କେଜିରୁ ପିଜି (KG-to-PG) ପର୍ଯ୍ୟନ୍ତ ନାମଲେଖା ପ୍ରକ୍ରିୟାକୁ ସୁବ୍ୟବସ୍ଥିତ, ସ୍ୱଚ୍ଛ ଓ ଦ୍ୱନ୍ଦ୍ୱମୁକ୍ତ କରିବା ପାଇଁ ଓଡ଼ିଶା ସରକାର ଖୁବଶୀଘ୍ର ଏକଷ୍ଟାଣ୍ଡାର୍ଡ ଅପରେଟିଂ ପ୍ରୋସିଜର (SOP)ଜାରି କରିବେ। ଏହି ସୂଚନା ଉଚ୍ଚଶିକ୍ଷା ମନ୍ତ୍ରୀସୂର୍ଯ୍ୟବଂଶୀ ସୂରଜଶନିବାର ଦେଇଛନ୍ତି।

ମନ୍ତ୍ରୀ କହିଛନ୍ତି, ରାଜ୍ୟର ସମସ୍ତ ଶିକ୍ଷାନୁଷ୍ଠାନରେ ନାମଲେଖା ପ୍ରକ୍ରିୟାକୁ ଏକରୂପ କରିବା ଓ ଛାତ୍ରଛାତ୍ରୀ, ଅଭିଭାବକ ଏବଂ କଲେଜ ପ୍ରଶାସନଙ୍କ ମଧ୍ୟରେ ଥିବା ଦ୍ୱନ୍ଦ୍ୱ ଦୂର କରିବା ଉଦ୍ଦେଶ୍ୟରେ ଏହି SOP ପ୍ରସ୍ତୁତ କରାଯାଇଛି।

ଏହାସହ ରାଜ୍ୟ ସରକାର୬୬୨ ଓ ୪୮୮ ବର୍ଗର କଲେଜଗୁଡ଼ିକୁଆର୍ଥିକ ସହାୟତା ପ୍ରଦାନ କରିବେ। ସ୍ୱୟଂ ଅର୍ଥପୋଷିତ (Self-financing) ଏବଂ ବୃତ୍ତିଗତ (Professional) ପାଠ୍ୟକ୍ରମ ଚାଲୁଥିବା ସଂସ୍ଥାକୁ ଛାଡ଼ି ଅନ୍ୟ ସମସ୍ତ ଯୋଗ୍ୟ କଲେଜ ଏହି ଯୋଜନାରେ ସାମିଲ ହେବେ।

ମନ୍ତ୍ରୀଙ୍କ କହିବା ଅନୁସାରେ, ଏପର୍ଯ୍ୟନ୍ତ ଛାତ୍ରଛାତ୍ରୀ ଯେଉଁ ଶୁଳ୍କ ପ୍ରଦାନ କରୁଥିଲେ, ତାହା ଏବେ ରାଜ୍ୟ ସରକାର ବହନ କରିବେ। କର୍ମଚାରୀଙ୍କ ବେତନ, କଲେଜ ରକ୍ଷଣାବେକ୍ଷଣ ଓ ପରିଚାଳନା ସମ୍ପର୍କରେ ମଧ୍ୟ ସ୍ପଷ୍ଟ ନିର୍ଦ୍ଦେଶନାମା ଜାରି କରାଯିବ, ଯାହାଫଳରେ ଆଗାମୀ ଦିନରେ କୌଣସି ପ୍ରକାରର ଦ୍ୱନ୍ଦ୍ୱ ରହିବ ନାହିଁ।

ସୂର୍ଯ୍ୟବଂଶୀ ସୂରଜ କହିଛନ୍ତି,ଓଡ଼ିଶା ଦେଶର ପ୍ରଥମ ରାଜ୍ୟ ଭାବେ କେଜିରୁ ପିଜି ପର୍ଯ୍ୟନ୍ତ ମାଗଣା ଶିକ୍ଷା ବ୍ୟବସ୍ଥାଆରମ୍ଭ କରିବାକୁ ଯାଉଛି। ଏହି ବ୍ୟବସ୍ଥାକୁ ପର୍ଯ୍ୟାୟକ୍ରମେ କାର୍ଯ୍ୟକାରୀ କରାଯିବ ଏବଂ ଏଥିପାଇଁ ଅଧ୍ୟକ୍ଷ, ଅଭିଭାବକ ଓ ଛାତ୍ରଛାତ୍ରୀଙ୍କ ସହ ଆଲୋଚନା ଜାରି ରହିଛି।