ମୁଖ୍ୟମନ୍ତ୍ରୀ କାର୍ଯ୍ୟାଳୟ (ସିଏମଓ)ରୁ ଦୁଇଟି ଗୁରୁତ୍ୱପୂର୍ଣ୍ଣ ଫାଇଲ ନିଖୋଜ ଘଟଣାର ତଦନ୍ତ ଦିନକୁ ଦିନ ତୀବ୍ର ହେବାରେ ଲାଗିଛି। ଏହି ଘଟଣାରେ କମିଶନରେଟ୍ ପୁଲିସ ରବିବାର ପୂର୍ବତନ IAS ଅଧିକାରୀ ଉପେନ୍ଦ୍ରନାଥ ବେହେରାଙ୍କୁ ପଚରାଉଚରା କରିପାରେ।
ପୁଲିସ ପକ୍ଷରୁ ଉପେନ୍ଦ୍ରନାଥ ବେହେରାଙ୍କୁ ACP, Zone-I କାର୍ଯ୍ୟାଳୟରେ ହାଜର ହେବା ପାଇଁ ନୋଟିସ ଜାରି କରାଯାଇଥିଲା। ସିଏମଓରୁ ଦୁଇଟି ଫାଇଲ ନିଖୋଜ ହେବା ଘଟଣାରେ ତାଙ୍କ ବୟାନ ତଦନ୍ତ ପାଇଁ ଗୁରୁତ୍ୱପୂର୍ଣ୍ଣ ବୋଲି ପୁଲିସ ମନେ କରୁଛି।
ଅନ୍ୟପକ୍ଷରେ, ପୂର୍ବରୁ ଜାରି ହୋଇଥିବା ସମନ ସତ୍ତ୍ୱେ ହାଜର ନ ହେବାରୁ ପୂର୍ବତନ IAS ଅଧିକାରୀ ରାଜେଶ ବର୍ମାଙ୍କୁ ଦ୍ୱିତୀୟ ଥର ପାଇଁ ନୋଟିସ ପଠାଯାଇଛି। ତାଙ୍କୁ ଜୁଲାଇ ୩୦ ସୁଦ୍ଧା ତଦନ୍ତକାରୀ ଦଳ ସମ୍ମୁଖରେ ହାଜର ହେବାକୁ ନିର୍ଦ୍ଦେଶ ଦିଆଯାଇଛି।
ସେହିପରି, ପୂର୍ବତନ IAS ଅଧିକାରୀ ଭି.କେ. ପାଣ୍ଡିଆନଙ୍କୁ ମଧ୍ୟ ଜୁଲାଇ ୨୫ ତାରିଖ ସକାଳ ୧୧ଟାରେ ହାଜର ହେବାକୁ ନୋଟିସ ଦିଆଯାଇଥିଲା। କିନ୍ତୁ ସେ ବର୍ତ୍ତମାନ ବିଦେଶରେ ଥିବାରୁ ଅଧିକ ସମୟ ମାଗିଥିବା ସୂଚନା ମିଳିଛି।
ପୂର୍ବରୁ ପୁଲିସ କମିଶନର ଏସ୍. ଦେବ ଦତ୍ତ ସିଂହ କହିଥିଲେ ଯେ, ରାଜେଶ ବର୍ମା ନୂତନ ତାରିଖରେ ମଧ୍ୟ ହାଜର ନ ହେଲେ ତାଙ୍କ ବିରୋଧରେ କଡ଼ା ପଦକ୍ଷେପ ନିଆଯାଇପାରେ।
ସିଏମଓ ଫାଇଲ ନିଖୋଜ ମାମଲାରେ ଏକ ପରେ ଏକ ବରିଷ୍ଠ ପୂର୍ବତନ ଅଧିକାରୀଙ୍କୁ ନୋଟିସ ଜାରି ହେଉଥିବାରୁ ଏହି ତଦନ୍ତ ଅଧିକ ଗୁରୁତ୍ୱପୂର୍ଣ୍ଣ ମୋଡ଼ ନେଇଛି। ଆଗାମୀ ଦିନରେ ତଦନ୍ତରୁ ଆହୁରି ଚାଞ୍ଚଲ୍ୟକର ତଥ୍ୟ ସାମ୍ନାକୁ ଆସିବାର ସମ୍ଭାବନା ରହିଛି।
ଦେଶବ୍ୟାପୀ ନିଟ୍ ପରୀକ୍ଷା ବିବାଦ ଓ ଶିକ୍ଷା ବ୍ୟବସ୍ଥାକୁ ନ...
ଓଡ଼ିଶାରେ ପୁଣି ଥରେ ସକ୍ରିୟ ହେବାକୁ ଯାଉଛି ମୌସୁମୀ। ବଙ୍ଗ...
କେନ୍ଦ୍ର ଶିକ୍ଷାମନ୍ତ୍ରୀଧର୍ମେନ୍ଦ୍ର ପ୍ରଧାନଙ୍କ ଇସ୍ତଫାପର...
ଦେଶର ବିଭିନ୍ନ ସ୍ଥାନରେ ଚାଲିଥିବା ଛାତ୍ର ଆନ୍ଦୋଳନ ଏବଂ ପ୍...
ଦେଶରେ ଚିକିତ୍ସା ଶିକ୍ଷା ଓ ସ୍ୱାସ୍ଥ୍ୟସେବାକୁ ଆହୁରି ସୁଦୃ...
ଲଗାତାର ବର୍ଷା ଯୋଗୁଁ ରାଜଧାନୀଭୁବନେଶ୍ୱରଓକଟକସମେତ ଓଡ଼ିଶା...
ଓଡ଼ିଶା ରାଜନୀତିରେ ରବିବାର ଏକ ବଡ଼ ରାଜନୈତିକ ପରିବର୍ତ୍ତନ...
କେନ୍ଦ୍ର ଶିକ୍ଷାମନ୍ତ୍ରୀ ପଦରୁ ଧର୍ମେନ୍ଦ୍ର ପ୍ରଧାନଙ୍କ ଇସ...
ଓଡ଼ିଶାରେ ପୁଣି ଏକଲଘୁଚାପସକ୍ରିୟ ହେବାକୁ ଯାଉଥିବାରୁ ଆଗାମ...
ଦେଶର ବିଭିନ୍ନ ରାଜ୍ୟରେ ମୌସୁମୀ ବର୍ଷାର ପ୍ରକୋପ ଜାରି ରହି...
ରାଜଧାନୀ ଦିଲ୍ଲୀରେ ଆନ୍ଦୋଳନର ରାଜନୀତି ପୁଣିଥରେ ଚର୍ଚ୍ଚାର...
ଉଚ୍ଚଶିକ୍ଷା ପାଇଁ ବଢ଼ୁଥିବା ଖର୍ଚ୍ଚ ଅନେକ ପରିବାରଙ୍କ ପାଇ...
