ରାଉରକେଲା ସର୍କିଟ୍ ହାଉସ୍ରୁ ବନ୍ଧୁକ ଓ ଗୁଳି ଜବତ ଘଟଣାର ତଦନ୍ତକୁ ନେଇ ଚର୍ଚ୍ଚା ଜାରି ରହିଛି। ମାମଲାର ମୁଖ୍ୟ ଅଭିଯୁକ୍ତ ପ୍ରକାଶ ପାଶୱାନଙ୍କୁ ବିହାରରୁ ଗିରଫ କରାଯିବା ପରେ ପୁଲିସ ତାଙ୍କୁ ଦୁଇ ଦିନ ଧରି ପଚରାଉଚରା କରିଛି। ପଚରାଉଚରା ସମୟରେ ସେ କିଛି ଭ୍ରମାତ୍ମକ ତଥ୍ୟ ଦେଇଥିବା ପୁଲିସ ସୂତ୍ରରୁ ଜଣାପଡ଼ିଛି। ଆବଶ୍ୟକ ହେଲେ ତାଙ୍କୁ ପୁଣି ରିମାଣ୍ଡରେ ନେଇ ପଚରାଉଚରା କରାଯାଇପାରେ।
ପାଶୱାନଙ୍କ ଗିରଫ ପରେ ଏହି ମାମଲାରେ ମୋଟ ଗିରଫଦାରୀ ସଂଖ୍ୟା ୧୨ରେ ପହଞ୍ଚିଛି। ସେହିପରି ରାଉରକେଲା ସହରରେ ପାଶୱାନଙ୍କ ବିରୋଧରେ ରୁଜୁ ମାମଲା ସଂଖ୍ୟା ୨୦କୁ ବୃଦ୍ଧି ପାଇଛି।
ଏପଟେ ଜନ୍ ନାୟକ ଓ ଅମିତ ନାୟକଙ୍କୁ ଦୁଇ ଦିନିଆ ରିମାଣ୍ଡରେ ନେବାକୁ ପୁଲିସ କୋର୍ଟରେ ଆବେଦନ କରିଛି। ରବିବାର ଏନେଇ କୋର୍ଟରୁ କୌଣସି ନିଷ୍ପତ୍ତି ମିଳିନଥିବାରୁ ସୋମବାର ପୁଲିସ ପୁଣି ରିମାଣ୍ଡ ଆବେଦନ କରିବା ସମ୍ଭାବନା ରହିଛି।
ଅନ୍ୟପଟେ, ପ୍ରକାଶ ପାଶୱାନଙ୍କ ସହ ସମ୍ପୃକ୍ତ ଅନ୍ୟ ଏକ ଘଟଣାରେ ଦୁର୍ଗାପୁର ସଂରକ୍ଷିତ ଜଙ୍ଗଲ ଭିତରେ ଥିବା ତାଙ୍କ କାର୍ଯ୍ୟାଳୟକୁ ବନ ବିଭାଗ ସିଲ୍ କରିଛି। କାର୍ଯ୍ୟାଳୟଟି ବେଆଇନ ଭାବେ ନିର୍ମାଣ ହୋଇଥିବା ବିଭାଗ ଅଭିଯୋଗ କରିଛି। ଅଗଷ୍ଟ ୩୧ ସୁଦ୍ଧା ଏନେଇ ସ୍ପଷ୍ଟୀକରଣ ଦେବାକୁ ପାଶୱାନଙ୍କୁ ନିର୍ଦ୍ଦେଶ ଦିଆଯାଇଛି। ନିର୍ଦ୍ଧାରିତ ସମୟରେ ଉତ୍ତର ନମିଳିଲେ କାର୍ଯ୍ୟାଳୟ ଭାଙ୍ଗି ଦିଆଯାଇପାରେ।
ତେବେ ସର୍କିଟ୍ ହାଉସ୍ ଘଟଣାକୁ ନେଇ ପାଶୱାନ ପୂର୍ବରୁ ସର୍କିଟ୍ ହାଉସ୍ରରିକ୍ୱିଜିସନ୍ ରେଜିଷ୍ଟର ଓ CCTV ଫୁଟେଜ୍ ସାର୍ବଜନୀନ କରିବାକୁ ଦାବିକରିଥିଲେ।
ପାଶୱାନଙ୍କ କହିବା ଅନୁଯାୟୀ, ଗତ ମାସର ୨୧, ୨୨ ଓ ୨୩ ତାରିଖରେ ତାଙ୍କର ଦୁଇ ଜଣ ବନ୍ଧୁ ଭୁବନେଶ୍ୱରରୁ ଆସିଥିଲେ। ସେମାନଙ୍କ ନାମରେ ସର୍କିଟ୍ ହାଉସ୍ ବୁକିଂ ହୋଇଥିଲା। ସେମାନେ ସେଠାରେ ରହିବା ସହ ନିୟମ ଅନୁସାରେ ରହଣି ଓ ଖାଦ୍ୟର ବିଲ୍ ପୈଠ କରିଥିଲେ। ପରେ ଚାବି ହସ୍ତାନ୍ତର କରି ସେମାନେ ଚାଲିଯାଇଥିଲେ। ଏହି ଘଟଣା ସହ ନିଜର କୌଣସି ସମ୍ପର୍କ ନଥିବା ପାଶୱାନ ଦାବି କରିଛନ୍ତି।
ମୁମ୍ବାଇ: ମହାରାଷ୍ଟ୍ରରେ ନବରାତ୍ରି ପୂର୍ବରୁ ଗର୍ବା ଓ ଡାଣ...
ପାକିସ୍ତାନରେ ନୂଆ ପ୍ରଦେଶ ଗଠନ ଓ ପ୍ରଦେଶ ବିଭାଜନକୁ ନେଇ ର...
କନ୍ନଡ ଅଭିନେତା ଶିବ ରାଜକୁମାର ହିନ୍ଦୀକୁ ‘ଜାତୀୟ ଭ...
ନୂଆଦିଲ୍ଲୀ:ବିମାନ ଯାତ୍ରୀଙ୍କ ପାଇଁ ଆସିଛି ଚିନ୍ତାଜନକ ଖବର...
ବଲୁଚିସ୍ତାନରେ ପାକିସ୍ତାନୀ ସେନା ଓ ବଲୋଚ ବିଦ୍ରୋହୀଙ୍କ ମଧ...
ଆମେରିକା ଓ ଚୀନ୍‌ ମଧ୍ୟରେ କୃତ୍ରିମ ବୁଦ୍ଧିମତ୍ତା (A...
ନୂଆଦିଲ୍ଲୀ:କ୍ୟାରିୟରର ପ୍ରଥମ ପାହାଚ ଜୀବନର ଶେଷ ଗନ୍ତବ୍ୟ...
ନୂଆଦିଲ୍ଲୀ:Air Indiaରେ ଆହୁରି ପୁଞ୍ଜି ନିବେଶ କରିବା ପୂର...
ବୁଲଗେରିଆର ଭବିଷ୍ୟଦ୍ରଷ୍ଟା ବାବା ଭେଙ୍ଗାଙ୍କ ନାମରେ ୨୦୨୭କ...
ତାମିଲନାଡୁ ରାଜନୀତିରେ ସିନେମା ଓ ରାଜନୀତିର ସମ୍ପର୍କ ନୂଆ...
ମନି ଲଣ୍ଡରିଂ ମାମଲାକୁ ନେଇ ତୃଣମୂଳ କଂଗ୍ରେସର ରାଜ୍ୟସଭା ସ...
ନୂଆଦିଲ୍ଲୀ:ଭାରତର ଏୟାରପୋର୍ଟ ଓ ବିମାନ ଭିତ୍ତିଭୂମି କ୍ଷେତ...
