କମନୱେଲ୍ଥ ଗେମ୍ସରେ ଭାରତୀୟ ଖେଳାଳିଙ୍କ ପଦକ ଅଭିଯାନ ଜାରି ରହିଛି। ପୁରୁଷ ୧୧୦ କେଜି ଭାରୋତ୍ତୋଳନରେ ଲଭ୍ପ୍ରୀତ ସିଂହ ରୌପ୍ୟ ପଦକ ଜିତି ଭାରତର ପଦକ ତାଲିକାକୁ ଆହୁରି ସମୃଦ୍ଧ କରିଛନ୍ତି।
ପୁରୁଷ ୧୧୦ କେଜି ଭାରୋତ୍ତୋଳନ ଫାଇନାଲ୍ରେ ଲଭ୍ପ୍ରୀତ ସିଂହ ମୋଟ ୩୮୮ କେଜି ଭାର ଉଠାଇ ଦ୍ୱିତୀୟ ସ୍ଥାନରେ ରହିଥିଲେ। ଏହା ସହ ସେ ରୌପ୍ୟ ପଦକ ହାସଲ କରିଛନ୍ତି।
ନ୍ୟୁଜିଲାଣ୍ଡର ଡେଭିଡ୍ ଲିଟ୍ଟି ମୋଟ ୩୮୯ କେଜି ଭାର ଉଠାଇ ନୂଆ କମନୱେଲ୍ଥ ରେକର୍ଡ ସହ ସ୍ୱର୍ଣ୍ଣ ପଦକ ଜିତିଛନ୍ତି। ଇଂଲଣ୍ଡର ଆଣ୍ଡ୍ର୍ୟୁ ଗ୍ରିଫିଥ୍ କାଂସ୍ୟ ପଦକ ହାସଲ କରିଛନ୍ତି।
ଅନ୍ୟପଟେ ପୁରୁଷ ୨୦୦ ମିଟରରେ ଭାରତୀୟ ଧାବକ ତଥା ଓଡ଼ିଶାର ପ୍ରତିନିଧି ଅନିମେଷ କୁଜୁର ଫାଇନାଲ୍କୁ ଯୋଗ୍ୟତା ହାସଲ କରିପାରିନାହାନ୍ତି।
ଗୁରୁବାର ଅନୁଷ୍ଠିତ ୨୦୦ ମିଟରର ଦ୍ୱିତୀୟ ସେମିଫାଇନାଲ୍ରେ ଅନିମେଷ ୨୦.୬୫ ସେକେଣ୍ଡ ସମୟ ନେଇ ଷଷ୍ଠ ସ୍ଥାନରେ ରହିଥିଲେ। ଫଳରେ ତାଙ୍କର ପଦକ ଆଶା ଶେଷ ହୋଇଛି।
ତେବେ ରାଉଣ୍ଡ-୧ରେ ଅନିମେଷ ଚମତ୍କାର ପ୍ରଦର୍ଶନ କରିଥିଲେ। ସେ ୨୦.୪୬ ସେକେଣ୍ଡର ଋତୁ ଶ୍ରେଷ୍ଠ ସମୟ ସହ ନିଜ ହିଟ୍ରେ ପ୍ରଥମ ସ୍ଥାନ ହାସଲ କରି ସେମିଫାଇନାଲ୍କୁ ପ୍ରବେଶ କରିଥିଲେ। ଏହା ପରେ ତାଙ୍କଠାରୁ ପଦକ ଆଶା କରାଯାଉଥିଲା। କିନ୍ତୁ ସେମିଫାଇନାଲ୍ରେ ସେ ରାଉଣ୍ଡ-୧ର ପ୍ରଦର୍ଶନ ଦୋହରାଇପାରିନଥିଲେ।
ପୁରୁଷ ସଟ୍ପୁଟ୍ରେ ଭାରତର ତଜିନ୍ଦରପାଲ୍ ସିଂହ ତୁର୍ ଓ ସମରଦୀପ ସିଂହ ଗିଲ୍ ମଧ୍ୟ ପଦକ ଜିତିବାରେ ବିଫଳ ହୋଇଛନ୍ତି। ତଜିନ୍ଦରପାଲ୍ ପଞ୍ଚମ ଏବଂ ସମରଦୀପ ଷଷ୍ଠ ସ୍ଥାନରେ ରହିଥିଲେ।
ଏହି ଇଭେଣ୍ଟରେ ନାଇଜେରିଆର ଚୁକୁଏବୁକା ଏନେଜକ୍ଓ୍ବେଚି ୨୧.୦୭ ମିଟର ଫିଙ୍ଗି ସ୍ୱର୍ଣ୍ଣ ପଦକ ଜିତିଥିବା ବେଳେ ନ୍ୟୁଜିଲାଣ୍ଡର ଟମ୍ ୱାଲସ୍ ରୌପ୍ୟ ଏବଂ ଇଂଲଣ୍ଡର ସ୍କଟ୍ ଲିଙ୍କନ୍ କାଂସ୍ୟ ପଦକ ହାସଲ କରିଛନ୍ତି।
ଗବେଷଣା ଓ ଉଚ୍ଚଶିକ୍ଷା କ୍ଷେତ୍ରରେ ନୂଆ ସହଯୋଗ ଉଚ୍ଚଶିକ...
ବିହାର ବୋର୍ଡର ଦଶମ ଓ ଦ୍ୱାଦଶ ଶ୍ରେଣୀର ୨୦୨୭ ବାର୍ଷିକ ପରୀ...
ପୃଥିବୀ ପରେ ଏବେ ଚନ୍ଦ୍ରକୁ ନେଇ ଆରମ୍ଭ ହେବାକୁ ଯାଉଛି ନୂଆ...
ମଧ୍ୟପ୍ରାଚ୍ୟରେ ଜାରି ରହିଥିବା ଯୁଦ୍ଧ ଓ ଉତ୍ତେଜନା ମଧ୍ୟରେ...
ଦେଶରେ ଗବେଷଣା ଓ ନୂତନ ଉଦ୍ଭାବନକୁ ଉତ୍ସାହିତ କରିବା ଲକ୍ଷ୍...
‘ଅରାଜକତା ହଟାଅ, ଗଣତନ୍ତ୍ର ବଞ୍ଚାଅ’ ସ୍ଲୋଗା...
ମଧ୍ୟପ୍ରାଚ୍ୟରେ ବଦଳୁଛି ରାଜନୈତିକ ଓ ସାମରିକ ସମୀକରଣ। ସାଉ...
ୱାଶିଂଟନ୍: ଆମେରିକାର ରାଜନୀତିରେ ବଡ଼ ପରିବର୍ତ୍ତନ। ୨୦୨୬...
