ଓଡ଼ିଶା ଷ୍ଟେଟ୍ ୱେୟାରହାଉସିଂ କର୍ପୋରେସନ୍ (OSWC) ୨୦୨୩-୨୪ ଆର୍ଥିକ ବର୍ଷରେ ଉଲ୍ଲେଖନୀୟ ଲାଭ କରିଛି। କର୍ପୋରେସନ୍ ପକ୍ଷରୁ ଓଡ଼ିଶା ସରକାରଙ୍କୁ୨ କୋଟି ୮୮ ଲକ୍ଷ ୩୭ ହଜାର ୯୧୩ ଟଙ୍କାଡିଭିଡେଣ୍ଡ ପ୍ରଦାନ କରାଯାଇଛି।

ସୋମବାର ସହକାରୀ, ହସ୍ତତନ୍ତ, ବୟନଶିଳ୍ପ ଓ ହସ୍ତଶିଳ୍ପ ମନ୍ତ୍ରୀ ପ୍ରଦୀପ ବଳ ସାମନ୍ତଙ୍କ କାର୍ଯ୍ୟାଳୟରେ ଏହି ଡିଭିଡେଣ୍ଡ ରାଶି ହସ୍ତାନ୍ତର କରାଯାଇଥିଲା। ଏହି ସମୟରେ ସହକାରୀ ବିଭାଗର କମିଶନର-କମ୍-ସଚିବ ରାଜେଶ ପ୍ରଭାକର ପାଟିଲ ଏବଂ OSWCର ପରିଚାଳନା ନିର୍ଦ୍ଦେଶକ ମିହିର ପ୍ରସାଦ ମହାନ୍ତି ଉପସ୍ଥିତ ଥିଲେ।

୧୯.୨୨ କୋଟି ଟଙ୍କା ଲାଭ

ରିପୋର୍ଟ ଅନୁସାରେ, ୨୦୨୩-୨୪ରେ OSWCର ମୋଟ ଲାଭ୧୯ କୋଟି ୨୨ ଲକ୍ଷ ୫୨ ହଜାର ୭୫୧ ଟଙ୍କାରହିଛି। କର୍ପୋରେସନ୍ ଏହାର ଲାଭର ୩୦ ପ୍ରତିଶତ ଅର୍ଥାତ୍୫ କୋଟି ୭୬ ଲକ୍ଷ ୭୫ ହଜାର ୮୨୬ ଟଙ୍କାଡିଭିଡେଣ୍ଡ ଭାବେ ଘୋଷଣା କରିଥିଲା।

OSWCର ଦୁଇ ଅଂଶୀଦାର ହେଉଛନ୍ତି ଓଡ଼ିଶା ସରକାର ଏବଂ ସେଣ୍ଟ୍ରାଲ୍ ୱେୟାରହାଉସିଂ କର୍ପୋରେସନ୍। ଡିଭିଡେଣ୍ଡ ରାଶି ଦୁଇ ଅଂଶୀଦାରଙ୍କ ମଧ୍ୟରେ ସମାନ ଭାବେ ବଣ୍ଟାଯାଇଛି। ଫଳରେ ଉଭୟଙ୍କୁ୨ କୋଟି ୮୮ ଲକ୍ଷ ୩୭ ହଜାର ୯୧୩ ଟଙ୍କାଲେଖାଏଁ ମିଳିଛି।

୩୦ ଜିଲ୍ଲାରେ ୬୮ଟି ଗୋଦାମ

୧୯୫୮ ମସିହାରେ ପ୍ରତିଷ୍ଠିତ OSWCର ମୋଟ ଷ୍ଟୋରେଜ୍ କ୍ଷମତା୫,୨୧,୬୦୦ ମେଟ୍ରିକ୍ ଟନ୍। ରାଜ୍ୟର ସମସ୍ତ ୩୦ଟି ଜିଲ୍ଲାରେ କର୍ପୋରେସନ୍ର୬୮ଟି ଗୋଦାମରହିଛି।

ଗୋଦାମ କ୍ଷମତାର ଉପଯୋଗ ମାଧ୍ୟମରେ OSWC ନିୟମିତ ଭାବେ ଲାଭ କରୁଥିବା ସହ ଏହାର ଦୁଇ ଅଂଶୀଦାରଙ୍କୁ ଡିଭିଡେଣ୍ଡ ପ୍ରଦାନ କରିଆସୁଛି।

୨୦୨୨-୨୩ରେ ଉଭୟ ଅଂଶୀଦାରଙ୍କୁ୮୧,୫୯,୮୪୫ ଟଙ୍କାଲେଖାଏଁ ଡିଭିଡେଣ୍ଡ ମିଳିଥିଲା। ୨୦୨୧-୨୨ରେ ପ୍ରତ୍ୟେକ ଅଂଶୀଦାରଙ୍କୁ୩,୪୦,୬୪,୧୦୫ ଟଙ୍କାଏବଂ ୨୦୧୯-୨୦ ଓ ୨୦୨୦-୨୧ରେ ପ୍ରତ୍ୟେକଙ୍କୁ୪,୩୬,୩୧,୨୫୧ ଟଙ୍କାଲେଖାଏଁ ଡିଭିଡେଣ୍ଡ ପ୍ରଦାନ କରାଯାଇଥିଲା।