ ଦଳ (ପୁନର ସୁରଜିତ) ବିଜେପି ସହ ମେଣ୍ଟକୁ ନ...
ଡ଼ିଶା ପାଇଁ ଆସିଛି ଏକ ଗର୍ବର ଖବର। ଭୁବନେଶ୍ୱରସ୍ଥିତ ଲୋକ...
ସୁନ୍ଦରଗଡ଼ ଜିଲ୍ଲା କୋଇଡ଼ା ବ୍ଲକ୍‌ର ଟେନ୍ସା ସହରକୁ...
