ଜୁଲାଇ ୨୦ ତାରିଖରେ ଦିଲ୍ଲୀର ଜନ୍ତର ମନ୍ତରଠାରେ ଆୟୋଜିତ ‘ସଂସଦ ମାର୍ଚ୍ଚ’ ସମୟରେ ଆନ୍ଦୋଳନରତ ଛାତ୍ରମାନଙ୍କୁ ନିୟନ୍ତ୍ରଣ କରିବା ପାଇଁ ରାପିଡ୍ ଆକ୍ସନ୍ ଫୋର୍ସ (ଆରଏଏଫ୍) ଦ୍ୱାରା ଆଣ୍ଟି-ରାଇଅଟ୍ ଗନ୍ ବ୍ୟବହାର କରାଯାଇଥିବା ଘଟଣାକୁ ନେଇ ଦେଶବ୍ୟାପୀ ଚର୍ଚ୍ଚା ଜାରି ରହିଛି।
ପାର୍ଲାମେଣ୍ଟ ଷ୍ଟ୍ରିଟ୍ ଥାନାର ଜେନେରାଲ ଡାଏରୀ ଅନୁଯାୟୀ, ଆରଏଏଫ୍ ପକ୍ଷରୁ ଦୁଇଥର ଆଣ୍ଟି-ରାଇଅଟ୍ ଗନ୍ର ବ୍ୟବହାର କରାଯାଇଥିଲା। ଏହାଛଡ଼ା ୫୫ଟି ନନ୍-ଇଲେକ୍ଟ୍ରିକ୍ ସେଲ୍, ୧୫ଟି ଇଲେକ୍ଟ୍ରିକ୍ ସେଲ୍ ଏବଂ ୫ଟି ଲୁହବୁହା ଗ୍ୟାସ୍ ଗ୍ରେନେଡ୍ ବ୍ୟବହାର କରାଯାଇଥିବା ଉଲ୍ଲେଖ ରହିଛି।
ଦିଲ୍ଲୀ ପୋଲିସର ଜଣେ ଡିସିପି ସ୍ତରୀୟ ଅଧିକାରୀଙ୍କ ନିର୍ଦ୍ଦେଶରେ ଏହି ପଦକ୍ଷେପ ନିଆଯାଇଥିଲା। ଏଥିରେ ବ୍ୟବହୃତ ପ୍ଲାଷ୍ଟିକ୍ ପେଲେଟ୍ ଯୋଗୁଁ ଅନ୍ତତଃ ଚାରି ଜଣ ଆନ୍ଦୋଳନକାରୀ ଆହତ ହୋଇଥିବା ସୂଚନା ମିଳିଛି।
ଘଟଣାକୁ ନେଇ ବିରୋଧୀ ଦଳମାନେ ସଂସଦରେ ଗୃହମନ୍ତ୍ରୀ ଅମିତ ଶାହଙ୍କ ଜବାବ ଦାବି କରିଛନ୍ତି। ଏହାସହ ଆରଏଏଫ୍ର ଆଇଜି ସୀମା ଧୁଣ୍ଡିଆ ଏହି ଘଟଣାରେ ଅତ୍ୟଧିକ ବଳପ୍ରୟୋଗ ହୋଇଥିବା ମନେ କରି ଭବିଷ୍ୟତରେ ଆଣ୍ଟି-ରାଇଅଟ୍ ଗନ୍, ପମ୍ପ ଆକ୍ସନ୍ ଗନ୍, ଇଲେକ୍ଟ୍ରିକ୍ ଶକ୍ ୱେପନ୍ ଏବଂ ଇଲେକ୍ଟ୍ରିକ୍ ସିଲ୍ଡ ବ୍ୟବହାର ଉପରେ ରୋକ୍ ଲଗାଇଥିବା ଜଣାପଡ଼ିଛି।
ଏହି ସମଗ୍ର ଘଟଣାର ବିଭାଗୀୟ ତଦନ୍ତ ଚାଲିଥିବା ବେଳେ, ଆନ୍ଦୋଳନକାରୀଙ୍କ ଉପରେ ପେଲେଟ୍ ଗନ୍ ବ୍ୟବହାରକୁ ସମ୍ପୂର୍ଣ୍ଣ ନିଷିଦ୍ଧ କରିବା ପାଇଁ ପୂର୍ବତନ ଆଇପିଏସ୍ ଅଧିକାରୀ ଜୟବର୍ଦ୍ଧନ ଆଜାଦ ଏବଂ ଆହତ ଆନ୍ଦୋଳନକାରୀମାନେ ସୁପ୍ରିମ୍ କୋର୍ଟରେ ଆବେଦନ କରିଛନ୍ତି।
ମଧ୍ୟପ୍ରାଚ୍ୟରେ ଜାରି ରହିଥିବା ଯୁଦ୍ଧ ଓ ଉତ୍ତେଜନା ମଧ୍ୟରେ...
ନିତେଶ ତିୱାରୀଙ୍କ ବହୁଚର୍ଚ୍ଚିତ ଫିଲ୍ମ ‘ରାମାୟଣ: ର...
ୟୁରୋପ: ୟୁରୋପରେ ବିମାନ ଯାତ୍ରାକୁ ନେଇ ଦେଖାଦେଇଛି ଆତଙ୍କ।...
ଭୁବନେଶ୍ୱର: ଓଡ଼ିଶାରେ ବାତ୍ୟା ଓ ବର୍ଷାକୁ ନେଇ ପୁଣି ବଢ଼ି...
ଭୁବନେଶ୍ୱର: ଆଲୋକର ପର୍ବ ଦୀପାବଳିକୁ ଆଉ ଅଳ୍ପ ଦିନ ବାକି।...
ବହୁ ପ୍ରତୀକ୍ଷାର ଅନ୍ତ ଘଟାଇ ନଭେମ୍ବର ୫ ତାରିଖରେ ପରଦାକୁ...
ୱାଶିଂଟନ୍: ଆମେରିକାର ମଧ୍ୟବର୍ତ୍ତୀ ନିର୍ବାଚନ ପରେ ଡେମୋକ୍...
ପୁରୀ: ପୁରୀ ଶ୍ରୀମନ୍ଦିରରେ ପୁଣି ଏକ ଅଘଟଣ। ମହାପ୍ରଭୁ ଶ୍ର...
