ବ୍ରହ୍ମପୁରର ଚର୍ଚ୍ଚିତ ବ୍ୟବସାୟୀ ସୁଧୀର ପାତ୍ର ହତ୍ୟାକାଣ୍ଡରେ ତଦନ୍ତ ଆଗକୁ ବଢ଼ୁଥିବା ବେଳେ ନୂଆ ନୂଆ ତଥ୍ୟ ସାମ୍ନାକୁ ଆସୁଛି। ନୂତନ CCTV ଫୁଟେଜ ଓ କ୍ରାଇମ ସିନ୍ ପୁନର୍ନିର୍ମାଣ ସମୟରେ ମିଳିଥିବା ଖୁଲାସା ଏହି ହତ୍ୟାକାଣ୍ଡକୁ ନେଇ ଅନେକ ଗୁରୁତ୍ୱପୂର୍ଣ୍ଣ ସୂତ୍ର ଦେଇଛି।
ସୂଚନା ଅନୁଯାୟୀ, ଏପ୍ରିଲ ୧୫ ତାରିଖ ସନ୍ଧ୍ୟା ପ୍ରାୟ ୬ଟା ୩୦ରେ ସୁଧୀର ପାତ୍ର ଭଲିବଲ ଗ୍ରାଉଣ୍ଡରୁ ଘରକୁ ଫେରୁଥିବା ବେଳେ ଗୋଟିଏ ଚାରିଚକିଆ ଗାଡ଼ି ତାଙ୍କୁ ପିଛା କରୁଥିବା CCTVରେ ଧରାପଡ଼ିଛି। ଅଭିଯୁକ୍ତମାନେ ସେହି ଗାଡ଼ିରେ ଥିବା ଓ କିଛି ଦୂର ପର୍ଯ୍ୟନ୍ତ ପିଛା କରିବା ପରେ ତାଙ୍କୁ ଅପହରଣ କରିଥିବା ସନ୍ଦେହ କରାଯାଉଛି।
ଏହି ଘଟଣାରେ କାଲୁ ପ୍ରଧାନଙ୍କ ନାମ ଆସିଥିବାବେଳେ ସେ ସୁଧୀରଙ୍କ ଭାଉଜୀ ନିବେଦିତାଙ୍କ ପ୍ରେମିକ ବୋଲି କୁହାଯାଉଛି। ଏହି ସଢ଼ଯନ୍ତ୍ର ପୂର୍ବ ପରିକଳ୍ପିତ ଥିବା ସନ୍ଦେହ ପ୍ରକାଶ ପାଇଛି।
ଅନ୍ୟପଟେ ତଦନ୍ତ ସମୟରେ ଜଣାପଡ଼ିଛି ଯେ ଏହି ହତ୍ୟାକାଣ୍ଡରେ ଦୁଇଟି ଆଗ୍ନେୟାସ୍ତ୍ର ବ୍ୟବହାର ହୋଇଥିଲା। ଅଭିଯୁକ୍ତମାନେ ସେଗୁଡ଼ିକୁ ବୁଗୁଡ଼ାର ବାଘୁଆ ଡ୍ୟାମରେ ଫିଙ୍ଗି ଦେଇଥିବା ପୁଲିସ ଆଗରେ କ୍ରାଇମ ସିନ୍ ରିକ୍ରିଏସନ ବେଳେ ସୂର୍ଯ୍ୟ ପ୍ରତାପ ସିଂହ ଓରଫ ଗୋଲୁ ସ୍ୱୀକାର କରିଥିବା ସୂଚନା ମିଳିଛି।
ତଦନ୍ତରୁ ଆଉ ଜଣାପଡ଼ିଛି ଯେ ସୁଧୀରଙ୍କ ମୁଣ୍ଡରେ ବନ୍ଦୁକ ଲଗାଇ ଧମକ ଦିଆଯାଇଥିଲା ଏବଂ ତାହାର ଭିଡିଓ ପରିବାରକୁ ପଠାଯାଇଥିଲା। ଏହା ମାମଲାକୁ ଆହୁରି ସେନ୍ସିଟିଭ କରିଛି।
ପୁଲିସ ବର୍ତ୍ତମାନ ହତ୍ୟାରେ ବ୍ୟବହୃତ ଅସ୍ତ୍ର ଖୋଜାରେ ତଲାଶି ଜାରି ରଖିଛି ଓ ମାମଲାର ଅଧିକ ଖୁଲାସା ପାଇଁ ତଦନ୍ତ ଜାରି ରହିଛି।
ଦେଶରେ ପୁନର୍ବାର ପେଟ୍ରୋଲ ଓ ଡିଜେଲ ଦର ବୃଦ୍ଧି ପାଇଛି। ପେ...
ହଙ୍ଗେରୀରେ ଏକ ଚାଞ୍ଚଲ୍ୟକର ଏବଂ ଅତ୍ୟନ୍ତ ଅସ୍ୱାଭାବିକ ମାମ...
ଆପଣ ଯଦି ୧୦ ଲକ୍ଷ ଟଙ୍କାରୁ ଅଧିକ ଦାମର କାର କିଣିଛନ୍ତି, ତ...
ଓଡ଼ିଶାର ଗଣପର୍ବ ରଜ ଆସିଲେ ଘରେ ଘରେ ଦୋଳି ଖେଳର ଉତ୍ସାହ ଦ...
ଭୁବନେଶ୍ୱରର ନଖରା-ସୁନ୍ଦରପୁର ମୁଖ୍ୟ ରାସ୍ତା ନିକଟସ୍ଥ ଏକ...
ରାଜ୍ୟରେ ଦକ୍ଷିଣ-ପଶ୍ଚିମ ମୌସୁମୀ ବାୟୁର ଅଗ୍ରଗତି ସମ୍ପୂର୍...
ଆସନ୍ତା ଖରିଫ ଋତୁକୁ ଦୃଷ୍ଟିରେ ରଖି କେନ୍ଦ୍ର ସରକାର ଏଲ୍ ନ...
ଓଡ଼ିଶାବାସୀଙ୍କୁ ଖରା ଓ ଗରମରୁ କିଛିଟା ଆଶ୍ୱସ୍ତି ମ...
ଡିଜିଟାଲ୍ ପେମେଣ୍ଟ୍ କମ୍ପାନୀ ପେଟିଏମ୍ର ଶେୟର ଦର ଆଜି ଶେୟ...
ଦକ୍ଷିଣ-ପଶ୍ଚିମ ମୌସୁମୀର ଆଗମନ ଏବଂ ପ୍ରବଳ ଗ୍ରୀଷ୍ମ ପ୍ରବା...
ଝାଡ଼ଖଣ୍ଡର ଧନବାଦ ଜିଲ୍ଲାରୁ ଏକ ହୃଦୟବିଦାରକ ଏବଂ ଚାଞ୍ଚଲ୍...
ପୁଣେର ରିୟଲ ଇଷ୍ଟେଟ ବ୍ୟବସାୟୀ କେତନ ଅଗ୍ରୱାଲ ହତ୍ୟା ମାମଲ...
