ବନ୍ଧୁଆ ଶ୍ରମିକଙ୍କ ଚିହ୍ନଟ, ଉଦ୍ଧାର, ପୁନର୍ବାସ ଏବଂ ଦୋଷୀଙ୍କ ବିରୋଧରେ ଆଇନଗତ କାର୍ଯ୍ୟାନୁଷ୍ଠାନକୁ ସୁସଂଗଠିତ କରିବା ପାଇଁ ଓଡ଼ିଶା ସରକାର ଗୁରୁବାର ଏକ ନୂତନଷ୍ଟାଣ୍ଡାର୍ଡ ଅପରେଟିଂ ପ୍ରୋସିଜର (SOP)ଜାରି କରିଛନ୍ତି।
କେନ୍ଦ୍ର ସରକାରଙ୍କ ନିର୍ଦ୍ଦେଶାବଳୀକୁ ଆଧାର କରି ପ୍ରସ୍ତୁତ ଏହି SOPକୁ ଓଡ଼ିଆ ଭାଷାରେ ପ୍ରକାଶ କରାଯାଇଛି। ଏଥିରେ କ୍ଷେତ୍ରସ୍ତରରେ କାର୍ଯ୍ୟରତ ଅଧିକାରୀମାନଙ୍କ ପାଇଁ ସ୍ପଷ୍ଟ ଦାୟିତ୍ୱ ନିର୍ଦ୍ଧାରଣ କରାଯାଇଛି। ସେହିସହିତ ବେଆଇନ ନିଯୁକ୍ତି, ମାନବ ଚାଲାଣ ଏବଂ ଦଲାଲି କାର୍ଯ୍ୟରେ ଜଡିତ ବ୍ୟକ୍ତିଙ୍କ ବିରୋଧରେ କଠୋର ଆଇନଗତ ପଦକ୍ଷେପ ନେବାକୁ ସରକାର ସ୍ପଷ୍ଟ କରିଛନ୍ତି।
ଏହି SOP ଉନ୍ମୋଚନ କାର୍ଯ୍ୟକ୍ରମକୁ ବନ୍ଧୁଆ ଶ୍ରମିକଙ୍କ ଦ୍ୱାରା ପରିଚାଳିତ ସଂଗଠନ'ଶ୍ରମବାହିନୀ'ଆୟୋଜନ କରିଥିଲା। ଏହା ଜାତିସଂଘରବିଶ୍ୱ ମାନବ ଚାଲାଣ ବିରୋଧୀ ଦିବସଏବଂବନ୍ଧୁଆ ଶ୍ରମ ପ୍ରଥା ଉଚ୍ଛେଦ ଆଇନ, ୧୯୭୬ର ସ୍ୱର୍ଣ୍ଣ ଜୟନ୍ତୀ ଅବସରରେ ଆୟୋଜିତ ହୋଇଥିଲା।
ରାଜ୍ୟର ବିଭିନ୍ନ ଜିଲ୍ଲାରୁ ୨୦୦ରୁ ଅଧିକ ମୁକ୍ତ ବନ୍ଧୁଆ ଶ୍ରମିକ ଏହି କାର୍ଯ୍ୟକ୍ରମରେ ଯୋଗଦେଇ ମାନବ ଚାଲାଣ ରୋକିବା ସହ ପୁନର୍ବାସ ବ୍ୟବସ୍ଥାକୁ ଅଧିକ ସୁଦୃଢ଼ କରିବାକୁ ଦାବି କରିଥିଲେ। ଶ୍ରମବାହିନୀର ସମ୍ପାଦିକା ରଞ୍ଜିତା ରଣା ସରକାରଙ୍କୁ ପ୍ରତିବର୍ଷଫେବୃଆରୀ ୯କୁ'ବନ୍ଧୁଆ ଶ୍ରମ ଉଚ୍ଛେଦ ଦିବସ'ଭାବେ ପାଳନ କରିବାକୁ ଅନୁରୋଧ କରିଥିଲେ।
ନୂତନ SOP ଅନୁଯାୟୀ, ଉଦ୍ଧାର ହୋଇଥିବା ଶ୍ରମିକ କିମ୍ବା ତାଙ୍କ ପରିବାରକୁ ଘରକୁ ଫେରାଇବାରେ ତଦନ୍ତ କିମ୍ବା ମାମଲା ଚାଲିଥିବାକୁ ଦର୍ଶାଇ ବିଳମ୍ବ କରାଯିବ ନାହିଁ। ଜିଲ୍ଲାପାଳ କିମ୍ବା ଉପଜିଲ୍ଲାପାଳଙ୍କ ତତ୍ତ୍ୱାବଧାନରେ ଜଣେ ସରକାରୀ ପ୍ରତିନିଧି ଓ ଜଣେ ପୁଲିସ ଅଧିକାରୀଙ୍କ ସହାୟତାରେ ସୁରକ୍ଷିତ ଭାବେ ସେମାନଙ୍କୁ ଫେରାଇ ଆଣିବାର ବ୍ୟବସ୍ଥା ରହିଛି।
ଏହାଛଡ଼ା ଉଦ୍ଧାର ସ୍ଥଳ ଏବଂ ପୁନର୍ବାସ ସ୍ଥଳରେ ପୁଲିସ ଓ ପ୍ରଶାସନ ମଧ୍ୟରେ ସମନ୍ୱୟ ବଢ଼ାଇ ଶ୍ରମିକଙ୍କ ସୁରକ୍ଷା, ପୁନର୍ବାସ ଓ ସହାୟତାକୁ ଅଧିକ ଫଳପ୍ରଦ କରିବାକୁ ଗୁରୁତ୍ୱ ଦିଆଯାଇଛି।
SOP ଉନ୍ମୋଚନ ଅବସରରେ ଆଇନ, ପୂର୍ତ୍ତ ଓ ଅବକାରୀ ମନ୍ତ୍ରୀପୃଥ୍ୱୀରାଜ ହରିଚନ୍ଦନକହିଛନ୍ତି ଯେ, ବନ୍ଧୁଆ ଶ୍ରମ ଏବଂ ମାନବ ଚାଲାଣ ସହ ଜଡିତ ଅପରାଧର ତଦନ୍ତ ଓ ବିଚାର ପ୍ରକ୍ରିୟାକୁ ଆହୁରି ସୁଦୃଢ଼ କରାଯିବ, ଯାହାଦ୍ୱାରା ଦୋଷୀମାନେ ଶୀଘ୍ର ଦଣ୍ଡ ପାଇପାରିବେ।
ଏହି SOP ଓଡ଼ିଶା ମଧ୍ୟରେ ଉଦ୍ଧାର ହୋଇଥିବା ଶ୍ରମିକଙ୍କ ସହ ଅନ୍ୟ ରାଜ୍ୟରୁ ଫେରିଥିବା ବନ୍ଧୁଆ ଶ୍ରମିକଙ୍କ କ୍ଷେତ୍ରରେ ମଧ୍ୟ ପ୍ରଯୋଜ୍ୟ ହେବ।
ଓଡ଼ିଶା କ୍ରିକେଟ୍ ବର୍ତ୍ତମାନ ଏହାର ସବୁଠୁ କଠିନ ସମୟ ମଧ୍ୟ...
ଦ ହଣ୍ଡ୍ରେଡ୍‌ କ୍ରିକେଟ୍‌ ପ୍ରତିଯୋଗିତାରେ ଭାର...
ଓଡ଼ିଶା ସରକାରଫୁଲବାଣୀ ମେଡିକାଲ କଲେଜର ନାମ ପରିବର୍ତ୍ତନ କ...
ରାଜ୍ୟରେ ଲଗାତାର ବର୍ଷା ଓ ବନ୍ୟା ପରିସ୍ଥିତି ଯୋଗୁଁ ଜନଜୀବ...
କମନୱେଲ୍ଥ ଗେମ୍ସରେ ଭାରତୀୟ ଖେଳାଳିଙ୍କ ପଦକ ଅଭିଯାନ ଜାରି...
ଦୀର୍ଘ ଆଲୋଚନା ପରେ Public Examinations (Prevention o...
ଓଡ଼ିଶା କ୍ରିକେଟ୍‌ ଏବେ ଏହାର ସବୁଠାରୁ ଚ୍ୟାଲେଞ୍ଜିଂ...
ନିଟ୍ ପ୍ରଶ୍ନପତ୍ର ଲିକ୍କୁ ନେଇ ଦେଶବ୍ୟାପୀ ଚର୍ଚ୍ଚା ଚାଲିଥ...
