ପଞ୍ଜାବୀ ଅଭିନେତ୍ରୀଇଶା ରିଖିବାଦଶାହଙ୍କଠାରୁ ବିଚ୍ଛେଦ ଘୋଷଣା ହେବାର କିଛି ଦିନ ପରେସଲମାନ ଖାନ ହୋଷ୍ଟ କରୁଥିବା Bigg Boss 20ରେ ପ୍ରବେଶ କରିଛନ୍ତି। ଶୋ’ରେ ସେ ନିଜ ସମ୍ପର୍କ, ଭାଙ୍ଗିଥିବା ବିଶ୍ୱାସ ଏବଂ ନିଜ ଜୀବନରେ ଆଗକୁ ବଢ଼ିବା ନିଷ୍ପତ୍ତି ବିଷୟରେ କହିବା ବେଳେ ଭାବପ୍ରବଣ ହୋଇଥିଲେ।

ନିଜ ପରିଚୟ ଭିଡିଓରେ ଇଶା କହିଥିଲେ ଯେ ସେ ବିବାହ କରି ଜୀବନରେ ସ୍ଥିର ହେବାକୁ ଚାହୁଁଥିଲେ। କିନ୍ତୁ କିଛି ଅନୁଭୂତି ତାଙ୍କ ଦୃଷ୍ଟିକୋଣ ବଦଳାଇଦେଇଛି। କୌଣସି ସମ୍ପର୍କରେ ବିଶ୍ୱାସ ଭାଙ୍ଗିଗଲେ ନିଜେ କେଉଁଠି ଭୁଲ କଲେ ବୋଲି ଭାବିବା ଆରମ୍ଭ ହୁଏ ବୋଲି ସେ କହିଥିଲେ। ତେବେ ନିଜ ସହ ଘଟିଥିବା ଘଟଣା ବିଷୟରେ ସେ ବିସ୍ତାରରେ କଥା ହେବାକୁ ଚାହୁଁନଥିବା କହିଥିଲେ।

ଏହା ଶୁଣି ସଲମାନ ଖାନ ଇଶାଙ୍କୁ ଅତୀତକୁ ଛାଡ଼ି ଆଗକୁ ବଢ଼ିବାକୁ କହିଥିଲେ। ସେ ତାଙ୍କୁ ବୁଝାଇଥିଲେ ଯେ ବ୍ୟକ୍ତିଗତ ବିଷୟକୁ ବ୍ୟକ୍ତିଗତ ରଖିବା ଭଲ ଏବଂ ଅତୀତକୁ ନେଇ ଭାବପ୍ରବଣ ହେବା ପରିବର୍ତ୍ତେ ନିଜ ଭବିଷ୍ୟତ ଉପରେ ଧ୍ୟାନ ଦେବା ଉଚିତ।

ଇଶା ରିଖି ପୂର୍ବରୁ କହିଥିଲେ ଯେBigg Boss 20ରେ ଆସିବାର ତାଙ୍କର ମୁଖ୍ୟ ଉଦ୍ଦେଶ୍ୟ ହେଉଛି ଲୋକେ ତାଙ୍କୁ କେବଳ ଅନ୍ୟ କାହାର ନାମରେ ନୁହେଁ, ବରଂ ତାଙ୍କ ନିଜ ପରିଚୟରେ ଜାଣନ୍ତୁ। ଏହି ଶୋ’ ମାଧ୍ୟମରେ ନିଜ ବ୍ୟକ୍ତିତ୍ୱର ବିଭିନ୍ନ ଦିଗ ଦର୍ଶକଙ୍କ ସାମ୍ନାକୁ ଆଣିବାକୁ ସେ ଚାହୁଁଛନ୍ତି।

ଅନ୍ୟପଟେ, ବାଦଶାହ ଓ ଇଶା ରିଖି ଏକ ଯୁଗ୍ମ ବିବୃତ୍ତି ଜରିଆରେ ସୋସିଆଲ ମିଡିଆରେ ସେମାନଙ୍କ ବିଚ୍ଛେଦ ବିଷୟରେ ଘୋଷଣା କରିଥିଲେ। ପରସ୍ପର ସମ୍ମାନ ସହ ସେମାନେ ଅଲଗା ହେବାକୁ ନିଷ୍ପତ୍ତି ନେଇଥିବା କହିବା ସହ ଗୋପନୀୟତାକୁ ସମ୍ମାନ ଦେବାକୁ ପ୍ରଶଂସକ ଓ ଗଣମାଧ୍ୟମକୁ ଅନୁରୋଧ କରିଥିଲେ।