ଶ୍ରୀଲଙ୍କା ବିପକ୍ଷ ଆଗାମୀ ୨ ମ୍ୟାଚ୍ ବିଶିଷ୍ଟ ଟେଷ୍ଟ ସିରିଜ୍ ଭାରତୀୟ ଅଧିନାୟକଶୁବମନ ଗିଲ୍ଙ୍କ ପାଇଁ ଐତିହାସିକ ହୋଇପାରେ।ବିଶ୍ୱ ଟେଷ୍ଟ ଚାମ୍ପିଅନସିପ୍ରେ ୩୦୦୦ ରନ୍ ପୂରଣ କରିବାରେ ଗିଲ୍ ପ୍ରଥମ ଭାରତୀୟ ହେବାର ସୁଯୋଗ ପାଇଛନ୍ତି।

ଗିଲ୍ ଏପର୍ଯ୍ୟନ୍ତ WTCରେ୪୦ଟି ଟେଷ୍ଟ ଖେଳି ୨୮୪୩ ରନ୍ସଂଗ୍ରହ କରିଛନ୍ତି। ୩୦୦୦ ରନ୍ର ମାଇଲଷ୍ଟୋନ୍ ଛୁଇଁବା ପାଇଁ ତାଙ୍କୁ ଆଉ୧୫୭ ରନ୍ଆବଶ୍ୟକ। ଏହି ତାଲିକାରେ ଗିଲ୍ଙ୍କ ପଛକୁ ରିଷଭ ପନ୍ତ୨୭୮୦ ରନ୍ଏବଂ ରୋହିତ ଶର୍ମା୨୭୧୬ ରନ୍ସହ ରହିଛନ୍ତି।

WTC ଇତିହାସରେ ସର୍ବାଧିକ ରନ୍ର ରେକର୍ଡ ଇଂଲଣ୍ଡରଜୋ ରୁଟ୍ଙ୍କନାମରେ ରହିଛି। ସେ ୬୬୫୧ ରନ୍ କରିଛନ୍ତି। ଅଷ୍ଟ୍ରେଲିଆର ଷ୍ଟିଭ୍ ସ୍ମିଥ୍ ୪୫୬୪ ରନ୍ ସହ ଦ୍ୱିତୀୟ ସ୍ଥାନରେ ଅଛନ୍ତି।

୨୦୨୫-୨୭ WTC ଚକ୍ରରେ ମଧ୍ୟ ବଡ଼ ରେକର୍ଡ

ଚଳିତ୨୦୨୫-୨୭ WTC ଚକ୍ରରେ ଗିଲ୍ ୯୫୦ ରନ୍କରିସାରିଛନ୍ତି। ଆଉ ୫୦ ରନ୍ କଲେ ସେ ଏହି ଚକ୍ରରେ ୧୦୦୦ ରନ୍ ପୂରଣ କରିବାରେ ପ୍ରଥମ ଭାରତୀୟ ହୋଇପାରନ୍ତି।

ଚୂଡ଼ାନ୍ତ ଏକାଦଶକୁ ନେଇ ସସ୍ପେନ୍ସ

ଶ୍ରୀଲଙ୍କା ବିପକ୍ଷ ପ୍ରଥମ ଟେଷ୍ଟ ପାଇଁ ଭାରତୀୟ ଦଳର ଚୂଡ଼ାନ୍ତ ଏକାଦଶକୁ ନେଇ ମଧ୍ୟ ଚର୍ଚ୍ଚା ଜୋର ଧରିଛି। ରବିଚନ୍ଦ୍ରନ ଅଶ୍ୱିନ ଟେଷ୍ଟରୁ ଅବସର ନେଇଥିବା ବେଳେ ୱାଶିଂଟନ ସୁନ୍ଦର ଆହତ ଥିବାରୁ ସ୍ପିନ୍ ବିଭାଗରେ ନୂଆ ସମୀକରଣ ଦେଖିବାକୁ ମିଳିପାରେ।

ରବୀନ୍ଦ୍ର ଜାଡେଜା ଓ କୁଲଦୀପ ଯାଦବଙ୍କ ସହ ଯୁବ ବାମହାତୀ ସ୍ପିନରମାନବ ସୁଥାରଖେଳିବାର ସମ୍ଭାବନା ନେଇ ମଧ୍ୟ ଆଲୋଚନା ହେଉଛି। ତୃତୀୟ ସ୍ପିନର ଭାବେ ମାନବ ସୁଥାର କିମ୍ବା ସାରାଂଶ ଜୈନଙ୍କ ମଧ୍ୟରୁ କାହାକୁ ସୁଯୋଗ ମିଳିବ, ତାହା ଉପରେ ନଜର ରହିଛି।