ରାଜସ୍ଥାନରଶ୍ରୀଗଙ୍ଗାନଗରଜିଲ୍ଲାରେ ଜଣେ୧୩ ବର୍ଷୀୟା ନାବାଳିକାଙ୍କୁ ବନ୍ଦୀ ରଖି ଗଣଦୁଷ୍କର୍ମକରାଯାଇଥିବା ଅଭିଯୋଗକୁ ନେଇ ପ୍ରଶାସନ ପକ୍ଷରୁ କଠୋର କାର୍ଯ୍ୟାନୁଷ୍ଠାନ ଗ୍ରହଣ କରାଯାଇଛି। ମଙ୍ଗଳବାର ବିଳମ୍ବିତ ରାତିରେ ଜିଲ୍ଲା ପ୍ରଶାସନ ଓ ପୋଲିସର ମିଳିତ ଅଭିଯାନରେ ଘଟଣାରେ ବ୍ୟବହୃତ ହୋଇଥିବା୪ଟି ହୋଟେଲକୁ ବୁଲଡୋଜରରେ ଭଙ୍ଗାଯାଇଛି।

ପୋଲିସ ସୂଚନା ଅନୁଯାୟୀ, ନାବାଳିକା ଜୁନ୍ ୧୮ ତାରିଖରୁ ନିଖୋଜ ଥିଲେ। ଅଭିଯୋଗ ହୋଇଛି ଯେ ଜଣେ ରିକ୍ସା ଚାଳକ ତାଙ୍କୁ ଜଣେ ହୋଟେଲ ମାଲିକଙ୍କ ନିକଟକୁ ନେଇଯାଇଥିଲେ। ପରେ ପ୍ରାୟ୫ ଦିନ ଧରି ସହରର ବିଭିନ୍ନ ହୋଟେଲରେ ୩୦ରୁ ଅଧିକ ବ୍ୟକ୍ତି ତାଙ୍କ ସହ ଯୌନ ନିର୍ଯାତନା କରିଥିବାଅଭିଯୋଗ ରହିଛି।

ପୀଡ଼ିତାଙ୍କ ବୟାନ ଅନୁଯାୟୀ, ନିର୍ଯାତନା ସମୟରେ ତାଙ୍କୁ ଜୋରପୂର୍ବକ ମଦ୍ୟପାନ କରାଯାଉଥିଲା। ତଦନ୍ତରେ ହୋଟେଲ ମାଲିକ ଓ ପରିଚାଳକଙ୍କ ସମ୍ପୃକ୍ତି ଥିବା ଅଭିଯୋଗ ମଧ୍ୟ ସାମ୍ନାକୁ ଆସିଛି।

ଘଟଣା ପରେ ସ୍ଥାନୀୟ ଅଞ୍ଚଳରେ ତୀବ୍ର ଜନଆକ୍ରୋଶ ଦେଖାଦେଇଛି। ବେଆଇନ ହୋଟେଲ ଉଚ୍ଛେଦ ସହ ଦୋଷୀଙ୍କ ବିରୋଧରେ କଠୋର ଆଇନଗତ ପଦକ୍ଷେପ ନେବାକୁ ଦାବି ଉଠିଛି। ବିରୋଧୀ ଦଳ ମଧ୍ୟ ପ୍ରଶାସନର ଭୂମିକାକୁ ନେଇ ପ୍ରଶ୍ନ ଉଠାଇଛି।

ପୋଲିସ ଏପର୍ଯ୍ୟନ୍ତ୧୨ ଜଣ ଅଭିଯୁକ୍ତଙ୍କୁ ଗିରଫକରିଥିବା ବେଳେ ଫେରାର ଅଭିଯୁକ୍ତଙ୍କୁ ଧରିବା ପାଇଁ ତଲାସୀ ଜାରି ରଖିଛି। ଜିଲ୍ଲା ପୋଲିସ ଅଧିକ୍ଷକ କହିଛନ୍ତି, ମାମଲାରେ ସଂପୃକ୍ତ ସମସ୍ତଙ୍କ ବିରୋଧରେ କଠୋର ଆଇନଗତ କାର୍ଯ୍ୟାନୁଷ୍ଠାନ ନିଆଯିବ।