ଓଡ଼ିଶା ସରକାରଙ୍କ ଅର୍ଥ ବିଭାଗ ବଦଳି ନିର୍ଦ୍ଦେଶ ଅମାନ୍ୟ କରୁଥିବା ଅଧିକାରୀମାନଙ୍କ ବିରୋଧରେ କଡ଼ା ପଦକ୍ଷେପ ନେଇଛି। ଜୁଲାଇ ୨୦ ସୁଦ୍ଧା ନୂତନ କର୍ମସ୍ଥଳରେ ଯୋଗ ନଦେଲେ ସେମାନଙ୍କ ଦରମା ବନ୍ଦ କରାଯିବା ସହ ସରକାରୀ ନିୟମ ଅନୁସାରେ ଶୃଙ୍ଖଳାଗତ କାର୍ଯ୍ୟାନୁଷ୍ଠାନ ମଧ୍ୟ ନିଆଯିବ ବୋଲି ବିଭାଗ ସ୍ପଷ୍ଟ କରିଛି।
ସୂଚନା ଅନୁସାରେ, ୨୦୨୬ ଏପ୍ରିଲ ୧୬ ତାରିଖରେ ଓଡ଼ିଶା ଫାଇନାନ୍ସ ସର୍ଭିସ (ଓଏଫଏସ-୧, ଜୁନିୟର ବ୍ରାଞ୍ଚ) ଅଧିକାରୀମାନଙ୍କ ବଦଳି ଓ ପଦସ୍ଥାପନ ନେଇ ବିଜ୍ଞପ୍ତି ଜାରି କରାଯାଇଥିଲା। ମେ ୨୫ ତାରିଖରୁ ସେମାନଙ୍କୁ ପୂର୍ବ କର୍ମସ୍ଥଳରୁ ଅବ୍ୟାହତି ଦିଆଯାଇଥିବା ବିବେଚନା କରାଯାଇଥିଲା ଏବଂ ସମ୍ପୃକ୍ତ ନିୟନ୍ତ୍ରଣକାରୀ ଅଧିକାରୀଙ୍କୁ ତୁରନ୍ତ ଅବ୍ୟାହତି ସୁନିଶ୍ଚିତ କରିବାକୁ ନିର୍ଦ୍ଦେଶ ମଧ୍ୟ ଦିଆଯାଇଥିଲା।
ଏହାପରେ ଜୁନ୍ ୧୮ ତାରିଖରେ ପୁଣି ଏକ ନିର୍ଦ୍ଦେଶନାମା ଜାରି କରି ଅଧିକାରୀମାନଙ୍କୁ ତୁରନ୍ତ ନୂତନ କର୍ମସ୍ଥଳରେ ଯୋଗ ଦେବାକୁ କୁହାଯାଇଥିଲା। ଏପରିକି ବଦଳି ନିର୍ଦ୍ଦେଶ ପାଳନ ନକଲେ ଶୃଙ୍ଖଳାଗତ କାର୍ଯ୍ୟାନୁଷ୍ଠାନର ଚେତାବନୀ ମଧ୍ୟ ଦିଆଯାଇଥିଲା।
ତଥାପି କିଛି ଅଧିକାରୀ ଏପର୍ଯ୍ୟନ୍ତ ପୂର୍ବ କର୍ମସ୍ଥଳରୁ ଅବ୍ୟାହତି ନେଇନାହାନ୍ତି କିମ୍ବା ନୂତନ କର୍ମସ୍ଥଳରେ ଯୋଗ ଦେଇନାହାନ୍ତି। ଅର୍ଥ ବିଭାଗ ଏହାକୁ ସରକାରୀ ନିର୍ଦ୍ଦେଶର ଜାଣିଶୁଣି ଅବମାନନା ବୋଲି ଦର୍ଶାଇଛି।
ସର୍ବଶେଷ ନିର୍ଦ୍ଦେଶନାମା ଅନୁସାରେ, ଯେଉଁ ଅଧିକାରୀମାନେ ଏପର୍ଯ୍ୟନ୍ତ ଅବ୍ୟାହତି ପାଇନାହାନ୍ତି ସେମାନେ ଜୁଲାଇ ୨୦ ସୁଦ୍ଧା ନୂତନ କର୍ମସ୍ଥଳରେ ଯୋଗ ଦେବାକୁ ବାଧ୍ୟ। ଅନ୍ୟପକ୍ଷରେ, ଯେଉଁମାନେ ପୂର୍ବରୁ ଅବ୍ୟାହତି ପାଇସାରିଛନ୍ତି କିନ୍ତୁ ନୂତନ ସ୍ଥାନରେ ଯୋଗ ଦେଇନାହାନ୍ତି, ସେମାନଙ୍କୁ ଜୁଲାଇ ୨୧ରୁ ଦରମା ପ୍ରଦାନ କରାଯିବ ନାହିଁ। ସେମାନେ ନୂତନ କର୍ମସ୍ଥଳରେ ଯୋଗ ଦେବା ପରେ ହିଁ ଦରମା ପାଇପାରିବେ।
ଅର୍ଥ ବିଭାଗ ପକ୍ଷରୁ କୁହାଯାଇଛି ଯେ, ବଦଳି ପ୍ରକ୍ରିୟାର ଉଦ୍ଦେଶ୍ୟକୁ ସଫଳ କରିବା ପାଇଁ ସମସ୍ତ ଅଧିକାରୀଙ୍କୁ ସରକାରୀ ନିର୍ଦ୍ଦେଶ ପାଳନ କରିବା ଆବଶ୍ୟକ। ଅମାନ୍ୟ କଲେ ଆଗାମୀ ଦିନରେ ଆହୁରି କଡ଼ା ପଦକ୍ଷେପ ନିଆଯିବ।
ଆମେରିକା ଓ କାନାଡା ମଧ୍ୟରେ ଚାଲିଥିବାଟାରିଫ୍ ଯୁଦ୍ଧଏବେ ଏର...
ଘରୋଇ LPG ଗ୍ରାହକଙ୍କ ପାଇଁ ବଡ଼ ଆଶ୍ୱସ୍ତି।ଘରୋଇ LPG refi...
ବ୍ରିଟେନ୍‌ର ରାଜପରିବାରକୁ ନେଇ ଆସିଛି ବଡ଼ ଖବର। ଦୀର...
ଭାରତୀୟ ସିନେମା ଜଗତର ସର୍ବୋଚ୍ଚ ସମ୍ମାନ ମଧ୍ୟରୁ ଅନ୍ୟତମନ୍...
ରୁଷିଆ ଓ ଉତ୍ତର କୋରିଆ ମଧ୍ୟରେପ୍ରଥମ ସଡ଼କ ସେତୁଖୋଲାଯାଇଛି...
ଆମେରିକାରେ ଚାକିରି କରିବା ସହିତ ନିଜ ପ୍ରତିଭାକୁ side bus...
ବକ୍ସିଂ ଚାମ୍ପିଅନ୍ ମେରି କମ୍ Bigg Boss 20ରେ...
ପଞ୍ଜାବୀ ଅଭିନେତ୍ରୀଇଶା ରିଖିବାଦଶାହଙ୍କଠାରୁ ବିଚ୍ଛେଦ ଘୋଷ...
ଭାରତୀୟ ଅର୍ଥନୀତି ପାଇଁ ଆସିଛି ଭଲ ଖବର।୨୦୨୬-୨୭ ଆର୍ଥିକ ବ...
ଇସ୍ରାଏଲ ଅଧିକୃତ ୱେଷ୍ଟ ବ୍ୟାଙ୍କରେ ଥିବା ଯିହୁଦୀ ସେଟଲମେଣ...
‘Taali’ ସିରିଜ୍ରେ ଟ୍ରାନ୍ସଜେଣ୍ଡର ଆକ୍ଟିଭି...
ପାଲେଷ୍ଟାଇନର ନୂଆ ଶିକ୍ଷାବର୍ଷ ଆରମ୍ଭ ହେବା ସହ ଅଧିକୃତ ୱେ...
