ନୂଆଦିଲ୍ଲୀ: ମହେନ୍ଦ୍ର ସିଂ ଧୋନିଙ୍କ ଆଇପିଏଲ୍ ଖେଳାଳି ଜୀବନରେ ପଡ଼ିଛି ପୂର୍ଣ୍ଣଚ୍ଛେଦ। ଆଗାମୀ ଆଇପିଏଲ୍ରେ ସେ ଆଉ ଚେନ୍ନାଇ ସୁପର କିଙ୍ଗ୍ସ ପକ୍ଷରୁ ଖେଳାଳି ଭାବେ ମଇଦାନକୁ ଓହ୍ଲାଇବେ ନାହିଁ। ତେବେ ଦଳ ସହ ତାଙ୍କର ସମ୍ପର୍କ ଜାରି ରହିବ। ୨୦୨୭ ଆଇପିଏଲ୍ରୁ ସେ CSKର ମେଣ୍ଟର ଭାବେ ନୂଆ ଦାୟିତ୍ୱ ତୁଲାଇବେ। ଧୋନିଙ୍କ ଏହି ନୂଆ ଭୂମିକା ଦଳକୁ ବେଶ୍ ସାହାଯ୍ୟ କରିବ ବୋଲି ମତ ଦେଇଛନ୍ତି ଆଫଗାନିସ୍ତାନର ସ୍ପିନର ନୁର ଅହମ୍ମଦ।
ନୁର ଅହମ୍ମଦଙ୍କ କହିବା ଅନୁଯାୟୀ, ଧୋନିଙ୍କ ଉପସ୍ଥିତି CSK ପାଇଁ ସବୁବେଳେ ଗୁରୁତ୍ୱପୂର୍ଣ୍ଣ। ତାଙ୍କର ୱିକେଟ୍ ପଛରେ ଚମତ୍କାର କିପିଂ, ଦ୍ରୁତ ଷ୍ଟମ୍ପିଂ ଏବଂ ମ୍ୟାଚ୍କୁ ଶେଷ ପର୍ଯ୍ୟନ୍ତ ନେଇ ବିଜୟୀ କରାଇବାର ଦକ୍ଷତାକୁ ଦଳ ନିଶ୍ଚିତ ମନେ ପକାଇବ।
ନୁର କହିଛନ୍ତି, ଧୋନିଙ୍କୁ ସମସ୍ତେ ମିସ୍ କରିବେ। କିନ୍ତୁ ଦଳ ସହ ତାଙ୍କର ନୂଆ ଭୂମିକା ଚେନ୍ନାଇ ସୁପର କିଙ୍ଗ୍ସକୁ ବହୁତ ଲାଭ ଦେବ। ସେ ଦଳ ସହ ରହିଥିବାରୁ ମୁଁ ଖୁସି।
ବିଭିନ୍ନ ଦେଶର ଟି-୨୦ ଲିଗ୍ରେ ଖେଳିବା ଯୁବ କ୍ରିକେଟରଙ୍କ ପାଇଁ ବହୁତ ଜରୁରୀ ବୋଲି ମଧ୍ୟ କହିଛନ୍ତି ନୁର। ବରିଷ୍ଠ ଖେଳାଳିଙ୍କ ସହ ଡ୍ରେସିଂ ରୁମ୍ରେ ସମୟ ବିତାଇବା ଦ୍ୱାରା ଅନେକ କିଛି ଶିଖିବାର ସୁଯୋଗ ମିଳିଥାଏ।
ବିଭିନ୍ନ ଦେଶର ପିଚ୍, ପରିବେଶ ଓ ମ୍ୟାଚ୍ର ପରିସ୍ଥିତି ସହ ନିଜକୁ ଖାପଖୁଆଇବା ଦ୍ୱାରା ଜଣେ ଯୁବ ଖେଳାଳିଙ୍କ ଅଭିଜ୍ଞତା ବଢ଼ିଥାଏ ବୋଲି ସେ କହିଛନ୍ତି।
ଆଧୁନିକ ଟି-୨୦ କ୍ରିକେଟ୍ରେ ବୋଲରଙ୍କ ପାଇଁ ଚ୍ୟାଲେଞ୍ଜ ବଢ଼ିଥିବା ନେଇ ମଧ୍ୟ ନୁର ମତ ରଖିଛନ୍ତି। ତାଙ୍କ ମତରେ, ଫ୍ଲାଟ୍ ପିଚ୍ରେ ବ୍ୟାଟରମାନେ ବଡ଼ ସଟ୍ ଖେଳୁଥିବାରୁ ସ୍ପିନରମାନଙ୍କୁ ବିଭିନ୍ନ ପ୍ରକାରର ବୋଲିଂ କରିବାକୁ ପଡ଼ିଥାଏ।
ବଲ୍କୁ ଆକାଶରେ ଫ୍ଲାଇଟ୍ ଦେବା ମଧ୍ୟ ସ୍ପିନରଙ୍କ ଏକ ଗୁରୁତ୍ୱପୂର୍ଣ୍ଣ ଅସ୍ତ୍ର ବୋଲି ସେ କହିଛନ୍ତି।
ନୁରଙ୍କ ମତରେ, ଅତିରିକ୍ତ ଇମ୍ପାକ୍ଟ ପ୍ଲେୟାର ନିୟମ ଓ ଅଧିକ ବ୍ୟାଟିଂ ବିକଳ୍ପ ସହ ଫ୍ଲାଟ୍ ପିଚ୍ ଯୋଗୁଁ ଆଇପିଏଲ୍ ବୋଲରଙ୍କ ପାଇଁ ଅନ୍ୟ ଟି-୨୦ ଲିଗ୍ ତୁଳନାରେ ଅଧିକ କଠିନ ହୋଇଥାଏ।
ବର୍ତ୍ତମାନ ନୁର ଅହମ୍ମଦ ଡିପି ୱାର୍ଲ୍ଡ ଇଣ୍ଟରନ୍ୟାସନାଲ୍ ଲିଗ୍ ଟି-୨୦ରେ ଦୁବାଇ କ୍ୟାପିଟାଲ୍ସ ପକ୍ଷରୁ ଖେଳୁଛନ୍ତି।
ନୂଆଦିଲ୍ଲୀ: ଦେଶରେ ସାଇବର ଠକେଇର ନୂଆ ରୂପକୁ ନେଇ ସତର୍କ କ...
ଭୁବନେଶ୍ୱର: ଓଡ଼ିଶାର ଦୀର୍ଘ ଉପକୂଳ ଅଞ୍ଚଳର ସୁରକ୍ଷାକୁ ଆହ...
ଅନେକ ସମୟରେ ଭରପେଟ ଖାଇବା ପରେ ମଧ୍ୟ କିଛି ଲୋକଙ୍କୁ ଖୁବ୍...
ନାଗରକୋଏଲ:ତାମିଲନାଡୁର ନାଗରକୋଏଲ ରେଳ ଷ୍ଟେସନରେ ଏକ ଅତ୍ୟନ...
ପୁରୀ: ମହାପ୍ରଭୁ ଶ୍ରୀଜଗନ୍ନାଥଙ୍କ ଦର୍ଶନ କରି ଧନ୍ୟ ହୋଇଛନ...
ରାଉରକେଲାରୁ ଭୁବନେଶ୍ୱର ଏବଂ ଭୁବନେଶ୍ୱରରୁ ରାଉରକେଲା ଯାତ୍...
ଭୁବନେଶ୍ୱର: ଏଣିକି ରେଳ ଯାତ୍ରା ସହ ଦେଶବାସୀଙ୍କୁ ଓଡ଼ିଶାର...
ନୂଆଦିଲ୍ଲୀ: ଜାତୀୟ ରାଜପଥରେ ଟୋଲ୍ ଟିକସ ଫାଙ୍କିବା ପାଇଁ ଗ...