ଲଗାତାର ବର୍ଷା ମଧ୍ୟରେ ଝାରସୁଗୁଡ଼ା ଜିଲ୍ଲାରେ ଏକ ବଡ଼ ଅଘଟଣ ଅଳ୍ପକେ ଟଳିଯାଇଛି। ସୋମବାର ଲଖନପୁର ବ୍ଲକ ଅନ୍ତର୍ଗତ ଆଦର୍ଶ ବିଦ୍ୟାଳୟ ନିକଟରେ ଛାତ୍ରଛାତ୍ରୀଙ୍କୁ ନେଇ ସ୍କୁଲକୁ ଯାଉଥିବା ଏକ ସ୍କୁଲ ବସ୍ କାଦୁଅ ରାସ୍ତାରେ ଫସିଯାଇଥିଲା।
ସୂଚନା ଅନୁସାରେ, ଲଗାତାର ବର୍ଷା ଯୋଗୁଁ ବିଦ୍ୟାଳୟକୁ ଯାଉଥିବା ଅସ୍ଥାୟୀ ମାଟି ରାସ୍ତା ସମ୍ପୂର୍ଣ୍ଣ କାଦୁଅରେ ପରିଣତ ହୋଇଥିଲା। ଫଳରେ ବସ୍ର ଚକ କାଦୁଅରେ ଧସିଯିବାରୁ ଗାଡ଼ିଟି ମଝି ରାସ୍ତାରେ ଅଟକି ଯାଇଥିଲା।
ପରିସ୍ଥିତିର ଗୁରୁତ୍ୱ ବୁଝି ତୁରନ୍ତ ବସ୍ରେ ଥିବା ସମସ୍ତ ଛାତ୍ରଛାତ୍ରୀଙ୍କୁ ସୁରକ୍ଷିତ ଭାବେ ତଳକୁ ଓହ୍ଲାଇ ଦିଆଯାଇଥିଲା। ଏହି ଘଟଣାରେ କୌଣସି ଛାତ୍ରଛାତ୍ରୀ ଆହତ ହୋଇନଥିବା ସୂଚନା ମିଳିଛି।
ସ୍ଥାନୀୟ ସୂତ୍ରରୁ ପ୍ରକାଶ, ବିଦ୍ୟାଳୟକୁ ସଂଯୋଗ କରୁଥିବା ମୁଖ୍ୟ ରାସ୍ତାରେ ଏକ କଲଭର୍ଟ ନିର୍ମାଣ କାମ ଚାଲିଥିବାରୁ ସ୍କୁଲ ବସ୍ ଅସ୍ଥାୟୀ ମାଟି ରାସ୍ତା ଦେଇ ଯାତାୟାତ କରୁଥିଲା। କିନ୍ତୁ ଗତ କିଛି ଦିନର ଲଗାତାର ବର୍ଷାରେ ଏହି ରାସ୍ତା ପିଚ୍ଛିଳ ଓ ଦୁର୍ବଳ ହୋଇପଡ଼ିଥିବାରୁ ବସ୍ଟି କାଦୁଅରେ ଫସିଯାଇଥିଲା।
ଘଟଣା ପରେ ବର୍ଷା ଋତୁରେ ସ୍କୁଲକୁ ଯାଉଥିବା ଛାତ୍ରଛାତ୍ରୀଙ୍କ ସୁରକ୍ଷାକୁ ନେଇ ପୁଣିଥରେ ପ୍ରଶ୍ନ ଉଠିଛି। ସ୍ଥାନୀୟ ଲୋକମାନେ ବିଦ୍ୟାଳୟକୁ ଯିବା ରାସ୍ତାର ଶୀଘ୍ର ମରାମତି ଓ ସୁରକ୍ଷିତ ଯାତାୟାତ ବ୍ୟବସ୍ଥା କରିବାକୁ ଦାବି କରିଛନ୍ତି।
ୟୁରୋପ: ୟୁରୋପରେ ବିମାନ ଯାତ୍ରାକୁ ନେଇ ଦେଖାଦେଇଛି ଆତଙ୍କ।...
ନୂଆଦିଲ୍ଲୀ: IPL ୨୦୨୭ ପାଇଁ ଦଳ ଗଠନ ପ୍ରକ୍ରିୟା ଆରମ୍ଭ ହେ...
ଛତ୍ରପୁର: ପାର୍ବଣ ଋତୁ ପୂର୍ବରୁ ବେଆଇନ ବାଣ କାରବାର ଉପରେ...
ମଧ୍ୟପ୍ରାଚ୍ୟରେ ଜାରି ରହିଥିବା ଯୁଦ୍ଧ ଓ ଉତ୍ତେଜନା ମଧ୍ୟରେ...
କୋହଲିଙ୍କ ବ୍ୟାଟିଂରେ ମୁଗ୍ଧ ରବି ଶାସ୍ତ୍ରୀ, କହିଲେ&ndash...
ଭାରତରେ ରହୁଥିବା କିଛି ବର୍ଗର ବିଦେଶୀ ନାଗରିକଙ୍କୁ ବଡ଼ ଆଶ...
ଭୁବନେଶ୍ୱର: ଆର୍ଥିକ ଠକେଇ ମାମଲାରେ ED ଚଢ଼ାଉ ଚାଲିଥିବା ବ...
ନବରଙ୍ଗପୁର: ମଶାଣିରେ ଅମାନବୀୟ ଓ ଚାଞ୍ଚଲ୍ୟକର ଘଟଣା। ସମାଧ...
