ଓଡ଼ିଶା ବିଧାନସଭାରେ ସୋମବାର ରାଜ୍ୟସଭା ନିର୍ବାଚନ ପାଇଁ ଭୋଟଗ୍ରହଣ ଆରମ୍ଭ ହୋଇଛି। ବିଧାନସଭା ପରିସରର କକ୍ଷ ସଂଖ୍ୟା ୫୪ରେ ଭୋଟଦାନ ପ୍ରକ୍ରିୟା ଚାଲିଛି। ସକାଳ ୯ଟାରୁ ଭୋଟଗ୍ରହଣ ଆରମ୍ଭ ହୋଇଥିବା ବେଳେ ସନ୍ଧ୍ୟା ୪ଟା ପର୍ଯ୍ୟନ୍ତ ଭୋଟଦାନ ଚାଲିବ ଏବଂ ସନ୍ଧ୍ୟା ୫ଟାରୁ ମତଗଣନା ଆରମ୍ଭ ହେବ ବୋଲି ସୂଚନା ମିଳିଛି।
ଏକମାତ୍ର ରାଜ୍ୟସଭା ଆସନ ପାଇଁ ହେଉଥିବା ଏହି ନିର୍ବାଚନକୁ ନେଇ ରାଜ୍ୟରେ ରାଜନୈତିକ ଗତିବିଧି ବେଶ ତୀବ୍ର ହୋଇଛି। ମୁଖ୍ୟ ଦଳଗୁଡ଼ିକର ନେତା ଓ ବିଧାୟକମାନେ ବିଧାନସଭାରେ ପହଞ୍ଚି ଭୋଟଦାନ କରୁଛନ୍ତି।
ଭୋଟଗ୍ରହଣ ପୂର୍ବରୁ ବିଭିନ୍ନ ଦଳରେ ରାଜନୈତିକ ଚଞ୍ଚଳତା ଦେଖାଦେଇଥିଲା। ଖବର ଅନୁସାରେ କଂଗ୍ରେସ ନେତାମାନେ ବେଙ୍ଗାଲୁରୁରୁ ଫେରି ଓଡ଼ିଶାକୁ ପହଞ୍ଚିଥିଲେ। ସେହିପରି BJD ନେତାମାନେ ନବୀନ ନିବାସରେ ରାତି କାଟିଥିବା ବେଳେ BJP ନେତାମାନେ ପାରାଦୀପରୁ ଫେରିଥିଲେ।
ରାଜ୍ୟକୁ ଫେରିବା ପରେ କଂଗ୍ରେସ ନେତାମାନେ ରାମଚନ୍ଦ୍ର କାଦମଙ୍କ ନିବାସକୁ ଯାଇଥିବା ସୂଚନା ମିଳିଛି।
ଭୋଟଗ୍ରହଣ ଆରମ୍ଭ ପୂର୍ବରୁ ମୁଖ୍ୟମନ୍ତ୍ରୀ ମୋହନ ମାଝି, ରେଭେନ୍ୟୁ ମନ୍ତ୍ରୀ ସୁରେଶ ପୂଜାରୀ, ସ୍ୱାସ୍ଥ୍ୟ ମନ୍ତ୍ରୀ ମୁକେଶ ମହାଲିଙ୍ଗ, ବିଧାୟକ ସିଦ୍ଧାନ୍ତ ମହାପାତ୍ର ଓ BJD ନେତ୍ରୀ ପ୍ରମିଳା ମଲ୍ଲିକ ଆଦି ବିଧାନସଭାରେ ପହଞ୍ଚିଥିଲେ।
ସୂତ୍ରମାନଙ୍କ ଅନୁସାରେ BJD ବିଧାୟକମାନେ ପର୍ଯ୍ୟାୟକ୍ରମେ ବିଧାନସଭାକୁ ପହଞ୍ଚିବେ ଏବଂ ଏକ ସମୟରେ ଚାରିରୁ ପାଞ୍ଚ ଜଣ ବିଧାୟକ ଆସିବାର ବ୍ୟବସ୍ଥା ରହିଛି।
ଏହି ମଧ୍ୟରେ BJD ପକ୍ଷରୁ ସସ୍ପେଣ୍ଡ ହୋଇଥିବା ଦୁଇ ବିଧାୟକ ସନାତନ ମହାକୁଡ଼ ଓ ଅରବିନ୍ଦ ମହାପାତ୍ରଙ୍କୁ ମଧ୍ୟ ନୋଟିସ ଜାରି କରାଯାଇଛି। ଏହି ଦୁଇଜଣ ବିଧାୟକ BJD ପ୍ରାର୍ଥୀ ଭାବେ ଓଡ଼ିଶା ବିଧାନସଭାକୁ ନିର୍ବାଚିତ ହୋଇଥିଲେ କିନ୍ତୁ ପରେ ଦଳ ବିରୋଧୀ କାର୍ଯ୍ୟକଳାପ ଅଭିଯୋଗରେ ସସ୍ପେଣ୍ଡ ହୋଇଥିଲେ।
ସେହିପରି BJD ତାଙ୍କ ବିଧାୟକମାନଙ୍କୁ ଅନୁମୋଦିତ ପ୍ରାର୍ଥୀଙ୍କ ପକ୍ଷରେ ଭୋଟ ଦେବାକୁ ହ୍ୱିପ୍ ମଧ୍ୟ ଜାରି କରିଛି।
ନୂଆଦିଲ୍ଲୀ:ଜନଗଣନା ୨୦୨୭ ପାଇଁ କେନ୍ଦ୍ର ସରକାର ପ୍ରଶ୍ନପତ୍...
ଭାରତରେ ଚିପ୍ସ, ମିଠା ପାନୀୟ ଓ ଅନ୍ୟାନ୍ୟ ପ୍ୟାକେଜ୍ଡ ଖାଦ୍...
ନୂଆଦିଲ୍ଲୀ:ଭାରତୀୟ ବାୟୁସେନା (IAF) ନିଜର ପରିବହନ ବିମାନ...
ଇଂଲଣ୍ଡ ଓ ପାକିସ୍ତାନ ମଧ୍ୟରେ ଲର୍ଡ୍ସରେ ଚାଲିଥିବା ଟେଷ୍ଟକ...
ଆଲାର୍ମ ବାଜିବା ପୂର୍ବରୁ ସ୍ୱାଭାବିକ ଭାବେ ଉଠିବା ଅନେକଙ୍କ...
‘୧୦୦%’ ଦାବିକୁ ନେଇ ITC Limited ଏବଂ ଭାରତ...
ଶିରୋମଣି ଅକାଳୀ ଦଳ (ପୁନର ସୁରଜିତ) ବିଜେପି ସହ ମେଣ୍ଟକୁ ନ...
ଆମେରିକା ଓ କାନାଡା ମଧ୍ୟରେ ବାଣିଜ୍ୟ ଚୁକ୍ତି ହେବା ନେଇ ଆଶ...
୨୦୨୭ ବିଧାନସଭା ନିର୍ବାଚନ ପୂର୍ବରୁ ଉତ୍ତରପ୍ରଦେଶ, ପଞ୍ଜାବ...
