HIV ପ୍ରତିରୋଧ କ୍ଷେତ୍ରରେ ଏକ ନୂଆ ଔଷଧ ନେଇ ଆଶା ସୃଷ୍ଟି ହୋଇଛି।ଲେନାକାପାଭିର (Lenacapavir)ନାମକ ଦୀର୍ଘକାଳୀନ HIV-1 ଔଷଧକୁ ନେଇ ହୋଇଥିବା କ୍ଲିନିକାଲ୍ ଟ୍ରାଏଲ୍ରେ ଏହା ଦିନକୁ ଦିନ ଟାବଲେଟ୍ ଖାଇବା ଅପେକ୍ଷା ଅଧିକ ସୁବିଧାଜନକ ଏବଂ ପ୍ରଭାବଶୀଳ ବିକଳ୍ପ ହୋଇପାରେ ବୋଲି ତଥ୍ୟ ମିଳିଛି।

ଲେନାକାପାଭିର ଏକଦୀର୍ଘକାଳୀନ HIV-1 capsid inhibitor। HIV ଭାଇରସ୍ର capsid ଉପରେ କାମ କରି ଏହା ଭାଇରସ୍ର ଜୀବନଚକ୍ରର ବିଭିନ୍ନ ପର୍ଯ୍ୟାୟକୁ ବାଧା ଦେଇଥାଏ। HIV ପ୍ରତିରୋଧ ପାଇଁ ଏହାର ମୁଖ୍ୟ ବିଶେଷତା ହେଉଛି—ଦୈନିକ ଟାବଲେଟ୍ ବଦଳରେପ୍ରତି ୬ ମାସରେ ଦୁଇଟି ସବକ୍ୟୁଟାନିଅସ୍ ଇଞ୍ଜେକ୍ସନ୍ଦିଆଯାଏ।

PURPOSE 1 ନାମକ Phase III trialରେ ଦକ୍ଷିଣ ଆଫ୍ରିକା ଓ ଉଗାଣ୍ଡାର୨,୧୩୪ ଜଣ କିଶୋରୀ ଓ ଯୁବତୀଲେନାକାପାଭିର ନେଇଥିଲେ। ଏହି ଗ୍ରୁପ୍ରେ ଗୋଟିଏ ବି HIV ସଂକ୍ରମଣ ଦେଖାଯାଇନଥିଲା। ତେବେ ଏହି ୧୦୦% ଫଳାଫଳକୁ ଟ୍ରାଏଲ୍ରେ ଦେଖାଯାଇଥିବା ଫଳାଫଳ ଭାବେ ବୁଝିବା ଉଚିତ; ଏହା ପ୍ରତ୍ୟେକ ବ୍ୟକ୍ତିଙ୍କର HIV ସଂକ୍ରମଣ ସମ୍ଭାବନା ସମ୍ପୂର୍ଣ୍ଣ ଶୂନ କରିଦେବ ବୋଲି ଅର୍ଥ ନୁହେଁ।

ସେହିପରି PURPOSE 2 trialରେ୨,୧୭୯ ଜଣଲେନାକାପାଭିର ନେଇଥିବା ଗ୍ରୁପ୍ରେ ଦୁଇଟି HIV ସଂକ୍ରମଣ ଦେଖାଯାଇଥିଲା। ଅଧ୍ୟୟନ ଅନୁସାରେ, ଏହି ରେଜିମେନ୍ background incidence ତୁଳନାରେ HIV ସଂକ୍ରମଣକୁ ପ୍ରାୟ୯୬% କମାଇଥିଲାଏବଂ ଦୈନିକ oral Truvada ତୁଳନାରେ ଅଧିକ ପ୍ରଭାବଶାଳୀ ଥିଲା।

ବିଶେଷଜ୍ଞମାନଙ୍କ ମତରେ, ଦୈନିକ ଔଷଧ ନେବା ଭୁଲିଯିବା, ଗୋପନୀୟତା, ଷ୍ଟିଗ୍ମା କିମ୍ବା ଦୀର୍ଘ ସମୟ ଧରି ଟାବଲେଟ୍ ନେବାର ଅସୁବିଧା ଥିବା ଲୋକଙ୍କ ପାଇଁ ଛଅ ମାସରେ ଥରେ ଇଞ୍ଜେକ୍ସନ୍ ଏକ ବିକଳ୍ପ ହୋଇପାରେ। ତଥାପି PrEP ଆରମ୍ଭ କରିବା ପୂର୍ବରୁ HIV-negative status ନିଶ୍ଚିତ କରିବା ଏବଂ ନିୟମିତ ଟେଷ୍ଟିଂ ଆବଶ୍ୟକ।

ଭାରତରେ ମଧ୍ୟ ଲେନାକାପାଭିରକୁ ନେଇ ଗୁରୁତ୍ୱ ବଢ଼ିଛି। CDSCOର ଏକ ବିଶେଷଜ୍ଞ କମିଟି ଦୁଇଟି ଭାରତୀୟ ଔଷଧ କମ୍ପାନୀକୁ HIV prevention ପାଇଁ generic lenacapavir ଉତ୍ପାଦନ ନିମନ୍ତେ ସ୍ଥାନୀୟ Phase III trial ଓ bioequivalence study ସମ୍ପର୍କିତ କିଛି ଆବଶ୍ୟକତାରୁ ଛାଡ଼ ଦେବାକୁ ସୁପାରିଶ କରିଛି। ତେବେ ଏହା ସହିତ post-marketing Phase IV study କରିବାର ସର୍ତ୍ତ ମଧ୍ୟ ରହିଛି।