ଟାଟା ଗ୍ରୁପ୍ରେ ଏନ୍. ଚନ୍ଦ୍ରଶେଖରନଙ୍କ ପୁନଃନିଯୁକ୍ତିକୁ ନେଇ ଟାଟା ସନ୍ସ ଓ ଟାଟା ଟ୍ରଷ୍ଟସ୍ ମଧ୍ୟରେ ବିବାଦ ଆହୁରି ତୀବ୍ର ହୋଇଛି। ରଏଟର୍ସ ରିପୋର୍ଟ ଅନୁସାରେ, ସେପ୍ଟେମ୍ବର ୨୪ରେ ନୋଏଲ୍ ଟାଟାଙ୍କୁ ପଠାଇଥିବା ଚିଠିରେ ଟାଟା ସନ୍ସ ଚନ୍ଦ୍ରଶେଖରନଙ୍କୁ ଆଉ ୫ ବର୍ଷ ପାଇଁ ଅଧ୍ୟକ୍ଷ ଭାବେ ରଖିବା ନିଷ୍ପତ୍ତିକୁ ବୈଧ ବୋଲି ଦର୍ଶାଇଛି।

AoAକୁ ନେଇ ମୁଖ୍ୟ ବିବାଦ

ବିବାଦର ମୁଖ୍ୟ ପ୍ରସଙ୍ଗ ଟାଟା ସନ୍ସରArticles of Associationର Article 118, 121 ଏବଂ 104(B)ସହ ଜଡ଼ିତ। ନୋଏଲ୍ ଟାଟାଙ୍କ ପକ୍ଷରୁ ଯୁକ୍ତି ରହିଛି ଯେ, ଟାଟା ଟ୍ରଷ୍ଟସ୍ର ନୋମିନି ନିର୍ଦ୍ଦେଶକଙ୍କ ଆବଶ୍ୟକ ସମର୍ଥନ ବିନା ପୁନଃନିଯୁକ୍ତି ନିଷ୍ପତ୍ତି ବୈଧ ହୋଇପାରିବ ନାହିଁ।

ଅନ୍ୟପକ୍ଷରେ ଟାଟା ସନ୍ସ କହିଛି ଯେ Article 118ର ବିଶେଷ ଚୟନ ପ୍ରକ୍ରିୟା ଜଣେନୂଆ ଅଧ୍ୟକ୍ଷଙ୍କ ପ୍ରଥମ ନିଯୁକ୍ତିପାଇଁ ଲାଗୁ ହୁଏ; ବର୍ତ୍ତମାନର ଅଧ୍ୟକ୍ଷଙ୍କ ପୁନଃନିଯୁକ୍ତି ପାଇଁ ଏହା ଲାଗୁ ହୁଏ ନାହିଁ ବୋଲି କମ୍ପାନୀର ମତ।

ତିନିଟି ଆଇନଗତ ମତାମତର ଉଲ୍ଲେଖ

ନିଜ ନିଷ୍ପତ୍ତିକୁ ସମର୍ଥନ କରି ଟାଟା ସନ୍ସ ତିନିଟି ଆଇନଗତ ମତାମତର ଉଲ୍ଲେଖ କରିଛି। ଏଥିରେ ବରିଷ୍ଠ ଆଇନଜୀବୀ ସୁଦୀପ୍ତ ସରକାରଙ୍କ ମତାମତ ସହ ପୂର୍ବତନ CJIୟୁ.ୟୁ. ଲଲିତଏବଂ ପୂର୍ବତନ ସୁପ୍ରିମକୋର୍ଟ ବିଚାରପତିବି.ଏନ୍. ଶ୍ରୀକୃଷ୍ଣଙ୍କ ମତାମତ ସାମିଲ ଅଛି। ଏହି ମତାମତଗୁଡ଼ିକ ବୋର୍ଡର ନିଷ୍ପତ୍ତି ଓ ଚେୟାରମ୍ୟାନଙ୍କ casting voteକୁ ସମର୍ଥନ କରୁଥିବା ଟାଟା ସନ୍ସ କହିଛି।

ଟାଟା ଟ୍ରଷ୍ଟସ୍ର ଅଂଶଧନ

ଟାଟା ଟ୍ରଷ୍ଟସ୍ ପାଖରେ ଟାଟା ସନ୍ସର ପ୍ରାୟ୬୬% ଅଂଶଧନରହିଛି। ଟ୍ରଷ୍ଟସ୍ ପକ୍ଷରୁ କୁହାଯାଇଛି ଯେ ତାଙ୍କ ନୋମିନି ନିର୍ଦ୍ଦେଶକଙ୍କ ଆବଶ୍ୟକ ସମର୍ଥନ ନଥିବାରୁ ଚନ୍ଦ୍ରଶେଖରନଙ୍କ ପୁନଃନିଯୁକ୍ତି ସମ୍ପର୍କିତ ରେଜୋଲୁସନ୍ ବୈଧ ନୁହେଁ। ଟାଟା ସନ୍ସ ଏହି ଯୁକ୍ତିକୁ ଖାରଜ କରିଛି।

ଟାଟା ସନ୍ସର ଲିଷ୍ଟିଂ ମାମଲା ମଧ୍ୟ ଚର୍ଚ୍ଚାରେ

ଚନ୍ଦ୍ରଶେଖରନଙ୍କ ପୁନଃନିଯୁକ୍ତି ବିବାଦ ସହ ଟାଟା ସନ୍ସର ଷ୍ଟକ୍ ମାର୍କେଟ୍ ଲିଷ୍ଟିଂ ପ୍ରସଙ୍ଗ ମଧ୍ୟ ଜଡ଼ିଛି। ସେପ୍ଟେମ୍ବର ୧୧ରେ RBI ଟାଟା ସନ୍ସରCIC/NBFC ପଞ୍ଜୀକରଣ ସମର୍ପଣ ଆବେଦନଖାରଜ କରିଥିଲା। ଏହା ପରେ କମ୍ପାନୀକୁ Upper Layer NBFC ନିୟମ ଅନୁସାରେ ଆଗକୁ ବଢ଼ିବା ଓ ଲିଷ୍ଟିଂ ସମ୍ପର୍କିତ ନିୟମ ପାଳନ କରିବାର ପ୍ରସଙ୍ଗ ଆହୁରି ଗୁରୁତ୍ୱ ପାଇଛି।

ଏହିପରି ଚନ୍ଦ୍ରଶେଖରନଙ୍କ ପୁନଃନିଯୁକ୍ତି, ବୋର୍ଡର ଭୋଟିଂ ପ୍ରକ୍ରିୟା ଓ ଟାଟା ସନ୍ସର ଭବିଷ୍ୟତ ଲିଷ୍ଟିଂକୁ ନେଇ ଟାଟା ଗ୍ରୁପ୍ରେ ଶାସନ ଓ ମାଲିକାନା ସମ୍ପର୍କିତ ପ୍ରଶ୍ନ ଚର୍ଚ୍ଚାରେ ରହିଛି। ଆଗାମୀ ଶେୟରହୋଲ୍ଡର୍ ମିଟିଂରେ ଚନ୍ଦ୍ରଶେଖରନଙ୍କ ଡାଇରେକ୍ଟର ଭାବେ ଜାରି ରହିବା ନେଇ ମଧ୍ୟ ବିଚାର ହେବ ବୋଲି ଟାଟା ସନ୍ସ କହିଛି।